ඕනෑම ලෙඩ රෝග අසනීපයක් සුව වීම සඳහා මේ යාච්ඤාව භක්තියෙන් ජේසු තුමන්ට ඔප්පු කරන්න...
ස්වර්ගීය පියාණනී, මෙම මොහොතේදී විශේෂාකාරයෙන් ඔබවහන්සේ අමතමි. මා මවනු ලැබූයේ ඔබවහන්සේගේ බලයෙනි.මා ආශ්වාස කරන සෑම හුස්ම පොදක්ම මා අවදිව සිටින සෑම මොහොතක්ම, සෑම පැයක්ම ක්‍රියාත්මක වන්නේ ඔබවහන්සේගේ බලපරාක්‍රමය නිසාය. දෙවි පියාණනී එම බලයෙන් මා ස්පර්ශ කරන ලෙස බැහැපත්ව ඉල්ලා සිටිමි.
ඔබවහන්සේ මා මැවූයේ ශුන්‍යතාවය තුලිනි එබැවින් සත්‍ය ලෙසම ඔබවහන්සේට මා නැවත මවා වදාළ හැක්කේය. ස්වාමිනි ඔබවහන්සේගේ ස්ප්‍රීතුවේ බලයෙන් මා පිරෙව්ව මැනව.
මා අභ‍යන්තරයේ ඇති මට අහිතකරන දේ ඉවත් කල මැනව. කැඩුණු බිඳුනු දේ නැවත පිළිසකර කල මැනව. අක්‍රීය ශෛල්‍යයන් මුලිනුපුටා දැමුව මැනව.සංවෘතවූ සියලුම රුධීර නාලයන් හා ශිරාවන් විවෘත කල මැනව. මාගේ ශරීරයේ ආබාධිත කොටස් නැවත ගොඩ නැගුව මැනව. සියළු ආකාර දැවිලි ඇතිවන ස්ථාන ඉවත් කල මැනව. රෝග බෝවීමේ කාරකයන් පහකළ මැනව.
අති බලවත් පියාණනී රෝග සුවකිරීමේ ඔබ ආදර උණුසුම මා සිරුර පුරා සංසරණය වීමට සැලස්සුව මැනව. එවිට මාගේ ශරීරය ඔබවහන්සේ මවා වදාළ අයුරින්ම ක්‍රියාත්මක වන්නේය.
ආමේන්...
( උපුටා ගැනීම - ජේසු තුමන්ගේ ගල්ලෙනෙහි යාච්ඤා පොත ඇසුරෙන් )
#sinhalaprayer #healing #sinhalahealingprayers
#powerfulprayers #powerfulprayer #sinhala #ledarogawalatayachnawa #prayerforgoodhealth