Торайғыр ауылы - талай тарихи тарландардың туған өлкесі. Атының өзі айтып тұрғандай, бұл ел «қараңғы қазақ көгіне өрмелеп шығып күн болған» Сұлтанмахмұт Торайғыровтың туған жері. Осы өлкені кезінде оның арғы атасы Шоң би билеген. Одан тараған ұрпақтың ішінде атақты киногерлер Кәукен Кенжетаев пен Шәкен Айманов та бар. Кино саласындағы ғұламаның туған жерге деген махаббаты соншалық, режиссер өзінің әрбір туындысында Баянауыл өлкесінің табиғатын көрсетуге тырысқан. «Қыз Жібек», «Найзатас» және тағы басқа кинолардың кейбір эпизодтары осы Торайғырда түсірілген. Сондай-ақ, бұл елде Сәкен Сейфулин мен Дос-Мұқасан ансамбілінің де ізі жатыр.