Рет қаралды 8,476
Петропавлда "Жұмысшылар халық кеңесі" ұйымының төрт белсендісіне қатысты сот басталды. Оларға мемлекеттің тұтастығына нұқсан келтірді және сепаратизмді ашық насихаттады деген айыптар тағылған болатын. Күдіктілердің кінәсі дәлелденсе, 10 жылға дейін бас бостандығынан айырылуы мүмкін. Арандатушы топтың өзге өкілдері қайда? Олар тергелді ме? Куәгерлердің пікірі қандай? Алғашқы сот отырысына қатысқан әріптесім Руслан Жасұланұлы толығырақ айтып берсін.
РУСЛАН ЖАСҰЛАНҰЛЫ, тілші:
- Сепаратизмді насихаттағандардың ісі жарты жыл тергеліп, ақыры сотқа жетті. Айыпталушылар орындығында «Петропавл қаласы жұмысшыларының халық кеңесі» деп аталатын топтың тек төрт белсендісі отыр. Үшеуі сот залына уақытша ұстау абақтысынан жеткізілсе, біреуі үй қамақта болған еді. Барлығы сотта өздерінің бет-жүзін көрсетуге қарсы болды. Тергеу мәліметінше, айыпталушылар коронавирус пандемиясы кезінде танысқан. Кейін ұсталғандардың бірі Вячеслав Зудерман жұмысшылардың халық кеңесін құру туралы бастама көтеріп, арнайы декларация қабылдаған дейді құқық қорғау органдары.
МАКСИМ ДОРОВИК, прокурор:
- Бір куәгердің айтуынша, бастамашылар ватсапта топ құрып, Халық кеңесін құру туралы мәселе көтерілген. Оның декларациясы мен қаулысы, хаттамасы толтырылып, символикасын қабылдау керек болды. Тіпті осы төңіректе чатта бірнеше пікірталас та туындаған. Кеңестің жеке мөрін әзірлеу үшін екі мың теңгеден жинау да ұсынылған.
Қоғам наразылығын тудырған жиын жарты жыл бұрын болған. Прокурорлар осы бас қосуда мемлекеттік қауіпсіздігі мен тұтастығына қарсы пікірлерлер айтылған. Қазақстан Республикасын корпорация деп атап, оның құқықтық негіздерін жоққа шығарғанын жеткізді. Тіпті, өздерімен мүдделес адамдардың қатарын толықтыруды көздеген екен. Құқық қорғау органдарының ақпаратынша, декларацияда Петропавлды Кеңес одағының құрамындағы қала ретінде белгілеген. Ал даулы жиынға қатысқан өзге азаматтар айыппұл арқалаған екен. Сотта куәгер ретінде жауап беріп жатқан олар кеңес құрудың саяси астары болғанын білмедік деп ақталған.
АЛЕКСАНДР, куәгер:
- Меніңше, ол жиын адам құқықтарын қамтамасыз ету мәселелері бойынша пікір алмасу үшін өткізілді. Яғни, кейбір проблемалар бойынша ақылдасуға келдік. Бірақ елден бөліну, мемлекетті ыдырату, билікті мойындамаймыз деген ой болған жоқ.
РУСЛАН ЖАСҰЛАНҰЛЫ, тілші:
- Атышулы іс бойынша төрт күдіктіге мемлекеттің тұтастығына нұқсан келтірді және бұқаралық ақпарат құралдарын пайдалану арқылы сепаратизмді насихаттады деген айып тағылып отыр. Олардың кінәсі дәлелденсе барлығы 10 жылға дейін бас бостандығынан айырылуы мүмкін.
Бізді әлеуметтік желіде оқыңыздар:
Информбюро 31 / @informburo31kanal
Informburo kz / @informburokz2022
Facebook - / informburo31
Instagram - / informburo31
Vkontakte - informburo31
TikTok - www.tiktok.com/@informburo31
Біздің сайт: www.31.kz және www.informburo.kz
Біздің WhatsApp +7 777 331 31 31
#News #Kazakhstan #Жаңалықтар #Біздіңжаңалықтар #Нашиновости #Сегодня #Қазақстан #31канал