Қазақстанда енді жүргізуші куәлігі жоқ азаматтар мопед міне алмайды. Көліктің бұл түрін тізгіндеу үшін тұрғындардың қолында кез келген санаттағы жүргізуші куәлігі болуы шарт. Соңғы кездері мопедтердің қатысуымен болатын жол көлік оқиғаларының саны үш жарым есеге, ал бес айдағы өлім көрсеткіші үш есеге өсті деген мәжіліс депутаттары мопед жүргізушілеріне қойылатын талаптарды қатаңдатпақ.
Жаңа заң қабылданса мопедті басқару құқығы 16 жасқа толған адамдарға кез келген санаттағы жүргізуші куәлігі болған жағдайда беріледі. Жүргізуші мопедті тізгіндегенде басына міндетті түрде түймеленетін мотошлем киюі қажет. Ал өзімен бірге жолаушы тасымалдаса, оның да арнайы бас киімі болуы шарт. Сондай-ақ, жүргізушіге мас күйінде мопедті басқаруға тыйым салынады. Ені мен ұзындығы 50 сантиметрден асатын жүкті көлік құралымен тасымалдауға болмайды. Техниканы көпірлерде, эстакада, өтпе жолдарда, сондай-ақ көгалдарда, балалар мен спорт алаңдарындағы тұраққа қоюға тыйым салынады. Мопедпен мас адамды, әрі 16 жасқа толмағандарды тасымалдауға болмайды. Бұған қоса, мопедпен тротуарлар мен жаяу жүргіншілер жолдарында, веложолақтармен жүруге тыйым салынады. Ал қараңғыда мопед жүргізушілері жарық шағылыстыратын элементтері бар шлем киюі тиіс.
Бізді әлеуметтік желіде оқыңыздар:
Информбюро 31 / @informburo31kanal
Informburo kz / @informburokz2022
Facebook - / informburo31
Instagram - / informburo31
Vkontakte - informburo31
TikTok - www.tiktok.com/@informburo31
Біздің сайт: www.31.kz және www.informburo.kz
Біздің WhatsApp +7 777 331 31 31
#News #Kazakhstan #Жаңалықтар #Біздіңжаңалықтар #Нашиновости #Сегодня #Қазақстан #31канал