Bledar Sulkja, 49-vjeçari nga Durrësi rezulton i humbur për familjarët që prej vitit 2002.
Bledar Sulkja emigroi që në moshën 14 vjeçare në Itali. Atje merrej me punë të ndryshme ndërsa më vonë ka lëvizur në Gjermani rreth viteve 98-99. Në vitin 2002 zhvendoset në Valencia të Spanjë. Me familjen kishte kontakte të rregullta deri më 25 gusht të vitit 2002.
Herën e fundit i kishte thënë të atit se nuk kishte mundur tu sillte para, pasi sapo kishte bërë një pasaportë kroate. Që nga ky moment erdhën informacionet të ndryshme lidhur me vendodhjen e 49 vejcarit. Ndërsa ata mësuan përmes disa personave te tjerë se ai ndodhej në një burg në Sevilje të Spanjës.
Dëshmia më e fundit për 49-vjeçarin është ajo e një djali nga Kavaja i cili pretendon se ka qenë në burg bashkë me Bledarin. Dyshimet janë se Bledar mund të ndodhet ende në atë burg me një emër tjetër, duke pasur parasysh se ai më herët qe pajisur me një pasaportë kroate.
Teksa kanë kaluar 22 vite që nga kontakti i fundit me familjen, ende nuk dihet çfarë ka ndodhur me fatin e 49-vjeçarit Bledar Sulkja.