Рет қаралды 2,706
«QUL»
Janrı: - Drama
Xronometrajı: - 71 dəqiqə
Quruluşçu rejissor: - Elvin Mirzəyev
Quruluşçu operator: - Həmid Mehrəfruz
Bəstəkar: - Tural Məmmədli
Aktyorlar:
Nigar Həsənzadə
Pərviz Məmmədrzayev
Nicat Kazımov
Bəhram Əliheydər
Rəşid Səməndər
Əlixan Mirzəzadə
Əli Məmmədrza
Ayşad Məmmədov
Kərəm Hadızadə
Rövşən Cəfərov
«QUL» SİNOPSİS
Rüstəmlə Nərgizin iki azyaşlı oğlu var… 6 aydan artıq vaxtdır ki, ailə ciddi maddi sıxıntılar içindədir. Eyni zamanda ailə yeni körpənin dünyaya gəlişini gözləyir. Onlarla bir evdə yaşayan, Rüstəmin qardaşı Rasimin, qurşandığı yoldan çəkinmək fikrində olmaması, ailənin büdcəsinə daha bir zərbədir. Rüstəm, çətin durumdan qurtulmaq üçün günəmuzd işləmək məcburiyyətindədir.
Yeganə gəlir mənbəyi fəhlə bazarı olsa da, Rüstəm ümidini kəsmir. Bura yaxınlaşan maşınlarda müxtəlif müştərilər, fərqli iş təklifi edir. Həcmi və yükü ağır olsa belə, Rüstəm və dostu Babək istənilən iş təklifi ilə razılaşır. Çətinliklərə rəğmən, Rüstəmin və ailəsinin gündəlik həyatı öz axarı ilə gedir.
Bir gün fəhlə bazarına «yaxşı» pul müqabilində iş təklifi ilə müştəri yaxınlaşır. O, digər fəhlələrdən daha bacarıqlı olmasını düşünərək, Rüstəmdə qərarlaşır. Babəkə dair tərəddüd etsə də, Rüstəm təkid edəndən sonra, müştəri onların hər ikisinin onunla getməsinə razı olur… Bu gediş, həm Babəkin, həm də Rüstəmin həyatını dəyişdirir…