ပင်စည်တုတ်ပြီး ရာသီဥတုဒဏ်ကို ကောင်းကောင်းခံနိုင်တဲ့ ပြင်းတော်သိမ်းပင် တစ်ပင်ကို အပင်စျေးကွက်ထဲမှာ ပိုက်ဆံပေးပြီး အလွယ်တကူ ၀ယ်လို့ရဖို့ဆိုတာ မလွယ်ပါဘူး။ ဘာလို့လဲဆိုတော့ ပြင်းတော်သိမ်းပင် ရောင်းတဲ့သူအများစုဟာ ပြင်းတော်သိမ်းပင်တွေကို အစေ့ကနေပျိုးပြီးတော့ ရောင်းတာဖြစ်တဲ့အတွက်၊ အစေ့ပေါက် ပြင်းတော်သိမ်းပင်တစ်ပင်ရဲ့ ပင်စည် တုတ်ခိုင် ကြီးထွားဖို့ဆိုတာ အနည်းဆုံး ၃ နှစ်နဲ့ အထက် အချိန်ယူပြီး စိုက်ပျိုးမှ ရတာပါ။
ဒီကနေ့မှာတော့ ပင်စည်တုတ်တုတ်၊ ရာသီဥတုဒဏ် ကောင်းကောင်းခံနိုင်မယ့် ပြင်းတော်သိမ်းပင်တွေကို အချိန်တိုတိုအတွင်း ရနိုင်ဖို့အတွက် ပြင်းတော်သိမ်း အကိုင်းတွေကို လေပေါ်မှာ အမြစ်ထွက်စေတဲ့နည်း (Air Layering Method) သုံးပြီး အမြစ်ထွက်အောင် ကျနော် ဘယ်လို လုပ်ထားခဲ့သလဲဆိုတာ ဒီ video ထဲမှာ ဗဟုသုတအဖြစ် တင်ပြပေးထားပါတယ်။