المهم التجربة والصح قع في احمد وتحية لناس حليل بالتوفيق

سلام عليكم خاوتي هادي طريق الشهيد عميروش و الشهيد سي الحواس رحمت الله علىهم و 1000 من المجاهدين الرجال الاحرار ربي يرحم الشهداء

ماشاء الله مناظر هايلة .فيديو عفوي رائع ❤❤❤❤

قناتك روعة نضيفة بزاف ربي يوفقك

الله يبارك، انشاء الله لالة خديجة اثنين تكون اكثر تنظيما و احترافية بمشاهد اروع 👍🇩🇿❤️

حلاوتها خويا لعزيز تجارب هكا الانسان حتى و يعيش 1000 سنة محال ينساهم

بارك الله فيك على التشويق وقدر الله ما شاء فعل فما اصابكم لم يكن ليخطئكم لكن ملاجظة بسيطة فقط هي التيمم نبدا بالوجه اولا ثم الكفين وشكرا

كذلك الغلطة الكبيرة لي درتوها هي المرڤاز هذي الاجواء لازملها اكل يدفي الجسم لوبيا عدس حمص + تيزانة اكليل الجبل زعتر لويزة

ماشاء الله هذا هو المحتوى لي لازم ندعموه ربي يوفقك أخي 💙💙

سلام عليكم أمر طبيعي خويا الطيب لازم توقف معاه و تعلمو هذي أول تجربة ليه 😊😊😊😊😊 لازم تعاود تديه معاك. لكن في جو ربيعي باين إنسان طيب القلب و ذكي و راح يكون افضل مغامر إن شاء الله عليه التعود فقط الله يبارك 😊😊😊😊😊😊

بارك الله فيك

ربي يحفظك اخي العزيز

صدقنى غير فيديواتك ننتظرهم بفارغ الصبر . حربي الله يبارك وتعرف للتمرميد الزين

الله يبارك طيب خويا فيديوا توعوي لكل الناس لي تطلع بدون معدات وزيد نقس في عامل الخبرة وزيد تطيح عليك الضلمة وضباب ورياح محملة بالثلوج على ارتفاع تقريب 2000م خرجة هايلة سلملي على احمد ❤❤❤

❤❤❤ ربي يحفظك

انا مشترك جديد في قناتكم انا مدمن على فيدوات كما هاذو بصح تع Les Americains. كنت مخلوع منهم كفاش يغامرو بصح كي شفت هاذ الفيديو ياحسراااه وليت نشوفهم يلعبو

العائق الأكبر هو الوزن.لازم تصيب حل خاصة في هذا الظروف انا أول تجربة ليا كانت اكثر من هكذا و المشكل الخيمة و واش من خيمة تاع فصل الصيف هذيك تاع الشناوة زادم بيها في الثلج و زيد زدمولي لكلاب في منتصف الليل لسبب أنو نسيت الأكل خارجا 😂😂😂😂😂😂😂 في الجبل خديتها قاعدة تلحق الثلاثة تاع العشية من الافضل البحث عن مكان لتخييم و التمهل في اتخاذ القرارات 😊😊😊😊😊😊

بصح والله العظيم غي فيديو روعة مع حمد الله يحفظو خهههخخهه صراتلي في الخدمة كيف كيف معاكم بصح مشكيتش كنت نورمال خههههخ بصح كي نتفكر ليام صعيبة نحمد الله عليها تحس بوحد الشعور على انك في بيتك في نعمة كبيرة ونحمد الله على الجزائر وتحيا الرايس تبون ❤ قناة رائعة تستاهلو كل خير ❤

خبره ...كي تنحي حقيبه الضهر زيد البس حاجه فوق الكور تاعك باش ما يسكنكش البرد ...كي يعود واحد مريض معاك ماتكملش يا ترجع يا تحبس تم ...ماتخليش الضلمه تطيح عليك ديما اقبل بساعه حبس انصبر الخيمه تاعك ...دير حسابك للما كي تخيم ما تنصبش في مجرى تاع الما ...احمي الخيمه تاعك بقرب شجره او صخره كبيره باللاخص في جو صعيب وشكرا

دعمو اخوكم بولحية يستهال

أخي العزيز ربي يوفقك ويجب ان يمشي أحد موالف في الجبال الغبات والمغمرات ولا يخف من ايي شيئ ❤❤

عجبني الفديو واحمد تاني

كان لازم تقراو الجو اولا في الانترنت ثم تتهيؤوا للظروف باخد احدية و لوازم الوقاية من البرد ثم شاقور و منشار للحطب والتدفية و تحضير مكان التخييم بطريقة فيها امان. كنت نضن لو عملتو هذه الامور على الاقل حتى نسيبك ما كانش يتذمر. لكن من الأخطاء نتعلم. بالتوفيق

معليش حلوتها كل مشكلة تزيد خبرة في الأيام مقبلة انشالله بتوفيق

يعجبني محتوى تاعك كمل بارك الله فيك ❤❤

لايك

فيديو عفوي على بساطته جميل .. المهم الإستمرارية تولد الإحترافية وكامل رانا نتعلمو مالأخطاء تاعنا

السلامة قبل كل شيء بالتوفيق ان شاء الله

ميحس بيك غير لي سراتله حنا غير الحشية متنا كرعيا عواجو

Machalh yakho albalk kont hab ndirha whd mshabi m9dr ydirha m3aya kml khafo wnhitha mn rassi wawdt drtha frasii mor pachft bedio ta3k khoya rebi yhfdk ❤❤❤❤

الله يبارك اخي تجربة تعلمك الاحتراف اهم شيء في مثل هذه المغامرات هو المعدات التي يجب ان تكون تقنية و احترافية حتى تقلل من حجم الضرر الذي يلحق بك وخاصة تلك المقاومة للبرد والماء وحتى الاكياس العازلة لدخول الماء التي تبقي على معداتك وتحميها من التبلل وبالتالي البرد عدم المشي والتخييم في الضلام لتامين الرحلة فالجبل اخي له مناخ خاص به وقد تصل درجة الصقيع الى اقصاها ضف الى ذلك سقوط الجليد في مثل هذه المرتفعات ما قد تصل درجة الحرارة الى 10 تحت الصفر اذا ما هبت الرياح اخذ قارورتين للغاز لكل شخص جد مفيد مع التقليل من وزن الحقيبة التي يجب ان تكون معداتها جد خفيفة وعالية الجودة انها تجربة تعلمك كيف ان معيار الوقت جد مهم بالتوفيق اخي والحذر كل الحذر

والله غير متعة ابدعتم😂❤

هههخخههه يا حمد واش داك اسيدي واش داكم تدوه خخهههههه

خطأ الاول كي بدتو طلعو وانت في بالك راح يحكمك الليل وتشوف سماء بدات تدور لازم تخيم وتستنى لغدوا منداك تبدى تطلع مع صبح و لعشيا هكذاك توصل لقمة

(كل واحد إكسل رجليه قدر فراشو) كاين ناس فالشدة تعول عليهم و كاين ناس في ديارهم و تخاف عليهم .

الحمد الله على السلامة

الحمد لله كي جازت بخير رد بالك كي تكون جايةعاصفة اسبقها ولا خليهاحتى تجوز جامي تمشي فيها.

الرحلة لازملها التاويل وخاصة البرد

خوتي كاين تطبيق تع خريطة و احدثيات تقدر تستعملو بلا ريزو و لا انترنات مهم كي تكون في منطقة فيها انترنات مام ضعيفة تدخل فيه و تعين منطقة لي راك فيها و ديماري كي تدخل بلاصة مفيها لريزو لوالو و معرفتش طريق تدخلها تخليلك سهم منوين راك للنقطة لعينتها سبقا . وربي يحفظكم و بارك فيكم خوتي

رحلة خطيرة لكن عندكم نقص في وسائل التخييم الأصلية ❤

والله ياخويا ريسك كنتو قادر تموتو كان قوات الحملة وزيد ضلمة في اليل والبرد ربي ستركم على كل حال ❤

Asma7li khou mes rak plusieurs j'ai remarqué rak triski b n'as ma 3andhoum aucun expérience ni matière aussi lah yahdik khou, ya khou Ida khasek rfi9 li ya7mall w 3andou expérience w ye9deralha rani hna 😊

حمد يفرحك غير فالماكلة بولحناك لوكان زدتلو نهار يهبل بصح خرج فيديو قوة لله يبارك

معليش مشي عيب انسان كيستسلم كاين محاولات أخرى تكون مغامرة مليحة انشاء الله ماتلومش حمد بزاف طيب😂

حمد غلبة والله😂😂😂

طلعتها في جانفي 😮😮

البنة كامل في التمرميد 😊

Salam kho fi ma yakhoss lmakla F berd au moins haja consistante ou skhouna Merguez merguez izidlek f poid Teqder tbedlou b haja khfifa 3li ou fih fayda khir ✌️

الاخ الطيب مغامراتك شيقة وجميلة ربي يبارك ولكن عندكم نقص فادح ف المعدات وخاصة الخيمة

مشترك جديد من الأوراس تحياني بالتوفيق

مشترك جديد من ولاية سعيدة بالتوفيق لكم❤❤❤

الله يبارك مناضر رائعة بصح خاوتي راكم تخاطرو بحياتكم ربي يستركم

سلام شفت کل الفلوغات لقت بیا اندومی یا خویا

بالعكس أجمل حاجة فالفيديوا هو أحمد،على جالوا عاودت تفرجت الفيديو ثلث مرات.

كي تعاود مرة الجيا نوصيك صحبي الى بديت صبح اقطع نص طريق وخيم ترتاح ومن غدوى هذاك زيد كمل حتى قمة تلقى فيها مغرات تخيم فيهم تشعل نار تدفي روحك وربي اوفقكم

تيزي وزو أخالي ياه

سلام 😮😮 المستوا ضعيف و نقص في الامكنياة

ليس مشكل الوقت وحسب وانما عدم توفر المعدات لاكن من أخطأنا نتعلم

خويا نصيحة منى كي تخيم في اعالي الجبال . جامي تخلي لطونت هكذاك وحدها و ترڨد . اولا. كي تصطليها كاين شجر نحي منها هكذا غصان لي فهم لورق كما زمبيل هذاك تخبي بها لطونت نقلك علاش راح انقصلك من البرد

السلام عليكم، كون نحيت الموسيقى من الخلفية راح يكون الفيديو أفضل

لوكان انا نشوف راح يحكمنى ليل نصطلي لطونت بعقلي كي مكانش لمطر ونجمع لحطب في غرضي ونطيب لعشا و نوجد روحي لغدوى منداك نبدى نطلع مع صبح

السلام عليكم يعطيكم الصحة ملاحضة اخي السيد مطلعو في هاذا الجو الصعب لامتريال لا خبرة حجا باينة يتميزر مسكين

سلامة ان شاء الله و لكن قبل تي رحلة لازم دراسة و تنظيم للرحلة من البسة و اكل و علبة الاسعافات الاولية و ايضا تبليغ السلطات للمنطقة المعنية بالرحلة و ايضا تطبيق التعليمات الخاصة بممارسة السياحة الجبلية و اتمنى لكم التوفيق و النجاح و مزيدا من الرحلات ان شاء الله بارك الله فيكم

مفهمتش انا هذاك احمد علاه ديتوه معاكم في اجواء كما هاذي ؟؟؟ جبل خطير في الثلج وصلتو متأخرين والاكثر من ذلك احمد يزيد يفشلك يقولك هبطني وانتا حاصل وتخمم كفاه تسلكها لكن لو كان اخر متمرس في الجبال رغم سوء ذلك اليوم يطلعلك المورال شوية انتوما صرالكم كما المنتخب الوطني لكرة القدم اداو معاهم مغني المدعو فيصل المينيون 😅 المنتخبات كامل درزو علينا 😂😂😅😅😅 سلامت ريسانكم الخاوة .

لازم اتخاذ الاسباب الشرعية لأن الله جل وعلا يحاسبنا قبل العبد ولا تلقوا يايديكم الى التهلكة قدر الله وماشاء فعل

جرب خيموا في الصحراء هذا هو الوقت المناسب لها

باش تنصحنا بخيمة مقاومة للمطر والرياح

حسيت بيكم 😅 كي قدرتو تجوزوا ليلة في اجواء كيما هذي ياخويا ماشي ساهلة

نروح معاكم والله

يالطيب انا مروان لي كنت فلبلاكة انا وصاحبي زاكي لي فيلميتنا بالدرون 😂 صرى فينا الباطل حنا تاني عدويا ما نتمنالوش واش صرالنا هههههه حكمنا اوراج انورمال

خويا الطيب أرواح للشلالات تاع الواد البارد ولاية سطيف،واطلع لجبل بابور،تشوف المتعة صح.

wach eddak louad ya zitouna ,,vous avez pris des risques inutiles, l'aventure ça prend des connaissances sur les lieux et les techniques de randonnées, une préparation et du matériel.

c'est un parcours de débutant.

الله يبارك احمد تميزر هههه 😅😂😂😂

خويا معليش نطلع معاك راح تستفاد من تجربتى متندمش

bo travail

لازم إمكانيات انا من المدمنين على فيديوهات التخييم خاصة الكوريين لديهم اماكن مخصصة التخييم وامكانيات روعة ...تغبنتو بزاف حسيتها غبينة اكثر من تحويسة لهذا انصحك ان توفر اماكنيات التخييم في الاوقات الباردة قبل الانطلاق تحياتي لكم

تحية للاخ أحمد راعي الفشل في الرحلة ههههههه

الضحية هوا احمد مسكين

السلام عليكم والله إرادة قوية بسم الله مشاء الله ولكن سمحلي على بعض الملاحظة أخطاء قاتلة وكأنها أخطاء مبتدئين انشاء الله متتعاودش

والله غير جا فيديو ما شاء الله حمد كتلني بضحك بصح يا اخي نتا ديتو يلعب طول مع ريال مدريد بشوية عليه 😂😂مهم اعطيكم الصحة

تحيا حمد ههخخهههخخخخ

هذي يعرفلها غير الدقس وجمال طالب لازم تديهم معاك 😅

ملاحظة برك الموسيقى لي في الخلفية مزعجة يا خويا تحياتي وربي يفوقكم

هدى حمد صاري ليه كيما المغني فيصل المينيوم لاعلاقة له بكرة القدم وزيد كل المنتخبات فاتو فينا 😂

يا أخي الغلط تاعك ماكانش عليك تغامر بيه فهاد الظروف الصعبة انتا ويوسف برك توفيق إن شاء الله ❤

Les parcours que vous avez pris déjà est très deficile dans les conditions normales. Alors dans ces conditions extrêmes. Aussi le faite de faire un changement d'altitude de 1400 a 1800 m c'est fatiguant. Allah ibarek chehitouna

هذي لي يسموها دعاوي الشر 😂😂😂

خويا ربي يسعدك بصح لازملك ماتريال صحيح تاع كامبينغ

يا طيب ضحكني نسبك أحمد والله غاضني مسكين معدوش خبرة مسكين خايف هام يضخحك و هم يبكي

سلام اخي ،اسكو كي تخرجو للاماكن الخطرة تبلغو الجهات المعنيه تحسبا لأي طارئ لا قدر الله وهذا ما يسهل عمليات الانقاض كما في الدول المتقدمه والمعروفه بتساقط الكثيف للثلوج، باالتوفيق

معليش الخسارة تعلمك الخطرة الجاية دير حسابك مليح وتعرف كيفاه ووقتاش تروخ تغامر ..بالتوفيق

كنتو تباتو تحت الشجر مشي في بلاصا معرضة لريح

ماشاء الله بصح خويا علاه راك مكش دير في فيديوهات على ببغاوات في قناتك اساسية على خطر كاين ناس يشتو هذا محتوى وانا ثان ❤❤❤❤❤

سلام عليكم ،الصراحة انا اول مرة نشوف فيديو تاعك وحاب ندير ملاحظة صغيرة ،هذا اللي راك تحكي عليه احمد نورمالمو متحكيش عليه بالطريقة هذي بارسكو حط روحك غير دقيقة في بلاصتو وقعد تشوف في فيديو هذا تاعك وتفكر انت الخطرة الاولى اللي طلعت لجيل كيما راك تقول سبحان الله الناس تتعلم من الاخطاء بصح انت راك منشرته ديركت ومدرتش حتى حساب لنفسية تاعو مع صحابه كي شغل راك تحشم فيه ان شاء الله تكون فهمت المقصود تاعي وربي يوفقك خويا تحياتي من بجاية ❤

💐👍🏆💐👍🏆💐👍🏆

يخي مزيرية كيفاش دايرة

ههههخهههه انا نعرف لي اسمو حمد يجي هرقاز راجل ونص😅😅😅

والكروسا كنتو راح تخلوها 4 أيام وهي تما🤔

الجبال لازم يطلعو ليه عيباد متمرسين