Toshkent viloyatida soxta sertifikat evaziga haydovchilik guvohnomasi olgan fuqaroga sud hukmi oʻqildi. Maʼlum boʻlishicha, ayblanuvchi Doniyor Mahamatov muqaddam sodir etgan maʼmuriy huquqbuzarligi sabab haydovchilik guvohnomasidan foydalanish imkoniyatidan mahrum etilgan. Keyin “prava” olish uchun nazariy va amaliy imtihonlarni muvaffaqiyatli topshirgani xaqidagi qalbakilashtirilgan sertifikatni YHXBga takdim etgan va cheklov sababli saqlanayotgan haydovchilik guvohnomasini qaytarib olishga erishgan.
Doniyor Mahamatov hujjatlar, shtamplar, muhrlar, blankalar tayyorlash, ularni qalbakilashtirish, sotish yoki ulardan foydalanish jinoyatini sodir etganlikda ayblandi. Unga nisbatan Jinoyat kodeksining 228-moddasi 2-kismi “b” qismi bilan ish haqining 20 foizini davlat daromadi hisobiga ushlab qolgan holda 2 yil muddatga, 228-moddaning 3-kismi bilan ish haqining 20 foizini davlat daromadi hisobiga ushlab qolgan holda bir yil muddatga axloq tuzatish ishlari jazosi tayinlandi.
Mahamatovga Jinoyat kodeksining 59 -moddasiga asosan tayinlangan jazolarni qisman qoʻshish yoʻli bilan uzil-kesil oʻtash uchun ish haqining 20 foizini davlat daromadi hisobiga ushlab qolgan holda 2,5 yil muddatga axloq tuzatish ishlari jazosi taiynlandi.
Ijtimoiy tarmoqlardagi sahifalarimiz:
Telegram: t.me/Daryo
Facebook: / daryouz.rasmiy
Instagram: / daryo.rasmiy
Twitter: / daryo_uz
TikTok: www.tiktok.com/daryorasmiy
Web sayt: daryo.uz