Рет қаралды 181,802
#birivar #meyxana #resaddagli
O, Azərbaycanda ən çox azarkeş kütləsi olan şəxslərdəndir. Dediyi meyxanalar - xüsusilə də deyişmələrdə “1 nömrə”dir. Meyxana aləmində ən yaxşıların fərqləndirilməsi üçün “meyxana tacı” deyilən bir rəmzi ad var. Bu ad Məşədibabadan Aydın Xırdalanlıya, Xırdalanlıdan isə ona keçib. Bəs, o, bu adı layiqincə daşıya bilirmi?
Yeni verilişimizin ilk sayında meyxana dünyasının gəlmiş-keçmiş ən sanballı ismlərindən biri haqda söz açırıq. Biri var, Rəşad Dağlı...
Rəşad Rəşad Vaqif oğlu Əmirov 1984-ci il aprelin 21-də Yasamalda anadan olub. Uşaqlıqdan meyxanaya marağı olub. Mərhum həmkarı Əlislam söhbtlərinin birində deyirdi ki, Rəşad toppuş oğlan idi, onu məktəbin divarından güclə qaldırıb kemirirdik. Balaca idi, ancaq bizimlə meyxana deməyə gəlirdi.
O, 2001-ci və 2011-ci ildə Azərbaycan telekanallarının ən yaddaqalan meyxana layihələrindən olan "De gəlsin"də iştirak edib.
2001-ci ildə 17 yaşlı Rəşad finala qədər gəlib çıxır, sonda, finalda Aydın Xırdalanlıya məğlub olur
Rəşad Dağlının şəxsi həyatı ilə bağlı mətbuatda ən çox sadalanan iki hadisə var. Biri yoldaşının ondan boşanma istəyi ilə məhkəməyə müraciət etməsi, digəri isə qəzaya düşərək qolunun qırılması.
O, 2010-cu ildə Nailə Süleymanzadə ilə ailə qurub. Bu evlilikdən Yusif adlı oğlu və Bətül adlı qızı var. 2019-cu ilin avqust ayında Nailə Süleymanzadə Xətai Rayon Məhkəməsinə verdiyi ərizədə Rəşad Dağlıdan ailədaxili münaqişələrdən bezdiyi üçün boşanmaq istədiyini bildirib.
2016-cı ilin iyun ayında Rəşad Dağlı Bakı-Qazax yolunda qəza törədib və nəticədə xəsarət alıb. Onun "Toyota Prado" markalı 10 TT 011 dövlət nömrə nişanlı avtomobil beton dirəyə çırpılaraq aşıb. Hadis nəticəsində Rəşad Dağlının qolu sınıb.
Yasamal və Dağlı təxəllüsləri ilə meyxana deyən Rəşadın ustadı Nizami Rəmzidir.
Rəşadın istedadına, meyxana meydanlarındakı çevik performansına, rəvan və axıcı meyxanalarına söz ola bilməz. Həqiqətən də - həqiqət dediyimiz əksər meyxanaçıların etirafı və xiridarların rəyidir - Rəşad dövrünün ən yaxşısıdır.
Azərbaycanda bir çox meyxanaçılar olub və indi də var ki, onlar meyxananın, əruz sənətinin yalnız bir qolu üzrə peşəkarlaşıblar. Məsələn, adam var, yalnız ağır bəhrlərdə hikmətli beytlər deyə bilir, lakin deyişmə zamanı rəqibi qarşısında at oynada bilmir, adam var musiqili meyxanada xoş avazla diqqət çəkir, lakin, ağır bəhrlərdə axsayır. Rəşad Dağlı isə bütün meyxanaçılardan fərqli olaraq bu sənətin istənilən müstəvisində çox mükəmməl mövqedə dura bilir, hələ heç kəsin qarşısında büdrəmir. Musiqili meyxanada da, bəhrdə də, deyişmədə də həmişə diqqət çəkməyi bacarır. Rəşad istəsə meyxanada söhbət də eləməyi bacarır.
Onun qismən axsadığı məqam bəhrdir.
Rəşadın klassik ədəbiyyat bilgisi, mütaliəsi, sənət anlayışı “meyxana kralı”na bab səviyyədə deyil. Məsələn, Pünhan Alatavalı, rəhmətlik Vüqar Biləcərilinin endiyi mətləblərdə, dediyi ağır bəhrlərdə Rəşad Dağlı suda balıq kimi ola bilmir. Səri bəhrində göstərdiyi pəhləvanlığı çox dərinlərdə alınmır.
Düzdür, qəliz bəhrlərdə Dağlı susub oturanlardan olmur, lakin, yenə deyirəm, biz onu qəliz bəhrlərdə Vüqarla, Pünhanla ən yaxşı halda tən görə bilərik, Rəşad bu müstəvidə krallıq edə bilmir. Bunu xridarlar da etiraf edər...
Rəşad Dağlı adı son illərin meyxana sənətinin möhürüdür.
Təəssüf ki, Rəşad meyxana sənətinin möhürü olsa da, həm də bu sənətinin sonbeşiyi kimi qalmaqdadır. Onun hegemonluğu altında özünə layiq bir rəqibinin yetişməməsi də, əslində Rəşadın problemidir.
Aydın Xırdalanlı nümunəsi üzərindən baxanda biz Rəşadın gənc meyxanaçılara münasibətində uçurum görürük.
Biz Rəşada ustad deyə biləcəyikmi?
Bu günə qədərki performansına baxsaq, Rəşada ustad deyə bilmirik. Çünki o, özündən sonrakı nəslə yol açmır, onlara ürəklə xeyir-dua vermir. Sanki içində bir məğlubiyyət qorxusu da yox deyil. Bu hiss ustada yaraşmaz.
Əminəm, Rəşad “əsl ustad müəlliminə qalib gəlib tələbəsinə məğlub olandır” fikrindən xəbərsizdir.
Həmin gəclərin iddiasına görə Rəşad onunla ciddi rəqabət aparan rəqibləri sevmir. O, toylara adətən elə kollektivlə yollanır ki, həmin məclisdə onun krallığı açıq-aydın seçilsin, onunla deyişən, bir məclisdə olan şəxslər də, iddiaya görə, bu qaydaya adətən sadiq qalırlar...
Bu iddiaları bir kənara qoyaraq, yenidən Rəşad Dağlının keyfiyyətlərinə dönək. Həqiqətən də, o, gəlmiş-keçmiş meyxanaçılar arasında ən yaxşılardandır. Hətta, deyişmə müstəvisində bəlkə də ən yaxşıdır.
Səri bəhrində aparılan çevik deyişmələrdə Rəşadı məğlub edən meyxanaçı xatırlamıram, o, hətta Aydın Xırdalanlı ilə də kəllə-kəlləyə gələ bilirdi. Aydına məğlubiyyəti isə yenə də klassik baza və klassik sənətkarlıq metodlarındakı naşılığı ilə əlaqəli idi.
Rəşad Dağlı dövrünün həqiqi meyxana kralıdır.
Əminəm, o, tezliklə yuxarıda qeyd olunan qüsurlardan arınacaq. Hələ 40-a çatmamış bir şəxsdən ariflik gözləmək bir az insafsızlıq olar.
Odur ki, “Xızı qartalı”na daim zirvə arzulayırıq.