#riverston #travelwithrawana #mathale
නකල්ස් කඳු පන්තිය තුළ පිහිටා ඇති රිවස්ටන් කන්ද අද වන විට දෙස් විදෙස් සංචාරකයන්ගේ ආකර්ෂණය දිනාගත් සොඳුරු පාරිසරික කලාපයකි.
මාතලේ දිස්ත්‍රික්කයේ රත්තොට ප්‍රදේශය හරහා ගමන් කිරීමෙන් මෙම පාරාදීසිය ට ප්‍රවේශ වීමට හැකි අතර සුන්දර පරිසර කලාපයක් හරහා මෙම මාර්ගය වැටි ඇත.
රත්තොට දේශයේ සිට කිලෝමීටර 5 ක් පමණ ගිය විට හමුවන්නේ බඹරකිරි ඇල්ලයි.
නකල්ස් රක්ෂිතයෙන් ගලා එන දිය උල්පත්වලින් බඹරකිරිඇල්ල පෝෂණය වන අතර තට්ටු තුනකින් කඩාවැටී අඹන් ගඟට එකතු වී අවසානයේ මහවැලි ගඟට එකතු වේ. මෙම දිය ඇල්ල කොටස් දෙකකින් යුක්ත වේ ඉහළිනි කුඩා බඹරකිරි ඇල්ල පහලින් මහා බඹරකිරි ඇල්ල පවතී.
රිවස්ටන් යන මාර්ගයේ කිතුල් ආශ්‍රිත නිෂ්පාදන ද පවතින අතර කිතුල් චොක්ලට්, කිතුල් යෝගට්, කිතුල් බීම රස විඳීමට හැකි ය.
රිවස්ටන් ගමනේදී රිවස්ටන් සුලං කපොල්ල දැක ගත හැකි අතර පැයට කිලෝමීටර් 7.1 පමණ වේගෙකින් හමා යන සුළං විද ගත හැකි ය. අවසානයේ රිවස්ටන් කුළුණට ළඟා විය හැකි අතර ලකේගල, මානිගල, පිටවල පතන, ඇටන්වල ගම්මානය වැනි අලංකාර දර්ශනයක් ද දැකගත හැකිය.