მიხეილ სააკაშვილი: "მე აქ მოვედი და ყველა მოქალქეს მოვუსმენ, მაგრამ არ ვაპირებ, რომ თქვენისთანა ადამიანებმა მე მიკითხონ მორალი. ახლა მე მომისმინეთ და გეტყვით რა გავაკეთე ახალქალაქში. უპირველესად, თქვენნაირ სეპარატისტებს გამოვაცალეთ საფუძველი.
ჩემი მმართველობის დროს ამ რეგიონში გაკეთდა გზა, რომლითაც თქვენ დადიხართ თბილისში; ამ რეგიონში აშენდა უზარმაზარი რკინიგზა, რომელიც ევროპის მთავარი რკინიგზაა; ამ რეგიონში გაკეთდა კურორტი; ამ რეგიონში შემოვიდა სასოფლო-სამეურნეო ტექნიკა; ამ რეგიონში შემოვიდა ბუნებრივი გაზი; ამ რეგიონში შემოვიდა სინათლე. აქედან არაფერი არ გქონდათ. ასევე გავიდა რუსული ბაზა. შენისთანა სეპარატისტები და "გრუ"-ს გოშიები მე მორალს ვერ წამიკითხავენ. ექვსი მუხლით იჯექი ციხეში და ძალიან მიქარა მან, ვინც ციხიდან გამოგიშვა. აქ გაცილებით ბევრი სეპარატისტი იყო, მაგრამ ახლა სულ ხუთი დარჩა, რადგან თქვენი პატრიონი "გრუ"-ს ბაზა აღარ არის აქ. აი, ეს არის რაც გავაკეთეთ საქართველოში."
საქართველოს პრეზიდენტი დღეს ახალქალაქს ესტუმრა და რამდენიმე სოფელში ადგილობრივ მოსახლეობას შეხვდა. მიხეილ სააკაშვილი, სომხურ ეკლესიაშიც მივიდა, სადაც მას ვაჰაგან ჩახალიანი და მისი მომხრეები დახვდნენ. მიხეილ სააკაშვილსა და ჩახალიანს შორის სიტყვიერი დაპირისპირება მოხდა, რის შემდეგაც ჩახალიანმა ტერიტორია დატოვა. Visit Website: president.gov.ge
Visit Facebook: / saakashvilimikheil
Visit Twitter: / saakashvilim
----------------------------------------------------------------------------------------