Бәріңізге ассалаумағаликум. Жазушы әрі ақын Арон Атабектің бұрынғы һәм бүгінгі бейнесі. Талай қазақтың жүрегін езіп өткен сурет бұл. Қайран қазақтың арда ұлы, тар қапасқа қамалғанына да 15 жылдың жүзі болды. Дәл мына суреттегі арыстан сияқты азып-тозып, құр сүлдері қалыпты. Жан азабы мен тән азабын тартып келе жатқан азамат жүріп-тұрудан қалған. Әбден жадап-жүдеген ол сонда да мерзімінен бұрын босатуға өтініш жазбайтынын жеткізді. Бұған себеп не? Түрмеден шығуына үш жыл қалған саяси тұтқыннан билікке қандай қауіп бар? Батырды босатсын деп батыл үн қатып, жоғарыға жақпай қалудан қорықпаған жандар кімдер? Атабек ісіне Әміржан Қосанов араласты. Ол Президент Тоқаевтың атына қандай хат жолдады? Мұны сізге білген дұрыс!
Арон Атабек дегенде ел ең алдымен Шаңырақ оқиғасын және батыр тұлғалы, алып денелі азаматты елестетеді. Сол батырымыздың қазіргі түрі мынау. Өткен аптада ғана түрмеден түсірілген бұл сурет бүкіл әлеуметтік желіні шарлап, жұрттың жағасын ұстатты. Фотоға қарап ақ оның темір тордың арғы жағындағы тағдыры тым қиын екенін сезуге болады. Жазалау мекемелерін аралап, ондағы зорлық-зомбылық пен азаптаудың алдын алумен айналысатын орган өкілдері 18 тамыз осы Арон ақын отырған Павлодардағы түрмеге барған. Сонда ол денсаулығының тым нашарлап кеткенін жеткізіпті.
«Екі қолым ауырады, көтере алмаймын, бүгілмейді, қаламсап ұстаудың өзі қиын. Аяғым да ауырады, камера ішінде ғана жүремін, серуенге шығудан бас тарттым. Таксофонға арбамен барамын. Этапта соққыға жыққан кездегі жарақаттарым болуы керек. Толық тексеруден өтуді ұсынды, бірақ мен одан бас тарттым. Себебі менің жасымда сәуле алу қауіпті деп есепеймін» деп шағымын білдіріпті Арон Атабек.
Қазақтың батыр, ержүрек азаматы «мерзімінен бұрын бостауға өтініш жазбаймын» депті. Не де болса да шыдап үш жылдан кейін бостандыққа шыққаннан соң толықтай өтемақы төлетуге шығамданбақшы екен.
Біріңіз білерсіздер, біріңіз білмессіз. Арон Атабек абықтыда жатқан саяси тұтқын. 2006 жылы 14 шілдеде Алматының іргесіндегі Шаңырақ елдімекенінің тұрғындары "жерді рұқсатсыз иеленіп алдыңдар" деп, үйлерін сүру үшін келген полицияға қарсылық көрсетті. Қақтығыс кезінде 24 жастағы полиция қызметкері үстіне бензин құйылып өртеніп көз жұмды. Оның өліміне бірнеше тұрғын мен сол күні Шаңырақта болған ақын әрі диссидент Арон Атабек кінәлі деп танылып, оны 18 жылға соттап жіберді. Қазір ол Павлодардың уақытша тергеу изоляторында отыр. Оны бұл жерге Қарағанды облысы Қаражал қаласындағы колониядан этаппен алып келген. Оған дейін оны екі рет Қостанай облысы Арқалық қаласындағы "жабық" түрмеге салып жазалаған. Бұл - өмір бойына бостандығынан айырылған азаматтар жазасын өтейтін, "түрме ішіндегі түрме" іспетті мекеме.
Қазақтың дара азаматы Арон Атабектың әлгі аянышты суреті жұртқа жариялана сала ел ішінен билікті бізше түйреп, батыл үн қатқандар болды. Ақынға араша сұрап не бір жазбалар жарық көрді. Соның ең өткірі Өнертауншы Ерлан Төлеутайдікі. Ол Ақордадағы ағалардан сауға сұрады. Қалай дейсіз ғой, былай. Ақын Арон Атабектің абақтыдағы мына суреті жанымды түршіктірді. Біз өзі қай заманда, қай ғасырдамыз! XXI ғасырда өмір сүріп жатырмыз деп кеудемізді ұрғыштағанымызбен мына жағдай санамыздың әлі кеңестік тоталитарлық құрсаудан арылмағанын жер жаһанға масқаралап паш етті, жалпақ әлемге жария қылды. Бұл - қазақты әлі НКВД жендеттері билеп отыр деген сөз! Әйтпесе, елім деген ерді, алашым деген ақынды осыншама қапаста ұстап, қорламас едік қой. Біздің биліктің қазаққа суық, жемқорларға жуық болатыны несі екен? Әйтпесе Арон ақын емес, қазақтың несібесін миллион долларлап жеген Ни сияқты жемқорлар шірір еді ғой абақтыда. Жоқ, жемқор біткен төбемізде тайраңдап жүр, ел дәулеттін есепсіз тонап, ұрлықы ақшаға шетелде қарқ-қарқ күліп қазақты мазақ қып сайрандап жүр. Ал Арон ақын сияқты қазағым, елім деген есіл ерлер түрмеде жатыр шіріп. Осы әділет пе?! Айтыңыздаршы, Ақ Ордадағы ағалар?! Мен, биліктен қазақы дәстүрмен САУҒА сұраймын! Биліктегі Ел ағалары ақын Арон Атабекті абақтыдан босатыңыздар! Қазақ ешқашан сөз иесін өлтірмеген. Егер Арон ақын абақтыда осы күйінде өлер болса, тарих алдында Сіздер жауап бересіздер. Ал тарих үкімі ең қатал, ең әділ үкім! САУҒА АҒАЛАР, САУҒА!