#НартайАралбайұлы #NartayNews #НартайНьюс #nartaynews #Еңбекадамы
🔹Спикер: ӘЛІМХАН САПАРБАЕВ - Сапа бақылау бөлімінің маманы.
Қазақстанда қарқынды дамып келе жатқан салалардың бірі - фармацевтика. Бұл саладағы біздің нарық тмд төңірегінде ең қарқынды даму үлгісін көрсетті. Қазіргі таңда елімізде 158 фармацевтикалық өндіріс жұмыс істейді, оның ішінде 42 өндіріс дәрілік заттарды өндіруге маманданған болса, 116 өндіріс медициналық мақсаттағы бұйымдарды өндірумен айналысады. Денсаулық сақтау министрлігінің дерегінше, 2022 жылы дәрілік заттар мен медициналық бұйымдар нарығының көлемі 921,1 млрд теңгені, оның ішінде отандық тауарлар өндірісінің көлемі - 162,6 млрд теңгені еңсерген. Қазір шетелдерде тонналап шығарылып, басқа мемлекеттерге есепсіз экспортталып жатқан дәрілердің құрамы көбіне өсімдіктерден немесе жануарлардан алынады. Сарапшылардың айтуынша, бүгінде өзіміз шетелден қымбатқа сатып алып жатқан дәрі-дәрмектердің 90 пайызының шикізаты Қазақстанда бар көрінеді. Демек, импортқа тәуелді болмай, өзімізді өзіміз қамптып, экспортқа да назар аударатын әлеуетіміз бар. Бірақ, ондай межеге, ондай мүмкіндікке жету үшін сапалы кадрлер, заманауи зертханалар қажет. Бүгінгі кейіпкеріміз осы салада еңбек етіп жүрген Әлімхан Сапарбаев. Ол сапа бақылау бөлімінің маманы. Дәрінің құрамы мен жасалу процессі жайлы өзі кеңірек баяндасын.
Бұл салада сең қозғалып, белгілі бір жетістіктер көріне бастағаны рас. Бірақ, тереңіне бойласақ, түйткілді мәселелер де аз емес. Мысалға, сәл кейінге шегініс жасап, пандемия кезінде дәрі-дәрмек тапшылығы өзекті мәселеге айналғаны есте болар. Сол кезде көптеген дәрі-дәрмек түрлерін шетелден импорттап, ішкі нарықтағы фармацевтикалық тауарлар өндірісі ақсап тұрғанын аңғардық. Соған орай, Мемлекет басшысы Қасым-Жомарт Тоқаев 2021 жылғы 1 қыркүйектегі Жолдауында фармацевтика өнеркәсібіне ерекше көңіл бөлу қажеттігін, соның ішінде медицина өнімдерін зертханалық және техникалық сынақтан өткізетін орталық құру қажеттігі туралы баса айтқан болатын. Ол 2025 жылы Қазақстанда өндірілген дәрі-дәрмек пен медициналық құрал-жабдық көлемін 50 пайызға жеткізу керектігіне екпін түсірді. Бүгінгі кейіпкеріміз сияқты мамандар сол межеге жету үшін зертханаларда аянбай еңбек етіп жатыр.
Жалпы, елдегі дәрі-дәрмектің сапасы әзірленген сәттен бастап, халық пайдаланғанға дейінгі аралықта үздіксіз тексеріліп отырады. Кез келген дәріні тіркеу кезінде әуелі сараптама өткізеді, одан әрі елге әкелер шақта да сапасын мамандар бақылайды. Қазақстанда дәрілік заттарды өндіру, сату және пайдалану нарығы тиісті ережелер мен нормалармен реттеледі. Фармацевтика нарығындағы қауіпсіздікке қатысты барлық жағдайлар бойынша Дәрілік заттарды сараптау ұлттық орталығы мұқият бағалау жүргізеді. Тұтастай алғанда біздегі фармацевтика саласы жүйеленген әрі дамып келе жатыр. Ата заңда мемлекеттің бірінші байлығы адам және оның өмірі деп жазылған емес пе? Ендеше, әр азаматтың өмірін ұзартуға арналған дәрі-дәрмекке мемлекет бей-жай қарамайды. Бұл тіпті, ұлт қауіпсіздігінің бір қыры болса керек. Ауырып ем іздегенше ауырмайтын жол ізде деп жаттанды қағиданы жиі айтамыз, айтуға оңай, соны күнделікті өмірді ұстанып, сақтай білсек жақсы. Сау болыңыздар!
“Еңбек адамы" елеусіз қалмасын! Биыл біз тұтас фильмдер сериясын жасауға бел будық. Басты қолдаушымыз AMANAT партиясы. Кейіпкерлеріміз қарапайым қызметкерлер, бірақ үлкен жүректі, еңбекқор, өмірге құштар адал адамдар. Бұған дейін экрандардан тек өнерпаздар мен шенеуніктерді көретін едік. Бұл дұрыс болмады, олқылықтың орнын толтыру керек. Біз соны мойнымызға алдық. Бұйыртса 40 фильм жарыққа шығады. Көріңіздер!
Интаграм: nartay_aralbayu...
Фейсбук: / nartai.sarsengaliyev