#шеър #adabiyot #адабиёт #назм #turkiston #ozodlikradiosi #eltuz #jahonnoma #nurli_nuqtalar
@kelajakka_maktublar @abdulkarimbahriddin3800 @eltuz @ozodlik-radiosi @radioxazinasi @JAHONNOMA
Assalomu alaykum, dorning og‘ochi
"Kuntug‘mish"dan
Ko‘nglim qorong‘udir, tevarak tutun,
Yolg‘iz boshim uzra uvullar shamol,
Ko‘zlarimni g‘ajir allaqanday tun,
Sen kimsan, nimasan, sen kimning boji? -
Aqlimni g‘ijimlar yalang‘och savol -
Assalomu alaykum, dorning og‘ochi.
Turkiylar, aytingiz, bizda nima bor?
Bizda bor mute'lik, qullik, ozorlar,
Bizda bor qo‘llardan ketgan ixtiyor,
Manxus kimsalarning talon-toroji,
Hayqirib yotibdi buyuk mozorlar -
Assalomu alaykum, dorning og‘ochi.
Turkiylar, aytingiz, bizda nima yo‘q?
Bizda yo‘q, ittifoq, bizda yo‘q birlik -
Oyoq ostidadir insoniy huquq,
Bu turkiy olamning qutlug‘ me’roji,
Oyoq ostidadir muqaddas hurlik,
Assalomu alaykum, dorning og‘ochi.
Yovuzlar kuchlarin to‘plab shaylanar,
Ichi to‘la g‘azab, qo‘llarida tig‘,
Zamonlar aylanar, osmon aylanar,
Ona Turkistondir turklarning toji -
Aytingiz, qandayin yashaymiz ortiq,
Assalomu alaykum, dorning og‘ochi.
Non so‘rab kelganga joningni berding,
Sendadir matonat, sendadir toqat.
Qon so‘rab kelganga shoningni berding,
Yurtingni berding sen, qattol xiroji,
O‘ldirsang, o‘zingni o‘ldirding faqat,
Assalomu alaykum, dorning og‘ochi.
Magar ohing bilan olamni to‘ldir,
Tinglamas Allohing nolalaringni.
Vahki, otangni ot, onangni o‘ldir,
Ey, qora dunyoning qora muhtoji,
Bo‘g‘izla tole'siz bolalaringni -
Assalomu alaykum, dorning og‘ochi.
Ассалому алайкум, дорнинг оғочи
"Кунтуғмиш"дан
Кўнглим қоронғудир, теварак тутун,
Ёлғиз бошим узра увуллар шамол,
Кўзларимни ғажир аллақандай тун,
Сен кимсан, нимасан, сен кимнинг божи? -
Ақлимни ғижимлар яланғоч савол -
Ассалому алайкум, дорнинг оғочи.
Туркийлар, айтингиз, бизда нима бор?
Бизда бор мутеълик, қуллик, озорлар,
Бизда бор қўллардан кетган ихтиёр,
Манхус кимсаларнинг талон-торожи,
Ҳайқириб ётибди буюк мозорлар -
Ассалому алайкум, дорнинг оғочи.
Туркийлар, айтингиз, бизда нима йўқ?
Бизда йўқ, иттифоқ, бизда йўқ бирлик -
Оёқ остидадир инсоний ҳуқуқ,
Бу туркий оламнинг қутлуғ меърожи,
Оёқ остидадир муқаддас ҳурлик,
Ассалому алайкум, дорнинг оғочи.
Ёвузлар кучларин тўплаб шайланар,
Ичи тўла ғазаб, қўлларида тиғ,
Замонлар айланар, осмон айланар,
Она Туркистондир туркларнинг тожи -
Айтингиз, қандайин яшаймиз ортиқ,
Ассалому алайкум, дорнинг оғочи.
Нон сўраб келганга жонингни бердинг,
Сендадир матонат, сендадир тоқат.
Қон сўраб келганга шонингни бердинг,
Юртингни бердинг сен, қаттол хирожи,
Ўлдирсанг, ўзингни ўлдирдинг фақат,
Ассалому алайкум, дорнинг оғочи.
Магар оҳинг билан оламни тўлдир,
Тингламас Аллоҳинг нолаларингни.
Ваҳки, отангни от, онангни ўлдир,
Эй, қора дунёнинг қора муҳтожи,
Бўғизла толеъсиз болаларингни -
Ассалому алайкум, дорнинг оғочи.