Бәріңізге Ассалаумағалейкум!
Еліміздегі басынан «дау мен сор» арылмаған соның бірі - білім беру мен ғылым саласы. Соңғы кездері, Білім және ғылым министрі болып, осы саланың «сүйегін шағып, майын ішкен» білікті маман, Асхат Аймамғамбетов келгелі, білім беру саласында, біраз нәрсе атқарылды. Бірақ, ол кісінің де үстінен, жалған жалалар жабылып, негізсіз қаралаулар тоқтаған жоқ. Кімнің кім екенін, «білімі мен атқарған ісінен» танитын қарайған халық, жаппай бас көтеріп, министрді жала мен бәледен қорғап қалды.
Амал не, қайсы бірін айтамыз? Министрдің де «қолынан келмейтін» істер көп. Себебі: Еліміздегі Ұлттық және Мемлекеттік университеттердің басшыларын, сол саланы білетін министр емес, президент тағайындайды.
Осыған қатысты бір көкеміз өзінің әлеуметтік желісінде былай деп жазыпты. Екі үш айдан бергі, даудың бірі мынау, атағы мен тарихы бар, Әл Фараби атындағы қазақ Ұлттық университетінің жеке территориясына жататын, жер участкесінің жоқ болып кетуі. Әрине, жер участкесі бір жаққа ұшып кеткен немесе түнде келіп біреу арқалап, ұрлап кеткен жоқ. Оны, универдің басшылығы алғанда, сатып жіберген. Міне қызық. Сонда қалай? Мемлекеттің қазынасынан қаржыландырылатын, тікелей мемлекеттің басқаруындағы Ұлттық университеттің жерін, жеке меншігіндегі жерді сатқандай, қорықпай ғана сата салатын, ректордың күші неткен мықты? Бірақ бұл жалғыз ректорлар шешетін әңгіме емес сияқты, себебі онда үлкен ақша жатыр. Яки үлкен адамдар қалай ғана ректорға білгенін істетіп қояды дейсіз?
Міне дәл мынандай әңгімелерді әлеуметтік желі біткенінің бәрі, зялысы болсын, белесендісі болсын, әсіресе диван батырлары жарыса жазып ақ жатыр. Біреулер қаралап жатса енді біреулер мадақтап жатады. Олай болса ары қарай тыңдап көріңіздер. Одан кейін ненің дұрыс ненің бұрыс екенін өздеріңіз бағамдай беріңіздер.
Әрине, бізде жоғарыдағының бәрі мықты. Себебі айқын. Барлықтарыңыз білесіздер. Басшы тағайндағанда, білімі мен біліктілігеіне қарамаймыз, көкесі мен крышасына, ақшасы мен атағына ғана қараймыз да, білдей бір орынға басшы етіп, жаңағындай бәке, жәкенің қолдауымен келгендерді, креслоға жайғастырамыз.
Ақыры Қаз ГУД-ың жер сатқыш ректоры, халықтың қысымымен орнынан кетседе, оның орнына, бұрынғы министр, Түркістан облысының бұрынғы әкімі Жансейіт Түймебаев жайғасты. Жансейіт келе салымен, жанына жайлы етіп, жеке өзіне арнап, 22 миллион теңгеге био туалет орнаттырды. Тарихы тереңде жатқан ҚазГу сияқты үлкен университетті, иісі шықпайтын био туалетте, «терең тыныс алып отырып, жаңа заманауи шешімдер шығарайын» деген шығар?
2019 жылы, елбасы Нұрсұлтан Назарбаевтың құрметіне опера жазған, "Қазақтың Моцарты" - Рахат-Би Әбдісағинның анасы, Мәжіліс төрағасының экс-орынбасары - Гүлмира Исимбаева, Абай атындағы ҚазҰлттық Педагогикалық Университетінің директорлар кеңесінің төрағасы болып тағайындалды.
Бұл хабарларды, осы университеттің баспасөз қызметі: "Исимбаева Гүлмираны, "Абай атындағы Қазақ ұлттық педагогикалық университеті" коммерциялық емес, акционерлік қоғамы директорлар кеңесінің төрайымы етіп сайлады, - деп жариялады.
Білім және ғылым министрі Асхат Аймағамбетов, Абай атындағы ҚазҰПУ әкімшілігінің мәжілісінде, «министрлік Гүлмираға, елдегі ең көне университеттің директорлар кеңесін басқаруды ұсынды. Оның білім беру және заң шығару саласында үлкен тәжірибесі бар. Ұзақ жылдар бойы, Алматы қаласы білім бөлімінің бастығы болған» деді.
Бұл жерде де, «жағымпаздар бәйгесінің» иісі аңқып тұрма қалай, өзі? Айтыс сайын үкіметті сынап, қорықпай қатты қатты батырып айтып жүрген айтыскер ақын Ринат Заитов директор болып тағайындалы. Алдыңғы жылғы Алтын домбыра айтысында, Нұротанды Нұрайна деп мазақтаған Ринаттың, Нұротаннан қызмет алғанын халық түсінбей қалды. Осындайда, есімізге, түрік халқының бір мақалы еске түсіп отыр, «Билікке қарап үріп жүрген итті, тамақ беріп, биліктің босағасына байлап қойсаң, ол ит халыққа қарап үреді» деген. Қандай тура айтылған мақал. Біздегі үкіметті сынап жүрген белсенділерге, үкімет осы әдісті қолдануда. Оларға қызмет беріп, жылы кабинет пен жұмсақ креслоға отырғыза қойса, үкіметті мақтап шыға келеді. Оларды қудалап, соттап, халықтың қарғысына қалғаннан көрі, осы әдіс өте тиімді екенін көрсетуде. Жаңағындай халықшыл белсендінің алды парламентте депутат болып үлгерді. Соның бірі де, бірегейі. Халықшыл, сайлау сайын билік пен Нұротанды сынағыш белсенді Айдос Сарым, депутат болып еді, «сайлау әділ өтті» деп бағалады.
Әріптесі Ринат заитовтан қалып кетпейін деді ме, тағы бір шоумен айтыскер ақын Балғынбек Имашев, «Бір кісіге, алтынннан ескерткіш қойсақта артық болмайды» деп, мәлімдеме жасады. Балғынбектің мына сөзін, жұрт қатты сынап жатыр. «Балғынбек мына мәлімдемеңді, парламент сайлауының алдында неге жасамадың? Депутат болатын едің ғой» десе; «Ринат директор болып тағайындалғасын, олда, директор бола қойсам» деген дәмесі. Бізде, жағымпаздар ғана өрлейтін заман орнады. Бұл қалай, вахависттер, ескерткіш орнатуға қарсы емес пе еді, деп Балғынбекті сынауда. Толығырақ видеода...