Ақтөбеде шөп таңдамай кеміре беретін құрт енді ауылдарды жайлап, адамдардың мазасын ала бастады. Қала шетіндегі Ақшат ауылының тұрғындары төрт күннен бері күндіз-түні осы құртпен алысып шаршағандарын айтады. Тіпті қазір улайтын айлалары да қалмапты. Тұрғындар әкімдіктен көмек сұрайды. Бірақ құрт-құмырсқа санап жүрген жоқпыз деген Ақтөбелік шенеуніктер зиянкестерді көрмек түгілі естімепті де. Сондықтан байбалам жасаудың қажеті жоқ деп отыр.
Қаптаған құрттан үйлеріне кіріп-шығудан қалған тұрғындар мұндай зиянкесті өмірімізде көрмедік деп отыр. Үй айналасындағы шөптердің түгін қалдырмай отаған құрттар тіпті адамдарға шауып бастаған. Улаудың түрлі әдісін қолданса да құжынаған құрттан құтыла алмаған тұрғындар енді бұл зиянкестер үйге кіріп, жиһаздар мен киімдерді де кеміре ме деп қорқады.
МЕНТАЙ МҰҚАНҒАЛИЕВА, тұрғын:
- Прям ана крышаға дейін барған кезде бойымыз жетпейді. Невозможно. Кіріп-шыққан сайын толып кете береді. Біздер оны сыпырғышпен сыпырып жатырмыз. Езіп жатырмыз. Өлтіріп жатырмыз. Бірақ азаймайды. Кілемдерімді шығарып қойдым. Оларды жумақ түгілі қасына баруға невозможно. Құртқа толып тұр. До того мына үйде тұруға желаниеміз кетіп қалды.
ОРАЛ АХМЕТОВА, тұрғын:
- Осы үш төрт күннен бері құртпен алысып жатырмыз. Қазанға ыссы суды қайнатып, оны құйып жатырмыз. Оған өледі. Бірақ шамалыдан кейін қайта тіріліп кетеді. Дус та сеуіп жатырмыз. У да сеуіп жатырмыз. Білмеймін, істемеген айламыз жоқ. Енді кеше фунтдаментті ақтадым. Бұрын болған жоқ. Мұндайды осы жасқа дейін көргенім жоқ.
Алайда шенеуніктер ел ішінде отырса да қаптаған құрттан хабарсыз екен. Көздерімен көрмек түгілі естімеген де. Сондықтан, "ешкім құрт-құмырсқа санап жүрген жоқ", деп қысқа қайырды.
ЖАНТӨРЕ ӘЛБЕТОВ, Ақтөбе қаласы Алматы ауданы әкімдігі кәсіпкерлік және ауыл шаруашылық бөлімінің бас маманы:
- Құрт, құмырысқа қай жерде де бар ғой. Оны енді ешкім санап жүрген жоқ шығар? Қаптаған ештеңе көрген жоқпыз. Осы жерде күнде жүріп жүрміз ғой. Бір-екі сараң бар шығар. Но ол байбалам көтеретіндей не емес. Жан-жануар, құрт-құмырсқа дегендер әр жерде жүре береді. Оған байбалам көтерудің қажеті жоқ деп ойлаймын.
Осылайша құрттан мәселе жасаудың қажеті жоқ деп санайтын шенеуніктер тұрғындар өздері дезинфекция шақыртып улатпаса, әкімдіктен көрсетілетін көмек жоқ деп отыр. Ал қазір мұндай көбелек құрт Ақтөбе облысының алты ауданына тарап үлгеріпті.
Жанар Қожанова, Жомарт Құдайбергенов
Бізді әлеуметтік желіде оқыңыздар:
KZfaq - / @informburo31kanal
Facebook - / informburo31
Instagram - / informburo31
Vkontakte - informburo31
TikTok - www.tiktok.com/@informburo31
WhatsApp Информбюро +7 777 331 31 31
#көбелек_құрт #дезинфекция #Ақтөбе