الراجحي رجل واعي ومو بخيل وانا معه انا اكرة الاستغلال حتى ولو ريال

كثير من الناس ما يفرق بين الوعي و البخل !!!! .... الراجحي مثال للوعي .. يقدر يشتري ٣ مثل المطعم الي تعشا فية و يحطها ببيته .. لكن الفرق هنا الاستغفال ، كون ان معك فلوس او انك غني لايعني انك تكون مغفل وتدفع اي شي .. كل شي اعطيه قيمته المتعارف عليها وغير ذلك لاتقبل

الخوي لو أتصلت على الرقم المجاني لحماية المستهلك تابع لدائرة الإقتصادية دبي قسم بالله لا يشخلووووونه بغراااامة تجيبه الأرض عيب والله أنتو أخويانا وضيوفنا يالسعوديين

من يتحدث ( ملياردير ) ومع هذا ينتبه لما ( يدفع) ويدقق ، وينصح ، لو أنه ( من أصحاب الدخل المحدود ) لدفع ببهرجة ، وانظروا لي بأني لا أهتم

اطنخ مطعم تعشيت فيه طلعت الفاتوره 50 ريال، ودققت فيها طلع الببسي محسوب بريالين، وخذت مويه ابو نص وطلعت

والله والنعم في بدر الراجحي رجل خلوق ومحترم

جزاك الله خير ياشيخ بدر تنبيه مهم لم ينشره إلا حرصا منه على أموال المسلمين من النصب والاحتيال ، وجميل جدا أن يصدر من رجل مقتدر مثله ،

بيض الله وجهك فعلا السائق السعودي اصبح يحزن ومطمع من كل الجنسيات.

انشهد انك رجل وربي

مابي فلوس ولا ابي شي يارب ارزقني الجنه الراحه والامان صحيح ظروفي صعب لكن الرزق بيد الله سبحانه وتعالى

انت انسان يقتدى فيك مال وعلم وخبرة في الحياه منكم نستفيد ربي يوفقكم

الشيخ بدر رجل فيه خير ويتحاشى الإسراف بغير حق ولا ما شفنا خيريات الراجحي في أنحاء الوطن

الأخ بدر رجل محترم ويستاهل والله كل خير

ليت المطفرين والي مسوي زحمة علشان رصيدة 100 الف يتعلمون منك قسم بالله شباب مسوين في اهلهم بلاوي علشان يهايط من جيب غيرة الله يوزع الارزاق لمن يشاء وانت ياراجحي تستاهلون كل خير

هذا الراجحي ويدقق على الفواتير وهذا هو عين الصواب وهناك الكثير ينضحك عليهم فلنكون حريصيين على اموالنا

يقصد مطعم نصرت التركي بمنطقة جميرا ،،، المبالغ جدا في اسعاره جزاك الله خير يابوعبدالرحمن

إسئل عن كل شيئ قبل تطلبه وإدفع قبل الأكل والفاتورة معك وبعدين إطفح على اللي حاسبت عليه فقط حتى لو صب لك قهوة ردها لو عطاك منديل لاتاخذه لو قالك عوافي لاترد عليه. بهالزمن كل شيئ بفلووووووووووووووووووس

كفو والله عيال الراجحي مخهم صاحي وعقليه واعيه نفس ابوهم الله يرحمه ويغفر له كان تاجر يخاف الله الله يحفظ عياله وأهله وينور طريقهم

ماشاء الله عليهم عيال محمد الراجحي اغنياء اخلاق قبل المال وناس واعيه صراحه الله يرحم ابوهم ويغفر له

كل الاحترام الى بدر الراجحي سبحان الله شوفو الفرق بين يزيد الراجحي وبدر ماقول غير الله يرحم ابوك

من حقك تتابع ورى الفاتورة وتكشف استغلالهم اعجبني صراحة ..

والله كفو ذالمطوع حتى وهو الله منعم عليه ماخذ حقه وافي ماشاء الله عليه الله ينفع بك ياشيخ

ماشاء الله على بدر الراجحي أسد هذا هو الرجال عمل موقف و أثر بالناس بيض الله وجهه و النعم فيه

وقفة احترام لهذا الرجل بالرغم من انه يملك فوق 3 مليار ريال ا لا انه اثبت انه استحقها بمجهود

اغلب المطاعم الخارجيه سواء فخمه او غير أهم شي يعرفو انك سعودي او خليجي يدبلو عليك السعر عشر مرات واكثر وما يعرف لهم غير اللي يكاسرهم ويعرف سعر طلبه قبل الأكل

شي مو منطقي انك تتعشى ب 1000 ريال واخر شي تزقه بالحمام (: .

بيض الله وجهك( انتم عائلة متواضعة واخلاقكم تدرس ( صعيدى مر من هنا

الراجحي ويكاسر ما تبغونا نكاسر ليييه

هذا مطعم نصرت اللي في دبي من اغلى مطاعم دبي .. ثانيا الأتراك معروف منذو القدم انهم اكبر نصابين سواء كانو في تركيا او في الخليج

يقصد مطعم نصرت ياحبيي من يروح ال مطعم نصرت من زينه ومن زين لحم عنده نص لحم ني

اللي يقول بخيل ومدري وش والله يا ادمي الريال ما تلقاه طايح فشارع وجزاه الله خير نبهنا وكل كلام مضبوط مع ذلك بغضي لاخوك كبر الدنيا :) .

والله عندك حق وحصل معايا من ده كتير لكن دلوقتى بقيت اشوف القاتورة وتاكد منها مهما كان مين معايا

اللي يسأله غثيث بشكل موطبيعي لو يركب معي اول بقاله انزله اقوله جبلي عصير واسحب عليه هع

الموضوع يبدأ من هالدقيقه 2:36 لا تضيع وقتك

الحمد الله ماعرف إلا البخاري حبه مع الرز وببسي ولبن وخبص لين ماتدوخ ونسدح وحساب معروف لو رفع ريال ينكفش هههههههه إذا بيسرق منك ماعطاك ماء أبو نص لله درك يلبخاري

تخيل اتعشى ب ١٢٠٠٠ ههههههههههه يا رجال ندمت وانا اتخيل

يا اخواني السعوديين ..هذا رقم حماية المستهلك 600545555 دائرة الاقتصادية في دبي ...وابشر بعزكم

قسم حماية المستهلك في دبي (حقوق المستهلك) - توجه شكاوى المستهلكين إلى قسم حماية المستهلك في دائرة التنمية الاقتصادية 5555 54 600

قصة حلوة ماشاء الله

يازين التواضع

يولد يوم دق جوال المطوع النغمة حقة نفس نغمتي اقسم بالله حسيت أني فلووس 😭😭😭😭

مشكور ياشيخ نوريتنا الله ينور حياتك✋

انا من دبي و مطعم نصرت حرامي 100% و أسعاره في تركيا ربع سعر دبي

يا شباب خلوكم من مطاعم الخارج .. مطاعمنا الداخلية انتبهوا من مطاعم ( كودو - هرفي - ماك - الطازج ... المطاعم السريعة .. ) حركة تسويقية جديدة ع حساب جيوبنا حنا يالسعوديين وهي : - أي طلب تطلبه وجبة يقول لك ( وسط والا كبير ) والكلب في صغير بس ما يعلمك .. عشان بونص المبالغ الي يحصلها نهاية الدوام . - اذا طلبت أي سندويتش يقول لك ( مع جبنة ) و الكلب فيه جبنة بس ما يقولك ( زيادة جبنة) عشان تحسب إن ما فيه جبنة .

يازين اكل البيت بلا مطاعم بلا نصب على الناس

وليد اكثر محظوظ على وجه الارض 😂

يعطيك العافيه والله يجزاك خير

ماشالله شي جميل حتى أنا اكره اللي يستغفلون الناس 👏🏻👌🏻

تكفي يا ابوعبدالرحمن داخلن على الله ثم عليك لا ابقي سيارة ولا فلوس فقط ابقي اتعالج عندي مشاكل فى الكلي .....

يضحكني المعلق الي مع ولد الراجحي مسوي نفسه انه قد انلعب عليه من المطاعم الفخمه وهو حده مطعم متتاز للرز البخاري,,والصبح فوال الطايف,,هههههههههههههههههههههههههههههههه

أحسنت أخوي بدر الراجحي انت إنسان أمين وفاهم 👍

لإضافة المقاطع في قناة وسع صدرك في اليوتيوب راسلنا بالمقاطع على الايميل ‏⁦‪ws3sdrk9@gmail.com‬⁩

طلب ب12 الف الله يرزقنا صارلي ثلاث سنين اطلب ابوي موتر ويقول شافني قاعد على بنك الراجحي انا توني ادري انه يتعشا ب12 الف انا اتعشا كباب اقعد يومين ما ازق عشان ما احس ان فلوسي راحت الله يرزقنا ويهنيهم ويغنينا بحلاله عن حرامه

الي مع الرجال غثيث ولهجته ترفع الظغط

شكرا لكم على التنبية وفي شيء كويس ان الاثرياء يدققون في اسعار السلع تعلمنا شيء جديد.

اسأل ألله ان يحفظكم يااخ بدر انت وخوك يزيد ويزيدكم من فضله ونت يااخ وليد الدواس تستاهل كل خير يالغالي

هذا المطوع ملياردير هذا درس للجميع

والله كفو الي مثل كذا انشب لأم امه مو لأنك بخيل لأن الي قدامك ماخذينك مخفه وهطف الله يكثر من امثال ونحسن صورتنا عند العالم الي شايفينا سبايك قدامهم والله انهم يحترمون الأوربي اكثر منا بألف مره لأن الاجنبي مايمشي الى بفواتير ونظام

و الله كفوا عليك و بعدين اذا عندك اي مشكلة على طول اتصل بالرقم المجاني لحماية المستهلك التابع لدائرة التنمية الاقتصادية و كلنا فخر بزيارتكم لدبي دار الحي

الف الف مبروك يبوعبدالرحمن بلفوز صطبل لكم اخوك عبدالعزيز السبيعي

معصوب ومطبق وريح قلبك.

كلام جميل هذه العقليات اللي نحتاجها

جزاه الله خير ع المعلومات المهمه

ي شيخ قسم بالله يوم اني بزر كان ابوي يجيب لنا دجاج على الفحم ورز من ابو بكس قسم بالله كانت سعاده لا توصف الله يرحم ايامنا بس مو الحين الواحد يتعشى بـ ١٢٠٠ الف عشان يبيض وجهه الكرم بلموجدو مهو بلهياط واخرتك قرض ١٠٠ الف وديون

ياخي وجهه بشوش وترتاحله انشهد ان الخلق والتواضع يصنع الرجال ...

سبحان الله وبحمده ًسبحان الله العظيم

الله يجزاك خير تنبيه مهم

جزاك لله خيرا

يارجال فعلا كلامه صحيح 😊 اول ماتزوجت دخلت مطعم حليل مع الزوجه😂😂😂 الزبده قامو يجيبون لي لحم واسماك زي طريقة الي جابوها لبدر و فعلا رصوني بألف وخمسميه وهم على بالهم أخجل واقلب شريطي قدام الزوجه 😂😂😂سببت لهم أزمة بالمطعم كل شي ولى الاستغفال

مع انه من تجار السعوديه بس والله عجبتني و المفروض ترفع فيه قضيه نصب

بارك الله فيك

جزاك الله خير ياشيخ نصيحة قوويية 🖒

السلام عليكم ورحمة الله وبركاته بيض الله وجهك ياابو عبدالرحمن انت والمصور بيض الله وجيهكم صدق كلامه يخمك راعي المطعم راعي التاكسي راعي البقاله انا صراحه من النوع اللي ادقق ولا استحي حقي والتدقيق ترى هذا عند الاجانب من الاوربيين والامريكان حتى تشوف راعي الخدمه في السياحه مايخم الا ناس معينين وخاصة السعوديين اذا فيه خير يخم امريكي والا بريطاني والا اوربي يدري انه بيدقق وراه وياخذ حقه كامل من خدمات اكانت فندقيه او معيشة اي كانت كسياحه ياشباب ياعوائل الكلام هذا اشوفه قدامي لا تخلونهم يخمونكم وخل راعي حق انت دافع فلوس مقابل خدمه لا تستحون وانت اصلاً راعي حق شف السعر وعطه زي السعر واذا مو مسعر اسأله قبل لاتطلب نصيحه ياخوي يستغلون السياح الخليجيين كثير

ببساطة بلغ السلطات المختصة وشوف شو يعملون فيهم ، والنصب والاحتيال موجود في كل مكان ، والحذر واجب ايضا .

الله يرزق الجميع كل انسان بياخد نصيبو من الدنيا

شوفوا الفرق بين بدر الحكيم ويزيد المراهق !!!

الاتراك أصحاب المطاعم للاسف... اقولها وبمرارة حرامية.... في تركيا مثلا لابد إنك تراجع الفاتورة والا بسرقك عيني عينك... نصيحة للجميع اي مطعم تركي تدخله حدد طلباتك بموجب المنيو مع تصوير السعر ثم احسب حسابك و راجع الفاتورة كأنك داخل اختبار.... والسبب حتى لايحسب إنك شخص ساذج وسهل الضحك عليه.... بصراحة هذا الامر مزعج بالنسبة لي عندما اذهب إلى تركيا

هالعائله مباركه الله يجزاهم خير

والله ذييييب و محد يضحك عليه ❤️👏🏻👏🏻👏🏻❤️

بارك الله فيك يا شيخ بدر

ما تجمعت دراهم الراجحي على الفاضي

يقول فاتوره بـ١٢ الف انا لو اشري من ماك مرتين خربت ميزانيتي

بارك الله فيك وجزاك خيراً على التنبيه

حتى الفنادق تصلح نفس الحركات فندق مشهور جدا في الرياض راجعت الفاتورة معه 3 مرات ووفرت اكثر من 1000ريال يضيفون خدمه وضريبة وعشاء واغراض ثلاجة وشغلات ما طلبتها ولا استهلكتها

احسنت ياشيخ ليت كل الناس يسوون مثلك عشان لاحد يستغفل علينا ، هذا الغش في اغلب المطاعم في الخليج لكن لو بلغت حكومه دبي كان افضل لانك الان عطيتهم فرصه لخداع الاخرين : افضحهم وش اسم المطعم ؟؟

أعجبني بدر الراجحي بيض الله وجه من حق أي شخص غني ولا غير غني انه يدقق بالفاتورة ويسأل هذا من حقه . مو بعض الدبش الي عندنا على بالي ادفع ولا ادقق بالفاتورة

سبحان الله فرق عن اخوه لو يزيد كان فتح السناب وقال بكم المطعم بشتريه كله 😂

هذي السوالف تصير معي لما اروح مصر

يااخوان اتحداكم ثم اتحداكم تجدون افظل واحسن وانصب من المطاعم والحلاقين الاتراك انا على علاقه مع الاتراك من حوالي 30سنه وانا اعرف الكثير والكثير من نصبهم وغدرهم فكم غدروا بكفلائهم وبزبائنهم في السعوديه وللمعلوميه ايضاً سكنوا بجنبنا عوائل اتراك وكانوا طيبين جداً وبعدخمس سنوات تقريباً يختفون فجأه وبعد وقت يظهر لنا انه اختلس من كفيله قرابة المليون واختفى والقظيه قائمه ولكن بلا فائده

يازين المطعم البخاري تدق بهالنعمة لين يطلع مع اذنك والحساب بالأخير عشرين ريال

لعلمكم مقطع الشيف التركي الي يحط الملح على الستيك بطريق غريبة هو شغال بنفس المطعم الي راح له بدر الراجحي وأسم المطعم نصرت نصابييين عيني عينك انتبهو منهم

الاحظ ان الاجانب بشكل عام ينظرون للخليجي على انه غبي وغني ويسعى دايم ورى نزواته حتى في المسلسلات المصريه يجيبونه بشكل هطف وكله عيال الماما اللي يسافرون برا

هذا رجل غني جدا الله اعطاه ويدقق في الاسعار اتمنى من الجميع التدقيق في الفواتير ولا يصبر الانسان العوبه في يد كل استغلالي بحجة فخامة المكان

والله إستفدت من هالقصة

عبدالله والله ذيب ماشاءالله

يقولون ما يجمع المال خبل....أحسنت يا بدر

جزاك الله خير

وليد الدواس اجل يضيفون لك جبن ههههههههههههههههههههههههه والرجال يسولف بفواتير 12 الف والله ضحكتني 😂😂😂😂😂

آه 😔 ابك انا ادور 500 ريال ابغير المساعدات حقت السيارة

الله يعطيك العافية ما قصرت