Рет қаралды 7,830
КӨПБОСЫН Өміржан Ғабдұллаұлы - ӘДІЛОВ Тілеген Елеусізбайұлы
1 - жұп
Елбасы Н. Назарбаевтың "Рухани Жаңғыру" бағдарламасы аясында Қаражал қаласында 2018 жылдың 29 қарашасында өткен "Келешегі кемел - кенді өлкем" республикалық ақындар айтысы.
КӨПБОСЫН Өміржан Ғабдұллаұлы
1984 жылы 25 наурызда Қарағанды облысы Жаңаарқа ауданы Толағай ауылында дүниеге келген. О. Әлібаев атындағы орта мектепті бітірген. Қазақ Теміржол қатынастар колледжін (2005), Жоғарғы оқуын экономист мамандығы бойынша тәмамдаған (2007). Бірнеше облыстық, Республикалық айтыстардың жүлдегері.
Астана қаласы әкімдігінде, Тілдерді дамыту басқармасы «Зерде» инновациялық орталығында ұйымдастыру бөлімінің бас маманы, бөлім бастығы болып еңбек еткен (2007-2009). Ұлттық Академиялық кітапханада директордың көмекшісі қызметін атқарған (2009-2012). Қазір жеке кәсіпкер.
Бірнеше қалалық, облыстық айтыстардың жүлдегері, жеңімпазы.
Алсай бабаға арналған Республикалық айтыста Бас жүлде (2007), Тәуелсіздік күніне орай өткізілген Республикалық студенттер айтысында Бас жүлде (2007), Аралбай батыр Әлібекұлының 325 жылдығына орай өткізілген Республикалық айтыста Бас жүлде (2011), Ақжолтай Ағыбай батырдың 210 жылдығына орай өткізілген айтыста Бас жүлде (2012) иеленген.
ӘДІЛОВ Тілеген Елеусізбайұлы
1974 жылы 28 шілдеде Қарағанды облысы Ағадыр ауданы Ақшатау елдімекенінде дүниеге келген. Қармыс орта мектебінің түлегі (1981-1989), Кәсіптік техникалық училищені және1998 жылы Ө. Байқоңыров атындағы Жезқазған мемлекеттік университетін бітірген.
Бірнеше республикалық айтыстардың жеңімпазы, жүлдегері.
#айтыс #қаражал #рауан