Рет қаралды 75,135
#pagjurme #odetadume #reportTV Emisionin "Pa gjurmë" me moderatore Odeta Dume mund ta ndiqni nga e hëna në të premte në orën 16:00 në ekranin e Report Tv
Lë një letër dhe zhduket pa gjurmë i riu nga fshati Kamqisht i Tepelenës. Hamit Memlika apo Bushi siç thërritej, humbi gjurmët më datë 12 qershor të 2018 për të mos pasur më asnjë komunikim.
Ai provoi emigrimin për herë të parë në vitin 2017 dhe u vendos në Spartë të Greqisë për shkak të vështirësive ekonomike. Atje nisi punë si çoban tek një shqiptar që quhet Klement Sina nga fshati Qesarat i Tepelenës ku punoi për afro 1 vit. Ai kishte kontakte të rregullta me familjarët me të cilët komunikonte nëpërmjet rrjeteve sociale apo edhe numrit celular që ai kishte në përdorim. Hamiti shprehej se ishte shëndoshë e mire dhe se nuk kishte asnjë problem. Këto kontakte zgjatën deri në qershor të 2018. Më datë 12 qershor ai ka komunikuar për herë të fundit me vëllanë Ervin Memlikën si çdo herë tjetër. Ndërsa pas 4 ditësh më datë 16 qeshor pronari, Klementi telefonon Ervinin të cilit i pohon se i vëllai nuk ndodhej në stan dhe se kishte ikur. Sipas tij Hamiti kishte shkuar në stan mbrëmjen e datës 15 qershor por të nesërmen ai nuk e kishte gjetur aty. Pasi Ervini takon pronarin fizikisht, ky i fundit i tregon dhe një letër të cilën Hamiti e kishte lënë në tavolinë para se të zhdukej. Pronari e mohon kategorikisht që mes tyre të ketë ndodhur ndonjë zënkë.
Pas largimit të tij numri i celularit rezultonte i fikur ndërsa në rrjetin social Facebook ka qenë aktiv edhe 2 herë. Familjarët i kanë shkruar por nuk kanë mundur të marrin asnjë përgjigje.
I vëllai ka bërë një denoncim në policinë greke për zhdukjen e Hamitit, por ende asgjë derimë sot.
Fatkeqësitë do të ndiqnin njëra-tjetrën, kur një vit pas zhdukjes babai i Hamitit do të ndërronte jetë, e nga gjithë këto tronditje nëna Dituri Memlika ka pësuar një paralizë dhe sot ndodhet në shtrat. Një familje e madhe me 8 fëmijë, djali i katërt Hamiti rezulton i zhdukur prej vitesh.
Sot me zemër të ngrirë familja Memlika janë në pritje të një lajmi që mund t'ua qetësojë sadopak zemrën.