Рет қаралды 242,444
Njeriu i cili kërkon për here te dyte fitoren përballe Sali Berishës ne garën për kryeministrin e ardhshëm është shfaqur ne jetën politike te vendit ne fillim te viteve '90 si një prej pedagogeve qe iu bashkëngjiten lëvizjeve për rrëzimin e regjimit komunist.
Pas një mungese disa vjeçare, Edi Rama u rikthye ne Tirane këtë here si Ministër i Kulturës Rinise dhe Sporteve ne qeverinë Nano. Ishte lideri i socialisteve Fatos Nano i cili pas vdekjes se Kristaq Rames, babait te Edi Rames e ftoi atë te kthehej nga Franca për te qene pjese e kabinetit qeveritar. Gjate viteve 98-2000 Edi Rama mbajti postin e Ministrit te Kulturës jo si anëtar i PS por si një figure qe vinte nga shoqëria civile, status te cilin e ruajti për disa vite me radhe. Ne vitin 2000 PS zgjodhi pikërisht Edi Ramen per te kërkuar bashkinë me te madhe te vendit, Bashkinë e Tiranës e cila deri atëherë ishte drejtuar nga demokratet. Ne tetor te vitit 2000 Edi Rama fitoi kundër Besnik Mustafajt me 57% te votave, duke u bere kryetari i bashkisë se kryeqytetit. Suksesi i tij u përsërit ne vitin 2003 kur përballë kandidaturës se demokrateve Spartak Ngjeles ai fitoi një mandate te dyte qeverisjeje, edhe pse këtë here situate ishte me e vështire. Edi Rama tashme ishte anëtarësuar ne Partine Socialiste dhe vetëm pak jave pas anëtarësimit garoi për postin e kryetarit te selisë roze përballë Fatos Nanos. Kjo ambicie politike e Edi Rames, u shoqërua me një sulm te forte te Fatos Nanos, i cili deri atëherë kishte fituar me sukses gara ndaj ish-kryeministrave socialiste Majko e Meta.
Ne kete moment KQZ dhe Kolegji Zgjedhor vendosen përsëritjen e zgjedhjeve ne një pjese te mire te Tiranës, duke rrezuar fitoren e Edi Rames ne kryeqytet. Këto vendime u pasuan nga tërheqja e Edi Rames nga gara Brenda partisë, ai u shndërrua ne mbështetës te kandidaturës se Fatos Nanos dhe raundi i dyte i zgjedhjeve ne Tirane e shpalli atë fitues dhe Spartak Ngjelen humbës. Megjithatë marrëdhëniet Nano-Rama nuk ishin me te thjeshta e miqësore por plot probleme dhe momentet e bashkëpunimit ishin te rralla. Kjo u pa edhe ne zgjedhjet e vitit 2005 ku roli i Edi Rames nuk ishte ai i një njeriu qe kishte fituar dy mandate ne kryeqytet. Pas dorëheqjes se Fatos Nanos nga partia pas humbjes se zgjedhjeve te 3 korrikut Edi Rama u fut ne garën për te fituar drejtimin e partisë me te madhe te opozitës, gare te cilën ai e fitoi. Ne vitin 2007 ne krye te nje te majte te bashkuar Edi Rama fitoi për te treten here bashkinë e Tiranës duke mundur me më shume se 20 mije vota rivalin demokrat Sokol Olldashi. Por aleanca me kreun e LSI, Ilir Meta nuk zgjati shume dhe ndryshimet kushtetuese se bashku me kodin e ri zgjedhor e përçanë serish te majtën. Ne zgjedhjet e 28 qershorit 2009 Ilir Meta garoi me vete ndërkohë qe Edi Rama kërkoi fitoren me një koalicion me 5 parti. Rezultati i betejës zgjedhore i dha kryeministrit Sali Berisha vetëm 70 mandate por ne 4 korrik ne ditëlindjen e Edi Rames, Ilir Meta deklaroi se do te qeveriste me Partine Demokratike duke e lëne Partine Socialiste ne opozite. Përgjatë muajit korrik dhe gusht, Rames iu desh te përballej me zërat kundër ne parti. Figura te njohura si Blushi, Malaj, Islami, Harasani i kërkuan Rames te zbatonte statutin, te mbante përgjegjësi për humbjen dhe te largohej. Ne kongresin e famshëm te gushtit Rama dha dorëheqjen dhe u fut serish ne gare për një mandate te ri për kreun e PS. Duke patur përballë Maqo Lakrorin, Rama fitoi bindshëm ne zgjedhjet e muajit shtator. Pas 2 vitesh opozite te ashpër, me bojkot, protesta, greva urie dhe pas tragjedisë se 21 janarit, Edi Rama vendosi te garoje për një mandate te 4 për kreun e bashkisë se kryeqytetit përballë te zgjedhurit te demokrateve Lulzim Bashes. Ne 14 maj një jave pas zgjedhjeve numërimi fillestar e nxorri atë fitues me 10 vota, por fitorja nuk zgjati shume. KQZ mori vendim për te numëruar votat e hedhura gabim vota te cilat nxorren fitues Lulzim Bashen. Ne krye te Partisë Socialiste me pozitat me te konsoliduara se kurrë me pare, me një koalicion te gjere ku janë përfshirë 37 parti, Edi Rama do te kërkojë ne 23 qershor te nxjerre jashtë politikes Sali Berishën dhe te behet kryeministri i Shqipërisë