БІЗДІҢ KZfaq АРНАҒА ТІРКЕЛІҢІЗ: / @informburo31kanal
---------------------------------------------
«Сен менен кешірім сұрамадың. Көзіме шөп салғаның үшін ақталуға да тырыспадың». Бұл Салтанат Нүкенованың ұялы телефонындағы қойын дәптерінде сақталған жазба. Марқұм мәтінді қайтыс боларынан шамамен 1 ай бұрын қалдырған. Ол күйеуіне «енді қайта оралмайтынын, ата-анасымен бірге тұратынын» айтуға оқталған. Бірақ, хабарламаны сол күйі жолдамапты. Қазір Астана қалалық сотында марқұм Салтанат Нүкенованың ұялы телефоны қаралып, мемлекеттік айыптаушылар мен жәбірленуші тарап Қуандық Бишімбаевтан жауап алуда. Прокурорлар мен адвокаттар әр эпизод бойынша нақтылау сұрақтарын қойып, сотталушының не себепті ауыр хәлде жатқан жәбірленушіге дер кезінде көмек көрсетпегенін нақтылап жатыр.
---------------------------------------------
Теңдессіз жобамызға көз салыңыз: • Сөздің шыны керек: [жу...
Бүгінгі шығарылымда:
Бүгінгі сот отырысы Салтанат Нүкенованың ұялы телефонын қараудан басталды. Прокурор сот қатысушыларына сотталушы мен жәбірленушінің бір-біріне жолдаған хаттарын оқып берді. Сондай-ақ, марқұмның электронды қойын дәптерінде сақтаған жазбаларымен таныстырды. Онда жұмысына қатысты бірнеше мәтін мен күйеуі Қуандық Бишімбаевқа жеткізгісі келген, бірақ жеткізе алмаған ойларын түсіріпті. Мәселен, жолданбаған хаттарының бірінде «Бишімбаевтың көзіне шөп салғаны үшін кешірім сұрамағаны жайлы» жазылған. Сол үшін жәбірленуші ата-анасының қолына оралмақ болған. Енді бірінде «ұзақ уақыттан бері құлазып жүргенін» айтқан.
АЙЖАН АЙМАҒАНОВА, мемлекеттік айыптаушы:
- Менен өзгенің бәріне сеніп, тек маған ғана иланғың келмеді. Менің қатты құлазып жүргенім үшін, ескі қателіктерім үшін, кетіп қала беретінім үшін өкінетініме сенбедің. Мен Алматыда да жабығып жүрдім.
Әр жазбаға қатысты Қуандық Бишімбаев пікір білдіріп отырды. Алайда, мемлекеттік айыптаушы мәтіннің астарында нақты қандай ой жатқаны марқұмның өзіне ғана аян, сондықтан өзгеше талдаудың қажеті жоқ деді. Әрі, заттай айғақ ретінде тәркіленген сотталушының ұялы телефоны сол күйі қаралмады. Себебі, құпия сөзін ешкім білмейді. Ал, прокурорлар жауап алып болған соң, жәбірленуші тараптың адвокаты мәйітке жасалған сараптаманы оқыды.
ЖАННА ОРАЗБАХОВА, жәбірленуші тараптың қорғаушысы:
- Салтанат Нүкенованың денесінен бас сүйек-ми жарақаты, бетінде көптеген жара мен қан анықталды, мұрны сынған, мұрнының айналасындағы терісіне қан құйылған, бас терісіне қан құйылып, субдуральды гематома анықталған.
Осыдан кейін адвокат Жанна Оразбахова Қуандық Бишімбаевтан жауап алуға кірісті. Мәселен, марқұмның басында 12-13 жарақат бар екені нақтыланған. Бұл зақымдар Салтанат Нүкенованың орталық жүйке жүйесінің жұмысына кері әсерін тигізіп, кейін жүрек қызметі мен тыныс алудың тоқтауына әкеп соққан. Алайда, сотталушы жәбірленушіні 5-6 рет шапалақпен ұрғанын айтты. Ал, қалған соққы унитаз бен еденге құлағаннан болуы ықтимал деді.
---------------------------------------------
Біз барлық әлеуметтік желідеміз, тіркеліңіз:
Бізді әлеуметтік желіде оқыңыздар:
Информбюро 31 / @informburo31kanal
Informburo kz / @informburokz2022
Facebook - / informburo31
Instagram - / informburo31
WhatApp - whatsapp.com/channel/0029VaDm...
TikTok - www.tiktok.com/@informburo31?...
Біздің сайт: www.31.kz және www.informburo.kz
#Информбюро #31арна #БастыЖаңалықтар #АқиқатынАйтайық