БІЗДІҢ KZfaq АРНАҒА ТІРКЕЛІҢІЗ: / @informburo31kanal
---------------------------------------------
Ақтөбеде алпысқа жуық үлескер екі жылдан бері үйлеріне кіре алмай жүр. Премиум санаттағы баспананың жарты ақшасын алдын ала берген жұрт жарнамасы жер жарған компания құрылысты созбалаңға салды деп шулады. Салы суға кеткен тұрғындар қазір жалдамалы пәтерде тұруға мәжбүр. Алданып қалудан қорқатын үлескерлер жаппай полицияға арыз жазып жатыр.
---------------------------------------------
Теңдессіз жобамызға көз салыңыз: • Сөздің шыны керек: [жу...
Бишімбаев ісі - • Бишімбаев ісі
Су тасқыны бойынша барлық ақпарат - • Су тасқыны // Төтенше ...
Жұмбақ өлімдер - • Жұмбақ өлім
Бүгінгі шығарылымда:
Марат Ахметов ескі баспанасын сатып, 9 миллион теңгесін жарнамасы жер жарған құрылыс компаниясына санап беріпті. Келісім бойынша жаңа пәтер екі жыл бұрын берілу керек еді дейді жігіт ағасы. Бірақ құрылыс әлі аяқталмаған.
МАРАТ АХМЕТОВ, ҮЛЕСКЕР:
- Маған 22-де соңғы төртінші тоқсанында үй бітеді деген. Содан бері үйге қолымыз жетпей жүр. Бір жылдың көлемі болды. Құрылыс мүлдем тоқтап қалды. Артымда халық, біз сияқты біраз адамдар жүр. Соңғы ақшасын салып жіберіп, міне енді үйге кіреміз деп екі жылдан бері пәтер жалдап қиналып жүрген. Неге бұның мәселесін қарамайды?
Ақтөбенің Батыс-2 ауданында салынып жатқан премиум санаттағы үйдің алдына 60-қа жуық үлескер апта сайын жиналады. Жарнамасы жер жарған компанияға жиған-терген ақшасын салған жұрттың төзімі де, пәтер жалдайтын қаражаты да таусылған.
МЕРҒАЛИ ЖАЛМАҒАМБЕТОВ, үлескер:
- Ақшаны желтоқсан айында салған болатынмын. Содан бері екі жарым жыл болды күтіп жүргенімізге. Қолымызға кілтімізді алған жоқпыз. Ақша жоқ дейді үйді салатын застройщик. Енді пәтер жалдап жүрміз. Бала-шағам бар. Әйелімнің аяғы ауыр. Қиын болып кетті. Сотқа арыз жаздық. Бір айдың шамасы болды. Ешқандай жауап жоқ.
Бес қабатты бұл баспананың құрылысы аяқталуға жақын. Оны салып жатқан компания үлескерлерді сабыр сақтап, күтуге шақырады. Себебі, құжат бойынша әлі уақыт бар.
ГҮЛМИРА СҮНДЕТБАЕВА, Құрылыс компаниясының заңгері:
- Біздің құзырлы органымыз бар мемлекеттік архитектура деген сол органның талоны бойынша «Қазына Премиумның» бітетін срогы 31 желтоқсан 2024 жылға дейін. Осы срокка дейін компания құрылысты бітіру керек. Сондықтан да қазір ол срогы әлі бар. Стройканы тоқтатқан жоқ. Құрылыс жүргізіліп жатыр. Қазіргі таңда екінші корпуста терезелер қондырып жатыр подрячиктер.
Алданып қалудан қорқатын халық полицияға жаппай арыз жазып жатыр. Ал тәртіп сақшылары "алаяқтық" бабы бойынша іс қозғап, тергеуді бастап кетті.
---------------------------------------------
Біз барлық әлеуметтік желідеміз, тіркеліңіз:
Бізді әлеуметтік желіде оқыңыздар:
Информбюро 31 / @informburo31kanal
Informburo kz / @informburokz2022
Facebook - / informburo31
Instagram - / informburo31
WhatApp - whatsapp.com/channel/0029VaDm...
TikTok - www.tiktok.com/@informburo31?...
Біздің сайт: www.31.kz және www.informburo.kz
#Информбюро #31арна #БастыЖаңалықтар #АқиқатынАйтайық