Copyright © AZTV
KZfaq kanalına abunə olun: bit.ly/2ZKtzKO
Ermənilər artıq ağır məğlubiyyətlərini etiraf edir və Azərbaycanın yaratdığı yeni reallıqları qəbul etməyə məcbur qaldıqlarını anlamağa başlayıblar.
Ermənistanın Baş naziri Nikol Paşinyanın Litva səfərindəki açıqlamaları bunu deməyə əsas verir.
44 günlük Vətən müharibəsindən sonra qarşı tərəfdə bəzi revanşizm meylləri müşahidə olunurdu və xarici havadarların köməkliyi ilə yaranmış vəziyyəti öz xeyirlərinə dəyişə biləcəklərinə kiçik də olsa, ümidlərin yarandığı sezilirdi. Amma Azərbaycanın parlaq qələbəsi ilə yekunlaşan müharibədən sonrakı 1 il ərzində həyata keçirilən siyasət və Azərbaycanın beynəlxalq nüfuzu dəqiq təhlil edildikdən sonra, deyəsən, Ermənistan tərəfi 10 noyabr bəyannaməsinin şərtlərinin yerinə yetirilməsindən başqa yolunun olmadığını dərk etməyə başlayıb.
Paşinyanın Litvaya səfəri zamanı “Gərək 7 rayonu qaytaraydıq” ifadəsi, əslində, vaxtilə irəli sürülən şərtləri qəbul etməmələrinin hansı acı nəticələrə gətirib çıxaracağını hesablaya bilmədiklərinin də etirafıdır. Mövcud vəziyyətdə isə Paşinyan hakimiyyəti artıq çarəsizlikdən reallıqları açıq-aşkar dilə gətirməyə başlayıb. Bu gözlənilən idi. Çünki 44 günlük müharibə və ağır məğlubiyyət Ermənistanda köklü sosial, iqtisadi böhrana səbəb oldu, insanlarda gərgin mənəvi-psixoloji durum yarandı ki, bütün bunlar da nəticə etibarilə ölkədə daxili qarşıdurmanın pik həddə çatmasına səbəb oldu. Beləliklə də mövcud vəziyyət Nikol Paşinyanı artıq Ermənistanın müxtəlif istiqamətlərdə tənəzzülə uğradığını açıq şəkildə dilə gətirməyə vadar etdi. Litvaya səfəri zamanı bu ölkənin erməni icmasının nümayəndələri ilə görüşən Nikol Paşinyan Ermənistanın bugünkü acı məğlubiyyətə düçar olmaması üçün vaxtilə aparılan danışıqlar zamanı hətta referendum variantının da müzakirə olunduğunu, Qarabağdakı azərbaycanlıların bu referendumda iştirakına razılıq verdiyini, azərbaycanlı sakinlərin əvvəl yaşadıqları yerə qayıtmasına razılıq verdiyini deyib. Amma özü də yaxşı anlayırdı ki, Azərbaycan işğal faktının aradan qaldırılmasından başqa heç bir variantla barışa bilməzdi. Ermənistan üçün yeganə xilas variantı sülh yolu ilə torpaqların qaytarılması idi ki, bunu da vaxtında etməməyin peşmanlığını yaşayırlar.
“Bu gün bir çoxu müharibəyə yol verməməkdən danışır. Anlamaq lazımdır ki, müharibəyə yol verməməyin yeganə şərti ərazilərin qaytarılması olub. Odur ki, biz əraziləri qaytarmalıydıq. Ən azı 5 rayonu. O biri iki rayon məsələsi başqadır. Əslində isə gərək qeyd-şərtsiz 7 rayonu qaytaraydıq”, - deyə Paşinyan bildirib.
Paşinyanın sözlərinə görə, Ermənistanın son 30 ildə ən böyük problemi onda idi ki, bu illər boyu ermənilər reallıqla üzbəüz olmayıb. “Bu 30 ildə Şuşada neçə yaşayış evi tikilib? Heç bir ədəd də. Bəs niyə? Kimsə heç soruşmur ki, niyə tikilməyib? Nədir bunun səbəbi? Pulları olmayıb? Məncə, cavabı aydındır”.
Paşinyanın görüş iştirakçılarından birinin “Yəqin saxlaya biləcəklərinə əmin olmayıblar” ifadəsinə isə “Bunu siz dediniz, mən demədim” deyə cavab verib.
Beləliklə, bu dialoqlardan və açıqlamalardan da aydın görünür ki, Azərbaycan təkcə döyüş meydanında deyil, diplomatik masada da qalibdir. Ermənistanın isə yalnız bir yolu var: nə qədər ki gec deyil, aqressiv siyasət yürütməkdən əl çəkməli, region dövlətləri ilə ədavətə son qoymalı, Azərbaycan və Türkiyə ilə ortaq nöqtələr tapmalıdır.
Facebook - bit.ly/38x28YP
İnstagram -
Twitter - bit.ly/2VPe976
KZfaq - bit.ly/31Qb1eY
Telegram: bit.ly/3heof98
Rəsmi sayt:
bit.ly/3e28gJJ AZ
bit.ly/3dZP4MJ RU
bit.ly/2Z4EMH9 EN
«Azərbaycan Televiziya və Radio Verilişləri» QSC-si ölkəmizin ən qocaman televiziya və radio qurumudur: Azərbaycan Radiosu 1926-cı il noyabrın 6-da, Azərbaycan televiziyası 1956-cı il fevralın 14-də yaradılıb.
Azərbaycan Televiziyası ölkə teleməkanının formalaşmasında böyük rol oynayıb. Bu BİRİNCİlik müstəqillik dövründə yaradılan bütün telekanalların fəaliyyətində özünü qabarıq şəkildə göstərib.
Azərbaycan Respublikasının Prezidenti İlham Əliyevin 4 sentyabr 2019-cu il tarixli sərəncamı ilə Rövşən Məmmədov "Azərbaycan Televiziya və Radio Verilişləri” Qapalı Səhmdar Cəmiyyətinin sədri təyin edilib.
Müəllif hüquqları "Baku Cms Media" tərəfindən qorunur.
office@bakucms.com / www.bakucms.com
#AZTV #AzərbaycanTeleviziyası