🔴Qizamiq - oʻtkir yuqumli kasallik
Qizamiq - oʻtkir yuqumli kasallik boʻlib, yer yuzida eng keng tarqalgan infeksiyalardan hisoblanadi. Unga barcha yoshdagi kishilar, asosan, yosh bolalar beriluvchan boʻladi.
🟥 Qizamiq virusi tashqi muhitga oʻta chidamsiz. Masalan uy haroratida 3-4 soatda, quyosh nuri va ultrafiolet nurlari taʼsirida tez oʻladi.
🟥Kasallik mavsumiy boʻlib, kuz-qish va bahor oylarida koʻproq uchraydi. Infeksiya, kasallik manbai faqat kasallangan odam hisoblanadi.
🟥Kasallikning yuqish yoʻllari havo tomchi yoʻli boʻlib, gaplashganda, aksirganda,yoʻtalganda bemordan sogʻlom odamga yuqadi. Qizamiq virusi nafas olish aʼzolarida koʻpayib, soʻng qonga tushadi. Kasallikning yashirin davri 7 kundan 21 kungacha, kasallikning boshlangʻich davri 3-4 kun davom etadi. Boshlanish davrida bemorni lunj shilliq qavatida qizil gardish bilan oʻralgan mayda nuqtasimon, oq dogʻlar paydo boʻladi, bu qizamiqqa xos belgi boʻlib, ular toshma toshishdan 2-3 kun oldin koʻrinib, toshma toshganidan 1- 2 kun oʻtgach yoʻqoladi.Toshmalarni bosqichli toshishi qizamiqda badanga toshmalar toshishi oʻziga xususiyatga ega boʻlib, bosqichma-bosqich toshadi. Toshmalar dastlab quloq orqasi, lunj, peshona va burunga toshadi, soʻngra yuz, badanga, qoʻl-oyoqqa tarqaladi. Toshmalar bemor tanasida 7-10 kungacha saqlanadi.
☑️ Kasallikni ilk belgilari kuzatilganda zudlik bilan shifokorga murojaat qilish va shifokor tavsiyasi boʻyicha daʼvo muolajalarini olish zarur.
🟥 Qizamiqning asoratlari- yuqori nafas yoʻllarining oʻtkir shamollashi - laringit, oʻpka toʻqimasining shamollashi - zotiljam, oʻrta quloqning shamollashi, bosh miya qobiqlarining shamollashi - meningit, bosh miya toʻqimasining shamollashi - ensefalit va boshqalar kasalliklarni kelib chiqishiga sabab boʻladi.
☑️Kasallikning oldini olish uchun- sogʻlom bolalarni kasallangan boladan darhol ajratish, bolalarni toʻgʻri ovqatlantirish, bola organizmini chiniqtirish zarur. Ushbu kasallikni oldini olish maqsadida Davlatimiz tomonidan milliy emlash jadvali ishlab chiqilgan. Ushbu emlash jadvali boʻyicha 1 yosh va 6 yoshga toʻlgan farzandlarimiz toʻliq, oʻz vaqtida kasallikka qarshi KPK vaksinasi bilan emlanishi zarur. Emlash ishlari xududiy tibbiyot muassasalarida bepul amalga oshiriladi.
💉Aziz ota-onalar! Farzandlaringizni mazkur kasallikka qarshi oʻz vaqtida emlatsangiz kasallikdan ximoya qilgan boʻlasiz.