Рет қаралды 24,963
ပုန်ကန်မှုအပြီး တနှစ်အကြာမှာ ရုရှားပြုသမျှ နုရတဲ့အဆင့် ဖြစ်လာတဲ့ ကြေးစားတပ် ဝက်ဂ်နာ
တကမ္ဘာလုံးကို တုန်လှုပ် အံ့ဩသွားစေခဲ့တဲ့ ကြေးစားတပ် ဝက်ဂ်နာရဲ့ ပုန်ကန်မှုကြီး ရုရှားမှာ ပေါ်ပေါက်ခဲ့တာ အခုဆိုရင် တနှစ်ကြာမြင့်ခဲ့ပြီ ဖြစ်ပါတယ်။ ၂၀၂၃ ခုနှစ်၊ ဇွန်လ ၂၃ ရက်နေ့က ရုရှား သမ္မတ ဗလာဒီမာ ပူတင်ရဲ့ မဟာမိတ်တဦး ဖြစ်ခဲ့ဖူးသူ ယက်ဗ်ဂျနီ ပရီဂိုရှင် ဦးဆောင်နေတဲ့ Wagner ကြေးစား တပ်ဖွဲ့တွေဟာ ရုရှား ကာကွယ်ရေး ဝန်ကြီးဌာနရဲ့ ယူကရိန်း စစ်ပွဲဆိုင်ရာ မူဝါဒတွေကို မကျေနပ်လို့ အတိအလင်း ပုန်ကန်ပြီး မော်စကိုမြို့တော်ဆီ ချီတက်ခဲ့ပါတယ်။ ဝက်ဂ်နာရဲ့ ပုန်ကန်မှုဟာ တရက် အကြာမှာပဲ ဘီလားရုစ် အစိုးရရဲ့ ကြားဝင် စေ့စပ်ပေးမှုနဲ့အတူ ရပ်တန့်သွားခဲ့ပေမယ့် ပူတင်ရဲ့ သမိုင်းမှာတော့ အကြီးမားဆုံး အရှက်ရစရာ ကိစ္စတခု၊ သူ့ရဲ့ အာဏာစက်ကို အပြင်းထန်ဆုံး ထိပါးမှု တခုအဖြစ် မှတ်တမ်းဝင်သွားစေခဲ့ပါတယ်။