Zeynalov Tural Ruslan oğlu 1987-ci ildə Bakı şəhərində anadan olub. 2002-ci ildə 9 illik təhsilini bitirərək C.Naxçıvanski adına hərbi liseyə daxil olur.
2006-ci ildə Azərbaycan Ali Hərb Məktəbi, 2009-cu ildə Təlim Tədris Mərkəzinə daxil olur. 2010-cu ildə Leytenant rütbəsi alaraq təhsilini bitirib Daşkəsən rayonunda yerləşən " N "saylı hərbi hissədə bölük komandiri vəzifəsində fəaliyyətə başlayır.
Vətən sevdalısı qəhrəmanımız , Aprel döyüşlərdə də iştirak edib.
2-ci Qarabağ savaşında əldə edilən Tarixi Zəfərdə Turalın da payı var. Müharibənin ilk günlərindən ön cəhbəyə yollanan Tural yaxınlarına general Polad Həşimovun qısasını alacağını söyləyib. Və bir dəfə zəngində atasına generalın qısasının alınması müjdəsini verib.
"Şəhid olmasam, tezliklə qayıdacam!" demişdi son zəngində... Tural evinə döndü , lakin şanlı bayrağa bürünərək...Şəhid kimi geri döndü. Könüllərdə əbədi taxt qurdu. Tural təkcə Zeynalovlar ailəsinin deyil 10 minyonluq azərbaycanlıların oğluna, qardaşına, doğmasına çevrildi.
Vətənin adını uca tutan, onun üçün şirin canını fəda edən qəhrəman oğul Tural 2020-ci il oktyabr ayının 11-də Azərbaycanın ərazi bütövlüyü uğrunda Cəbrayıl və Fizuli istiqamətində gedən döyüşlərdə qəhrəmancasına döyüşərək Şəhidlik zirvəsinə ucaldı.
Zeynalovlar ailəsinin digər üzvü şəhidin bacısı bir idmançı kimi qardaşının qısasını beynəlxalq arenalarda şanlı Azərbaycan bayrağını ucaltmaqla alacağını deyir.
33 yaşlı cənnət qoxulu şəhidimiz ailəli idi.
Ailəlidir.2 övladı var.
#Qarabag
#Azerbaycan