เพลง อีสานPower
ศิลปิน : อ.แป้ง ณัฐกานต์ รุ่งเรือง / ต้นฉบับ : ปอ ปริชาต
คำร้อง/ทำนอง : รศ.ดร.เผ่าไทย วงศ์เหลา
เรียบเรียง : จินดา อ่อนคำหล้
Original Version 👉 • เพลง อีสาน POWER ศิลปิ...
...........................................................
1) มองเห็นดอกจาน บานแล้วคิดฮอดความหลัง
ได้กลิ่นดอกฮัง ซ่างมาคิดฮอด ความเก่า
เคยแปงเคยสร้าง หลายอย่างผ่านร้อนผ่านหนาว
ผ่านสุขผ่านเศร้า ผ่านมาหาอยู่หากิน
2) คิดฮอดป่นปลา แจ่วแมงดาจ้ำปั้นข้าวเหนียว
ลวกดอกกะเจียว กินแกล้มกับพร้อมผักอีฮีน
อ่อมผำลาบเทา แกงหวายใส่หน่อไม้นางดิน
ให้หวลถวิล เข็นฝ้ายยามค่ำตำหูกจีบกัน
HOOK) คิดฮอดลายผ้า นาคี นาคา ผ้าทอ
เส้นด้ายสายใยเกิดก่อ ศิลปะน่าอัศจรรย์
คั่นแมนผ้าเว้าได้ คือสิเอิ้นใส่คนถักทอมัน
อย่าถิ่มไว้ ให้เป็นตำนาน อ้อนวอนกันสืบสานต่อไป
3) บ่สืบสานไว้ สิเหลืออะไร ให้ใครชื่นชม
สิ่งที่ต่างชาตินิยม คือความดีวิถีไทย ๆ
จั๊กว่าแมน Soft Power บ่เด้อ แต่มีค่าหลาย
เมนูอาหารลายผ้ามากมาย คือความภูมิใจ ของไทอีสาน
(ช่วยกันอนุรักษ์สืบสาน ให้โลกกล่าวขาน อีสาน Power)