Рет қаралды 914
Qashqadaryo viloyati prokurori B.Sayipov tomonidan Nishon tumanida sektor rahbarlari va sohaga masʼul tashkilotlar rahbarlari ishtirokida qishloq xoʻjaligi sohasida amalga oshirilayotgan ishlar ahvoli koʻzdan kechirildi.
Xususan, mutaxassislar bilan birgalikda gʻoʻza agrotexnikasi sifati va parvarishlash ahvoli oʻrganilib, hosildorlik uchun muhim davrda amalga oshirilishi lozim boʻlgan agrotexnik tadbirlarni kechiktirmaslik lozimligi haqida masʼullarga tegishli koʻrsatma va tavsiyalar berildi.
Bundan tashqari gʻoʻza maydonlarini begona oʻtlardan tozalash, sugʻorish ishlarini olib borish, mavsumiy ishchilarni ish haqini oʻz vaqtida toʻlab berish boʻyicha topshiriqlar berilib ijrosi nazoratga olindi.
Shu bilan birga tumanda gʻalla oʻrimi mavsumi boshlanishidan oldin nuroniylar ishtirokida jonliq soʻyilib, gʻalla oʻrimiga kirishildi.
Tumanda gʻalla oʻrimi mavsumini uyushqoqlik bilan oʻtkazish va texnikalarni ishchi holatga keltirilganligi borasida masʼullarning hisoboti tinglandi.
Matnni Nishon tumani hokimining maslahatchisi O.Abdurahmonova oʻqidi