Qara Zirenin Faydalari
Qara Zire yağınən faydalari
Necə ki, xəstəlik insan canına min səbəbdən gəlir, eləcə də, sağlam olmağın min bir üsulu mövcuddur. Məhəmməd Peyğəmbərin bir deyimi var: “Qara zirə yağı ölümdən başqa bütün dərdlərin dərmanıdı”.
Bəli, bu gün qara zirə yağı haqqında danışacağıq.
Qara zirə yağı da zirənin özü kimi faydalıdı. Daimi zirə yağı qəbul edənlərin dəriləri şəffaf olur. Hətta, əvvəldən dəridə qalan çapıq, və ya yara izləri də tezliklə sağalır. 1 çay qaşığı qara zirə yağı, 2 xörək qaşığı bal və 50 ml çobanyastığının ilıq dəmləməsi birgə qarışdırılır. Maska kimi həftə də 1 dəfə istifadə olunur. Dəriyə çəkəndən 15 dəqiqə sonra ilıq su ilə yuyulur. Beləliklə, dəridəki civzələr və sızanaqlar yox olur. Heç izi də qalmır.
Çəngələbənzər vəzin fəaliyyətinin güclənməsində, revmatizm xəstələrinin müalicəsində də qara zirə yağı çox effektlidi. Xərçəng xəstəliyinin müalicəsində də qara zirə yağından istifadə etmək faydalıdı. Çünki, bu yağ tənəffüs edə bilməyən hüceyrələri yenidən canlandırır. Və bədəndəki yad cisimlərin xaric olunmasına xidmət edir.
Qara zirə yağı allergiya yaradan simptomları blokada etmək qabiliyyətinə də malikdi. Böyrəkdə və ya öd kisəsində olan daşları parçalamaq üçün də qara zirə yağı içmək məsləhət görülür.
Qara zirə yağının tərkibindəki A, E, D vitaminləri çox güclü antioksidantlardı. Bu yağ Ərəbistanda, Afrika və Asiya ölkələrinin əksəriyyətində ta qədimdən istifadə olunan mühüm müalicə metodudur. Hazırda Avropada və ABŞ-da tədqiqatçılar bu Orta Şərq müalicə metodunu elmi aspektdən əsaslandırmaqla məşğul olur. Hətta, Qədim Yunanıstanda da şərqdən gələn bu müalicə metodu məhşur olub. Hippokratın davamçısı sayılan Qalen qara zirə haqqında öz təbabət kitabında qeyd edib. O, yazıb ki, qara zirə yağından soyuqdəymə və öskürəyin müalicəsində, həmçinin, sidikqovucu vasitə kimi istifadə edib. Dünyanın tibb tarixində öz adını dərin izlərlə həkk edən İbn-Sina da qara zirə yağı haqqında məlumatlı olub. O, özünün “Qanun ət-Tibb” kitabında qara zirə yağının orqanizmə “həyat enerjisi” verdiyini yazıb. Bildirib ki, qara zirə yağı köpü aradan qaldırır, iltihab əleyhinə ən yaxşı vasitədir və allergiyanın müalicəsidir.
Beləliklə, qara zirə yağının müalicəvi xüsusiyyətlərinə ardıcıllıqla baxaq:
-20 damcı qara zirə yağını bal əlavə edilmiş nanə cövhərli çay ilə səhərlər için. 1 ay çəkən müalicə kursu zamanı kofe və çay içməyi dayandırın. Yaddaş zəifliyindən əziyyət çəkməyəcəksiniz...
-yuxusuzluq sizi artıq yorub? 1 çay qaşığı qara zirə yağını ballı çay ilə şam yeməyindən əvvəl için.
-Saçınız tökülürsə, yenə dərman qara zirə yağıdı. Gündə iki dəfə 25 damcı qara zirə yağını için. Həftədə 2 dəfə qara zirə yağı ilə zeytun yağını qarışdırıb saçlarınızın dibinə çəkin. 1-2 saatdan sonra isti suyla yuyun.
-Bronxial astma xəstəliyindən əziyyət çəkənlər, gündə 3 dəfə 25 damcı qara zirə yağını için. 1 litr suya 1 xörək qaşığı qara zirə yağı əlavə edin və odun üstünə qoyun. Su qaynayanda başınızı dəsmalla örtüb buxarı nəfəsinizə çəkin. Müalicə müddəti 4-6 aydır.
- 1 çay qaşığı qara zirə yağını gündə 2 dəfə 1 ay müddətində içmək immuniteti qaldırır, insanı gümrahlaşdırır.
-kişilər prostatit, uretrit və impotensiya zamanı da qara zirə yağına müraciət etməlidir. 25 damcı qara zirə yağını gündə 2 dəfə ballı su ilə qarışdırıb içmək lazımdır.
-25 damcı qara zirə yağını gündə 2 dəfə yeməkdən sonra içməklə mədə-bağırsaq pozğunluqlarından yaxa qurtara bilərsiniz.
- 1 xörək qaşığı qabığından təmizlənmiş balqabaq tumları, 1 xörək qaşığı bal və 1 xörək qaşığı qara zirə yağı qarışdırılır. Gündə 3 dəfə 1 çay qaşığı qəbul olunur. Və orqanizm qurdlardan təmizlənir.
-Sidik-cinsiyyət sisteminin xəstəliklərindən əziyyət çəkənlər, 1 stəkan gülxətmi çiçəklərinin dəmləməsinin üstünə 1 xörək qaşığı bal töküb qarışdırın. Bu qarışıqdan təxminən 70 qram götürüb 20 damcı qara zirə yağı ilə qarışdırın. Alınan qarışığı gündə 3 dəfə için.
-Qadın cinsiyyət orqanlarının infeksion-iltihabi xəstəliklərində də qara zirə yağı əvəzolunmaz müalicə vasitəsidir. 25 damcı qara zirə yağını gündə 2 dəfə için. Eyni zamanda, qara zirə yağı, bal və su eyni nisbətdə qarışdırılaraq uşaqlıq yoluna 15 gün müddətində tampon edilərək yeridilir.