დინამოს აკადემიამ პროექტის ფარგლებში, - „დინამო თბილისის ფილიალები რეგიონებში“ ლანჩხუთში, დასავლეთ საქართველოში არსებულ მუნიციპალიტეტებში გამორჩეული ფეხბურთელების საწვრთნელი შეკრება ჩაატარა. წვრთნაში 40-მდე ფეხბურთელი მონაწილეობდა. ახალგაზრდებზე დაკვირვების შემდეგ, მათ ნაწილს „დინამო თბილისის“ რეგიონულ ნაკრებ გუნდში აიყვანენ. პროექტში უკვე ჩართულია საქართველოს 24 მუნიციპალიტეტი. პროექტი გულისხმობს 6-დან 12 წლამდე ფეხბურთელების მომზადებას „დინამო თბილისის“ მეთოდოლოგიით. ასევე, მწვრთნელებისთვის სემინარების ჩატარებას თბილისსა და რეგიონებში. დინამოს აკადემიის დირექტორის და პროექტების მენეჯერის ხელმძღვანელობით, ახალგაზრდების შერჩევა აღმოსავლეთ საქართველოს რეგიონებიდან 23 ივნისს თბილისში ჩატარდება.
ეწვიეთ ჩვენს საიტს - 1tv.ge/
მოიწონეთ ჩვენი გვერდი - / 1stchannel.1tv.ge
გამოიწერეთ ჩვენი არხი - / georgianpb
ვიდეო წარმოადგენს საზოგადოებრივი მაუწყებლის საკუთრებას.
მისი გავრცელება შეგიძლიათ მხოლოდ ბმულის გაზიარებით.
დაუშვებელია მასალის ჩამოტვირთვა და სხვაგან ატვირთვა,
ამ შემთხვევაში მაუწყებელი უფლებას იტოვებს მიმართოს შესაბამის ზომებს.