Рет қаралды 22
Халықаралық Панфиловшылар қозғалысының қатары сырбойылық өрендермен толықты. Аймақтар арасында алғаш рет ұйымдастырылған шараға Қазақстан Республикасындағы Панфилов қозғалысының үйлестірушісі, Кеңес Одағының батыры Иван Панфиловтың немересі Айгүл Байқадамова қатысты.
Шараға қатысушылар алдымен Тағзым алаңында болып, майдан даласында қаза тапқан батырлардың рухына тағзым етті. Мұнан соң мектеп алдындағы Кеңес Одағының батыры, генерал-майор Иван Панфиловтың бюсіне гүл қойды.
АЙГҮЛ БАЙҚАДАМОВА - ПАНФИЛОВ ҚОЗҒАЛЫСЫНЫҢ ҮЙЛЕСТІРУШІСІ, И.ПАНФИЛОВТЫҢ НЕМЕРЕСІ
//Ең маңыздысы аймақтар арасында алғаш рет халықаралық қозғалыс қатары толығып отыр. Бұл қозғалысқа тек Алматы қаласының өзінде 25 мектеп кірген. Ал Панфилов атындағы бұл мектепте жасалған қадам еліміздің өзге өңірлерінде де қозғалыстың жандануына мүмкіндік береді деп санаймын. Бұл ең бірінші балалар арасындағы достықты нығайтады. Әрі патриоттық тұрғыда тәрбие беру мен тарихи ескерткіштерді қорғауға басымдық беріледі. //
«Біз миллиондаған Панфиловшылар» халықаралық қозғалысының ауқымы кең. Осыдан 8 жыл бұрын Волоколамск қаласында ТМД елдерінің халықаралық панфиловшылар қозғалысы ұйымдастырылды. Бүгінде қозғалыс Ресей, Қырғызстан, Қазақстанда жүз мыңнан астам адамды біріктіріп отыр.
РАВИЛЬ КУЛЬДЕЕВ - «ЖАУЫНГЕРЛІК БАУЫРЛАСТЫҚ» БАЙҚОҢЫР ӨҢІРЛІК БӨЛІМШЕСІ БАСШЫСЫНЫҢ ОРЫНБАСАРЫ
//Бұл қозғалыс Байқоңыр мен Қызылорда қаласы ғана емес өзге де аймақтар арасындағы байланысты арттырады. Жас буын тәжірибе алмасады. Біз әскери париоттық бағыттағы барлық шараларды қолдаймыз. Балалар соғысқа осы өңірден қанша адам аттанды, панфиловшылар кімдер, елін қорғаған батырлар кімдер екенін білуі тиіс. Біз жастар арасында спорттық сайыстармен қатар интеллектуалдық сұрақтар сайысына да мән береміз.
Мазмұнды шарада генерал-майор Панфиловтың басшылығымен 316-шы атқыштар дивизиясының құрылуы, шайқас барысындағы батырлардың ерлігі туралы тарихи мәліметтер айтылды. Оқушылар патриоттық әндерді орындап, жас панфиловшылар салтанатты ант қабылдады. Білім ордасына халықаралық Панфилов қозғалысының штандарты табысталды.
Сайт - qyzylordatv.kz/ru/live
Facebook - / qyzylordatv
Instagram - / qyzylordatv
Telegram - t.me/qyzylords_tv
Tiktok - / qyzylorda_tv