Рет қаралды 5,716
拍檔廚房|蕭正楠聯滕麗名作客節目學廚 方力申爆黃翠如放閃令人眼冤
蕭正楠 Edwin、滕麗名呢日齊齊作客黃翠如同方力申主持嘅全新節目《拍檔廚房》,而節目更邀嚟顧紀筠、黃永幟等人擔任評判。翠如多年前曾經擔任《美女廚房》嘉賓,而Edwin就係負責點評嘅主持,如今風水輪流轉,翠如都話感覺好正!雖然Edwin平時掌管家中廚房,不過佢喺一班經驗老道嘅廚藝高手面前,佢都唔敢認自己好叻烹飪。
平時甚少入廚嘅阿滕呢次遇到廚藝達人Edwin,自己係本住偷師嘅心嚟學習。阿滕更被小方大爆淨係學剝雞殼都學咗兩日,因為平時自己都係用剪嘅方式處理,而呢次就係用切嘅方式,又要唔切爛雞肉、又要小心唔好切到手,都真係唔簡單!
小方同翠如每集都要各自挑選一位嘉賓進行打氣,唔好以為翠如實揀自己身老公!小方就話,翠如口口聲聲表示為避嫌而揀阿滕,但佢就見到翠如喺旁邊不停為老公偷拍、打氣,呢個放閃程度令小方直呼眼冤,笑指自己喺呢一集:「唔應該存在啊。」
#拍檔廚房 #蕭正楠 #滕麗名 #黃翠如 #方力申 #顧紀筠 #黃永幟 #美女廚房 #廚藝 #烹飪 #放閃 #剝雞殼 #TVB #娛樂新聞 #TVB娛樂新聞台 #ENews #HKENews #香港娛樂八卦新聞 #八卦新聞
即刻Follow TVB 娛樂新聞台 Facebook專頁
/ tvbenews
登入myTV SUPER享受睇TVB自製節目7日包括娛樂新聞的免費點播
bit.ly/2TXLlM0