Bəlkə bu sualı 1 ay öncə versəydim çoxumuz Qarabağın Bayer qarşısında heç bir şansı olmadığnı deyərdik
Amma Qarabağın Braga ilə oyunda göstərdiyi nəticə və dünən Bakıda qələbəni son anda əldən verməsi bu gün bizə Bayer ilə səfər oynuna ümidlə baxmağa imkan verir
Çoxları Bayerin 2ci heyyətlə oynamasını əsas gətirərək bu nəticənin əldə olunmasına kölgə salmağa çalışırdı. Amma gəlin sizə bir rəqəm təqdim edim. Bayerin dünən çıxdığı ilk 11 lik heyətin dəyəri nə az nə çox düz 300 milyon avroya yaxın idi. İndi özünüz düşünün. Bayerin ehtiyat heyətinin dəyəri belə Qarabağın əsas heyətinin dəyərindən 20 dəfə çoxdur.
Digər bir məsələ Xabi Alonso və Qurban Qurbanovun yaxın münasibəti
Düşünürəm ki bu da bir bəhanədir. Heç bir məşqçi 34 oyun məğlubiyyətsizlik seriyasının xüsusilə özündən dəfələrlə həm maliyyə, həm də status baxımından zəif olan bir klubla oyunda qırılmasını istəməz. Dostluq münasibətini onda anlayaram ki, oyun Bayerin üstünlüyündə keçərdi, amma klub hörmət əlaməti olaraq rəqibə çox qol vurmaq istəməzdi
Amma dünən oyunun ssenarisi heç də elə deyildi.
Bayer sonuncu dəfə rəqibi qarşısında nə zaman 2-0 geriyə düşmüşdü. Açığı mən çox arxaya qayıtdım. Amma yaxın keçmişdə belə oyuna rast gəlmədim.
Bəs Bayer axrıncı dəfə nə zaman qapı istiqamətinə rəqibdən az zərbə endirib? Açığı son oyunlara baxdım. Buna da rast gəlmədim
Dünən Qarabağın taktikası mənə pes 2013 oynunu xatırlatdı. Yəqin ki, bu oyunu oynayanlar nə demək istədiyimi anladı. Mərkəzdə topu götürən kimi uzun pas taktikası. Əslində işə də yaradı. Qurban müəllim rəqib müdafiəçi Tahın sürətli ara ötürmələrində daha yavaş qalacağını bilirdi. Ona görə də oyunu Tahın mövqeyində müdafiə arxasına Juninyonun sürətli keçidləri üzərində qurmuşdu. 2 qolda da biz bunu açıq aydın görə bildik.
İkinci hissədə də əslində 3cü qolu vura bilərdik. Yenə Juninyo Tahı qabaqlayır amma təəssüf ki, qapıçı ilə dueldən qalib ayrıla bilmədi
İndi isə gələk səfər oynuna..
Bəli, çətin, qorxulu Leverkusen səfəri.
Qrup oynunda 5-0 məğlubiyyət bizi çaşdırmasın. Təbii ki, Leverkusen bu dəfə oyuna əsas heyətlə çıxacaq. Bu dəqiqdir ki, ilk dəqiqələrdən böyük təzyiqlə başlayacaqlar. Çünki ilk dəqiqələrdə vuracağı qollar Qarabağı həvəsdən salacaq, necə ki qrup oynunda bunu etmişdilər
Qarabağ nə edir etsin bu oyunda erkən qol buraxmamalıdır. Bunun çarəsi təbii ki, müdafiədə oturmaq deyil. Belə olacağı təqdirdə qol qaçınalmaz olacaq. Amma dünənki oyun kimi də bütün enerjini 1ci hissədə xərcləmək olmaz. Qarabağa balanslı oyun mütləqdir. Bəs bu balansı necə qorumaq olar
Oyun başlayan kimi oyunu mərkəzdə saxlamaq lazımdır. Rəqibi mümkün qədər 2ci xəttdən yəni mərkəzdən hücuma olan keçid xəttini bloklamaq lazımdır. Burada yarım müdafiənin mərkəzinə böyük yük düşəcəyi dəqiqdir. Sevindirən hal odur ki, Romao bu oyun qayıdacaq. Yankoviç və Roma ikilisi Braga ilə oyunda olduğu kimi bu oyunda da start təzyiqinin qarşısını alsa sonraki dəqiqələrdə oyunu üstünlüyə çevirmək olar.
34 oyunda məğlub olmayan Bayerin öz evində məğlub olacağını düşünmək açığı bir az sadəlövlük olar
Açığı mən bu oyunda 90 dəqiqə sonunda heç heçəyə ümidliyəm. Çünki artıq rəqiblə 3 dəfə qarşılaşmışıq,
Düşünürəm ki, bu da rəqiblərin bir birinə tanımasına və balanslı oyunun oynanmasına gətirib çıxaracaq.
Təbii ki bütün bunları mən mövzuya azarkeşlik hisslərimi də qataraq ifadə edirəm. Amma nəticə nə olur olsun, Qarabağ yenə səfərdə 5 top buraxsa belə bizim bu komandanı qınamağa çox da haqqımız yoxdur.