Si djemtë e El Chapos ndërtuan një perandori fentanili që po helmon Amerikën
Dikur quheshin ‘narko-idiotët’ që krenoheshin me makina të shpejta, me këlyshë tigrash dhe një kallashnikov Ak-47 të florinjtë në mediat sociale. Tani, vëllezërit Guzman janë shndërruar në figura kyce të kartelit të dhunshëm të Sinaloas, sipas zyrtarëve të sigurisë.
Në janar 2017, ditë pas ekstradimit të trafikantit famëkeq të drogës Joaquin el chapo guzman, nga meksika në SHBA, policët lokalë në shtetin e tij të lindjes, Sinaloa, u gjendën nën sulm.
Disa u qëlluan për vdekje në mes të ditës. Të tjerë u zhdukën dhe nuk u gjetën kurrë më. Në total, 13 oficerë policie u vranë apo u zhdukën në muajt që pasuan.
Ajo cmenduri ishte vetëm fillimi i ndryshimit të taktikave brenda kartelit Sinaloa të Gizmanit, sipas katër zyrtarëve të inteligjencës dhe sigurisë, një ndryshim që sinjalizoi edhe ardhjen e një force të re brenda një prej sindikatave më të fuqishme të drogës: katër djemve të bosit...
Të njohur së bashku si Los Chapitos, apo Chapot e vegjël, katër vëllezërit dikur thumboheshin nga kundërshtarët që i konsideronin si idiotë të vegjël që ishin më të shqetësuar për shpalosjen e pasurisë së tyre në instagram se sa për punën e pisët të zhvendosjes së tonëve kokainë drejt shteteve të bashkuara të amerikës.
Sidoqoftë, vëllezërit rikthyen në jetë një perandori droge pasi babai i tyre u mbyll pas hekurave në SHBA dhe e diversifikuan biznesin duke përqafuar një linjë të re të drogave sintetike.
Basti i tyre tek fentanili, një opioid sintetik 50 herë më i fuqishëm se sa herorina, ndihmoi në lindjen e një epidemie të opioidëve që i ka vendosur ata në drejtpërsëdrejti në shënjestrën e agjentëve amerikanë të anti-drogës.
Muaj më parë, autoritetet amerikane ngritën akuza të reja, më të gjera, kundër vëllezërve në paditë e paraqitura në disa juridiksione, rritën shpërblimet për informacione që conin në kapjen e dy prej vëllezërve, në 10 milionë dollarë për kokë, duke cimentuar statusin e tyre si disa prej lordëve të drogës më të fuqishëm dhe më të shumëkërkuar në botë. Zyrtarët amerikanë i portretizuan ata si imazhi dhe fytyra e një helmi që krijon shumë varësi dhe që po vret rreth 200 amerikanë cdo ditë.
Qeveria amerikane ka reklamuar shpërblimet e majme për informacione që cojnë në arrestimin e Los Chapitos, djemtë e bosit famëkeq të kartelit sinaloa, Joaquin el Chapo Guzman, të akuzuar për trafik droge. Një prej vëllezërve, është aktualisht i arrestuar në meksikë. Të tjerët mbeten në arrati.
“Los Chapitos u bënë pionierë të prodhimit dhe trafikimit të drogës më vdekjeprurëse me të cilën vendi ynë është përballur ndonjëherë”, tha Anne Milgram, shefe e administratës amerikane të luftës kundër drogave, DEA, në një konferencë për shtyp në Uashington. “Ata trashëguan një perandori globale droge dhe e bënë atë akoma më të egër, më të dhunshme dhe më vdekjeprurëse”, shton ajo.
Thesari amerikan ndërkohë ka vendosur nën sanksione një prej vëllezërve, Joaquin xhunior, për rolin e tij në rrjetin e fentanilit të Los Chapitos, duke supozuar se ai është i përfshirë në menaxhimin e atyre që njihen si super-laboratorë. Tre vëllezërit e tjerë të tij ishin sanksionuar më herët për trafikim narkotikësh.
Los Chapitos, për të parën herë, publikuan një letër publike këtë vit, duke mohuar pretendimet se ata trafikojnë fentanil dhe duke hedhur poshtë akuzat e bëra nga zyrtarët amerikanë në uashington.
“Ne nuk kemi prodhuar dhe as nuk kemi shitur kurrë fentanil apo ndonjë nënprodukt të tij. Ne jemi viktima të persekutimit dhe ata na kanë bërë ne kokë turku”, shkruanin vëllezërit në letër. Mediat meksikane e transmetuan përmbajtjen e letrës më 3 maj, bashkë me një intervistë të avokatit të familjes Guzman, Jose Refugio Rodriguez, i cili edhe ia tha atyre dokumentin.
"Askush nuk zgjohet një ditë dhe vendos të bëhet një trafikant droge. Këto vendime merren pasi kanë ndodhur një sërë ngjarjesh në jetën e dikujt."
Kështu e përkufizon botën e drogës një nga narkotrafikantët më të mëdhenj të botës.
Jeta e tyre është e mbushur me krime, trafiqe, vrasje, tradhti, bëma dhe mite.
Një seri dokumentarësh vjen në Top News, mbi lordët famëkeq të drogës.
Cartel
Çdo të dielë
Ora 21:00
Për më shumë vizitoni: top-channel.tv/
Subscribe to "Top Channel" on KZfaq Channel for NEWS and TV
Shows HERE: bit.ly/2Y15KwK
For more content from click HERE: www.top-channel.tv
Like Top Channel on Facebook HERE: bit.ly/2FglWTs
Follow Top Channel on Instagram HERE: bit.ly/2uaYG2U
Follow Top Channel on Twitter HERE: bit.ly/2TJndeH
#Cartel #TopChannel #TopNews