Қызылорда облысы Қармақшы ауданында мемлекет басшысының тапсырмасын орындауға ат салысқан жүздеген тұрғын бір жыл бойы еңбектерінің ақысын ала алмай жүр. Яғни президент Қасым-Жомарт Тоқаев Арал теңізінің құрғап қалған бөлігінде құм көшпес үшін сексеуіл егуді тапсырған. Ал теңіз табанына егілген ағаштың тұқымын жинауға жалданған қармақшылықтар маңдай тер, адал ақыларына әлі қол жеткізбедік деп күйінеді.
Былтыр Арал теңізінің құрғаған табанына егілетін сексеуілдің тұқымы Қармақшының аумағынан жиналады дегенде тұрғындар қатты қуанған. Әсіресе жұмыссыз жүрген жастар білек сыбанып бірден іске кірісіпті. Өйткені «орман селекциялық тұқым өсіру» орталығындағылар жиналған тұқымның келісіне екі мың теңге төленеді деген еді дейді көпшілік. Соған сенген азаматтар бір айға жетпейтін уақытта 130 тоннадан аса тұқым жинағандарын айтады. Бірақ орталық соның 79 тоннасының ақысын төлемей қойды деп отыр.
ҒАЛЫМЖАН ҚИЯСОВ, Қармақшы ауданының тұрғыны:
- Мен даже өзім кредитке ақша алып осы тұқымды қабылдағанмын мен өзім. Әлі күнге дейін кредитін төлеп отырмын. Менің өзімнің артымда 40-50 адам бар. Олардың да еңбегі ғой. 700-дей адам бар алатын. Үйге кіре алмай отырмын. Ақшасын талап етеді.
Ал ақысы төленбесе де артығымен жиналған 79 тонна тұқым теңіз табанына егілген. Көпшілікті ашындырып отырған да осы. Тіпті Экология министрлігінің өкілдері тұрғындардың еңбегіне қарай төлем жасаңдар деген тапсырмасы әлі күнге дейін орындалмады дейді салы суға кеткен халық.
ӘБЕН НҰРҒАЛИЕВ, Қармақшы ауданының тұрғыны:
- Жұрттың еңбегі далаға кетпесін деп оны келісіп орман шаруашылықтарымен апарып Аралдың ұлтанына егіп тастадық. Оның 20 тоннасын Қазалының лесхозы екті. 50 тоннасын Қармақшының лесхозы екті. Ауданның әкімі экология министріне барамын, біресе ана министр кетіп қалды, біресе мына министр кетіп қалды. Сонымен ол шеше алмады.
Ал сексеуіл тұқымын теңізге себу жұмыстарына жауапты болған орман шаруашылығы мекемесінің басшысы тұқым жинаушылар жұмысты артығымен орындағанын жасырмайды. Бірақ ақшаны басқа орталық төлеу керек деп өздеріне шаң жуытпады.
АБАЙ БЕКБЕРГЕН, Қармақшы ауданы орман және жануарлар дүниесін қорғау мекемесінің директоры:
- Бөлінген қаржысынан артық жиналып тұр. Енді мына кісілердің ақшасын төлейік десек, 23 жылға қарастырылмаған деп тұр да. Экономнан береміз деп бұл кісілерге осы уақытқа дейін айтып келді. Экономнан да төленбей қалып тұр енді. Селекциялық орман өсіру мекемесі бар. Сонымен о баста келісімшартқа отырған. Енді сол мекемемен соттасады енді.
Аудан әкімдігіндегілер де тұрғындардың мәселесін шешуге қауқарсызбыз деп отыр. Сондықтан мемлекет басшысының тапсырмасын орындауға ат салысқан тұрғындар адал еңбектерінің ақысын алу үшін енді сотқа жүгінбек.
Бізді әлеуметтік желіде оқыңыздар:
Информбюро 31 / @informburo31kanal
Informburo kz / @informburokz2022
Facebook - / informburo31
Instagram - / informburo31
Vkontakte - informburo31
TikTok - www.tiktok.com/@informburo31
Біздің сайт: www.31.kz және www.informburo.kz
Біздің WhatsApp +7 777 331 31 31
#Информбюро #31арна #Жаңалықтар #БастыЖаңалықтар #Нашиновости #Сегодня #Қазақстан #31канал