Рет қаралды 4,438
DITO PO KASI SA AMIN, MINSAN AS EARLY AS 6 A.M. MAY MGA NAGPAPATUGTOG NA PO. KAYA KAHIT HINDI KA PA DAPAT MAGIGISING, MAGIGISING KA TALAGA KASI MAGKAKADIKIT LANG DIN ANG MGA BAHAY. KAPAG PAKIKIUSAPAN NA PAKIHINAAN, HIHINAAN PO NILA PERO MAYA-MAYA PO MAGPAPATUGTOG ULI.
ANG NANGYAYARI RIN PO, KAPAG MAY ISANG NAGPATUGTOG O NAG-VIDEOKE, MAIINGIT PO IYONG IBA, KAYA SABAY-SABAY SILANG MAGPAPALAKASAN NG SPEAKERS NILA.
Hindi lang si Lady ang ganitong may problema sa mga kapitbahay. Nangyayari rin ang problemang ito, hindi lang sa Pilipinas, kundi pati na sa ibang bansa.
Ang pagkakaiba lang, sa ibang bansa ay mayroon silang mga batas na ginagamit para masolusyunan ang ganitong mga problema.
Dito sa ating bansa, wala tayong batas na naglilimita sa ingay. Sa pangkalahatan, mayroon tayong dalawang opsiyon kung hindi madadaan sa magandang pakiusapan ang inyong kapitbahay.
Una, mas mabuting ilapit ang usapin sa barangay para maresolba ang problema. Pangalawa, maaaring magsampa ng kaso sa hukuman para maideklarang nuisance ang mga maingay na kapitbahay.
Sa sitwasyon ni Lady na walang pambayad ng abogado at ayaw ring magpa-barangay, may iba pang opsiyon na puwedeng gawin ang mga estudyanteng gaya niya na nag-o-online learning.
May direktiba ang PNP na dapat mayroong assistance center sa mga barangay kung saan puwedeng i-report ang maiingay na kapitbahay na nakakaabala sa online learning ng mga estudyante.
Dahil ang sobrang pag-iingay ay maituturing na uri ng noise pollution, maaari rin itong ireklamo sa environmental officer ng inyong lokal na pamahalaan.
Puwede rin kayong lumapit sa mga opisyal ng Commission on Higher Education (CHED) o sa Department of Education (DepEd) kung ito’y nakakasabagal sa inyong pag-aaral.
Payo ko, mas mabuting sumulat kayo bilang isang grupo at huwag ibigay ang mga pangalan niyo para na rin sa inyong proteksiyon.
***
May tanong ka ba tungkol sa batas? Pumunta sa / cheldiokno at i-click ang "Send Message"!