Рет қаралды 1,856
Қазақтың даласында өсіп жатқан мыңдаған өсімдік сан түрлі дертке дауа. Бұған шипалы шөппен адамдарды емдейтін отандық мамандар көз жеткізген. Олардың айтуынша дәрумендерге бай өсімдіктердің пайдасы ұшан-теңіз. Сондықтан халық медицинасын қайта жаңғыртып, талай жанның алғысына бөленуге болады. Антибиотиксіз қауіпті аурудан айығуға бола ма? Табиғи шөптердің әсері қандай? Мамандар не дейді? Толығырақ әріптесім баяндасын.
Сүлеймен Маралбай ұшы-қиыры жоқ даламызда өсетін дәрумендерге бай өсімдіктерді кәдеге жаратып жүрген бірден бір жан. Ұзақ жылдан бері тау-тас кезіп, шипалы шөптерді сұрыптап жинайтын жан қазақы емді қайта жаңғырту үшін ізденіп, талмай тер төгуде.
СҮЛЕЙМЕН МАРАЛБАЙ, медициналық орталықтың басшысы:
- Мақсатым бұрыңғы ата-бабамыз қолданып кеткен емдік шараларын, емдік жолдарын, шөппен емдеу тәсілдерін жаңғырту. Қытай медицинасында барлығы біледі шөппен емдейтінін, Тибет те біледі. Бірақ қазақтың медицинасында шөппен емдейтін туралы көп адам білмейді. Сол нәрсені келесі ұрпаққа қалдыру үшін осы жұмысты қолға алдым.
Табиғи шөптің денсаулыққа пайдасы орасан зор екеніне ата-бабаларымыз да жақсы білген дейді дәрігер. Халықтық медицина арқылы қауіпті ауруларды асқындырмай, алдын алуға болатынын да нық сеніммен айта аламын деп отыр.
СҮЛЕЙМЕН МАРАЛБАЙ, Медициналық орталықтың басшысы:
- Менің зерттеуім бойынша қазақ даласында екі мыңнан астам емдік шөптің түрі бар. Соның ішінде біз ең көп қолданатынымыз жусан. Жусанның 81 түрі өседі. Одан кейін көп қолданылатын шөп қарандыз. Сосын қызыл мия, адыраспан, кәрі қыз дейді қоғажай деген шөп, қарағалдақ. Бір ауруға белгілі емдік дәрі жасау үшін жоқ дегенде жеті-сегіз шөптің басы қосылып жасалынады.
Бұл медициналық орталыққа дертіне дауа іздеген адамдар көп келеді. Олар да өсімдіктердің емдік қасиетіне көз жеткізген.
КҮЛТАЙ СӘРСЕНБАЕВ, Алматы қаласының тұрғыны:
- Шөп дәріге сенемін өзім. Шөп дәрі деген таза, табиғи нәрсе ғой. Оның көмегі болады деп ойлаймын.
ЕРЖАН ТОҚТАМЫСОВ, Алматы қаласының тұрғыны:
- Маусымдық аллергия болғанда аллергологтарға да бардым. Клиника, ауруханаға барамын. Дәрі жазып береді. Сол уақытта ғана әсер етеді. Одан кейін қайтадан шығып кете берді. Ал, шөп қазір ішемін қарсы көрсетілімдері болған жоқ. Қазір барлығы жақсы.
Қазақстанның өзге қалаларынан да орталық ашқан Сүлеймен Маралбай жүздеген адамды жұмыспен қамтып, еңбегінің нәтижесін көріп отырған табысты кәсіпкер. Халық емін әлемге танытуды жоспарлаған азамат дертіне дауа тапқан талай жанның алғысын да алған.
Бізді әлеуметтік желіде оқыңыздар:
Информбюро 31 / @informburo31kanal
Informburo kz / @informburokz2022
Facebook - / informburo31
Instagram - / informburo31
Vkontakte - informburo31
TikTok - www.tiktok.com/@informburo31
Біздің сайт: www.31.kz және www.informburo.kz
Біздің WhatsApp +7 777 331 31 31
#News #Kazakhstan #Жаңалықтар #Біздіңжаңалықтар #Нашиновости #Сегодня #Қазақстан #31канал