الي يشوف ماجد التويجري وبعض الاعلاميين يتاكد اكثر ان السنين الطويله في العمل ليس معناه التميز

صراحة المسيليم كبر في عيني لو كل واحد سوا زيه الاعلام بيحترم نفسه لكن لاحياة لمن تنادي من الطرفين

ماجد التويجري انت تقول انك اعلامي ولك 30 سنه و و و وذا اسلوبك بالحوار !!😂 الله المستعان بس

يا أستاذ ماجد اقسم بالله هذا ماهو اسلوب محاور او مذيع او حتى رجل يقابل رجل يحترم حضوره وتاريخه علما والله اني هلالي ياليت تقراء اراء الجميع

الصراحة اعجبني ياسر وبرد على خاطري ......لاتنسى ملعب الملز ياتويجري ويوم تقولي غصب الشباب يفوز ........ انا قدساوي ويازينك يا ياسر ❤

اذا كان ماجد التويجري يمثل الاعلام الرياضي فعلينا السلام ...المسيليم من عمالقة الحراسه السعوديه ولاعب خلوق جدا .....اتمني من الإعلاميين السعوديين ان يحترموا الضيف وان يفرقوا بين الحوار ....والتحقيق ....مع كل الشكر والتقدير والاحترام للحارس ياسر المسيليم

من حقه الكابتن ياسر يزعل هذا حوار يا ماجد مو تحقيق بعدين اي سؤال يجيب عليه ياسر الا تغلّطه وتشكك فيه !!!!

ما ألومه الصراحه اسلوب ماجد غير حضاري

اول مره اسمع مقابله للكابتن ياسر يسعد قلب من رباك محترم وراقي ويعرف متى ينسحب اذا كان الحوار بينجرف لمكان غير صحي

مع كامل التقدير اخوي ماجد ياسر محترم ولا يطلع مقابلات من حقنا تساله عن تاريخه عن اشياء ومواقف صارتله كلاعب وحارس هذا هو المفروض اما تبي تطلع بمحتوى يقلل منه الي تسويه غلط

المسيليم تاريخ وعملاق الله على أيامه تحياتي له وأحسن ماسويت والله موفق

كنت عارف انه في صدام من النوع هذا بيحصل في حلقه من الحلقات ، لان المذيع دايما يقول انه خبره ٣٠ سنه بس ما يعرف كيف يطرح السؤال ومسوي نفسه عفوي ، وياسر فهمها وانسحابه كان قرار سليم لان للمذيع مآرب اخرى

أقسم بالله قممه في الرجوله و الأدب يا ياسر المسيليم ❤.

‏اسئلة محقق مو محاور

₪₪₪ لا إله إلا الله وحده لا شريك له , له الملك وله الحمد وهو على كل شيء قدير₪₪₪ ₪₪₪ لا إله إلا أنت سبحانك إنا كنا من الظـالمين ₪₪₪ ₪₪₪ اللهم صل وسلم على نبينا محمد ﷺ ₪₪₪ ₪₪₪ نستغفر الله العظيم الذي لا إله إلا هو الحي القيوم ونتوب إليه ₪₪₪ ₪₪₪ اللهم ارحم موتانا وموتى المسلمين واشف مرضانا ومرضى المسلمين ₪₪₪ ₪₪₪ اللهم إنك عفو تحب العفو فاعف عنا وعن والدينا وعن المسلمين ₪₪₪ ₪₪₪ اللهم أعتق رقابنا ووالدينا وجميع المسلمين من النار ₪₪₪

مذيع من محو الاميه

طيب بالله ياماجد مافهمت للان؟ سو خير في الناس واترك المجال هذا والله اللي تسويه شي يفشل ومخجل وتستاهل انه يسحب عليك وعلى برنامجك مقاطعات وتحجير وسوء ادب مع الضيوف.. اما نقاش يليق بالمشاهدين والضيوف والا الاسلوب الطفولي هذا مرفوض

صراحه وبكل صدق اكثر اثنين من اللاعبين السابقين فيهم كميه ثقافه وناس تستمع لهم وتنصت اثنين الي هم اسامه هوساوي وياسر المسيليم لكن ماجد التويجري انسان مستفز والاسئله مستفزه وافضل شي سواه ياسر في ماجد عطاه درس ما ينساه بيض الله وجهك يابو عمار 👍👍👍👍

‏‎كن سبباً في كثرة الصلاة على النبي ﷺ

ياسر مسيليم لاعب كبير بالنادي الاهلي وحقق بطولات وانجازات ومثل المنتخب السعودي وقدم كل الي يقدر عليه مع ذلك يجيه واحد يسأله اسأله تافهه زي كذا قاعد يدور الزله عليه اسأله كلها غلط مافيه ولا سؤال زي الناس مو معقوله !

ماجد التويجري يصلح مراسل فجأة كذا شفناه ناقد ومقدم برامج حوارية المسيليم قال الأمور الإدارية مالي دخل فيها ولا هي شغلتي بس ماجد غصب يبي مادة وترند

اسلوب محقق ويوم قام راح يلحقه يتمسكن

تحقيق مو مقابله.. والله ي ماجد غريبه انك اعلامي قدير ولك سنينك من الخبره وباللقاء من اول دقيقه استفزازات واسلوب تحقيق..

مالقى غير القطيفي ذا يستضيفه 😂

كفو ابو عمار بيض الله وجهك رجل له كل الاحترام والتقدير من جمهور الاهلي و كل الرياضيين

سؤال عادي لكن المسيليم تحسس يوم قال التويجري جدتك تعرف كوره

كفوو يابو عمار عط الخريشه حجمه هذا فتان بين اللاعبيين وسالفة الهريفي وياسر القحطاني هو سببها

التويجري اي ضيف يجيبه لازم يساله عن الهلال ياليت تشوف مشاكل الانديه دام انك اعلامي رياضي ترا ماهو عيب تشوف المناطق اللي انديتها ماعندها ملاعب وتسوي حلقات وتسال ويش محتاجه الانديه هذي

ياخي اسلوبك خايس يا ماجد، شوف لك حل والا محد بيجيك

ضيع علينا نهائي ٢٠٠٧ كاس اسيا منتخبات

ياساتر يالأسئلة اقل شي احترم ضيفك ماهو تحرجه

اللاعب اذا مايقبل بحوار المذيع كان ماجاء من البدايه واحرج نفسه، المذيع واجبه يسأل. وانا من رأيي، ان التويجري ماغلط سأل اسألة الشارع فقط، لكن ربما كلمة (عقاري) بالبداية جعلت المسيليم يدخل اللقاء مشدود

الي يتفلسفون في التعليقات ، البرنامج نظامه كذا في الاسئلة الي ما يرضى لا يطلع من الأساس !

لا بُد من ماجد التويجري يحترم نفسه من ناحية مقاطعه و و و إلخ .. لازم يتعلّم كثير من ناحية اسئلته لا يحسب اننا بنقول جريء وهو لو يركز في نفسه بيلاحظ انه غبي و اسلوبه طفولي ، إحترم نفسك يا ماجد عشان الناس تحترمك و لا تكون مشفوح في طريقة كلامك و اسئلتك زي الأطفال و المقياس ما يقتصر على الحلقة ذي فقط .. كلامي على " أغلب الحلقات" .

ماجد من حقه يسأل واتوقع سؤال ماجد هوه سؤال الجمهور الاهلاوي والشارع الرياضي ومافي اي تقليل من ياسر وياسر من حقه يجاوب ليه الزعل مدري

نتمنى لك كل التوفيق يا ياسر المسيليم وتبقى في قلوبنا. وحبيبنا💚💚💚✅✅

يعني مسوي اكشن انت ووجهك يوم تنزله بعد الي صار ترا هطافه اسمها

اللهم صلي وسلم على نبينا محمد وعلى آله وصحبه أجمعين

ماجد يبغاه يقول الكلام اللي هو يبغاه ، و يغلط على الكيان و من فيه عشان يقول جبت شيء جديد.

مع اني اتحادي لكن المسيليم انسان محترم ولاعب له تاريخ المذيع ماعرف يدير الحلقه مقاطعات واساله ماله صلاح فتاريخ اللاعب وشطحات

طيب يا محترم ليه تنزل الحلقة

كفو ياسر هذا الاعلامي القنوات ماتحملوه وطاردينه وراح يسوي مقابلات في بيته ياصبر الارض بس 😂😂

ياسر لاعب خلوق ومحترم مع إني إتحادي صميم وكنت أتمنى أشوف ياسر في الإتحاد لأنو مؤدب ومحترم جدا والتويجري من أسوأ الإعلاميين أو المحسوبين عليهم وفاشل بجداره

المسيليم المفروض قبل يجي يكون عارف طبيعة المحاور ، وهذا اسلوب ماجد التويجري في ادارة الحوار مع الجميع .. فالانسحاب من نص الحلقة ما كان جيد.. واساساً انت عطيت ماجد اكثر من اللي يبغاه لما انسحبت .. لأن ماجد يدور الاثارة وحصلها بدليل انه بث الحلقة رغم انها ما كملت 10 دقايق

استغفرالله

بعض الإعلاميين فاهمين الإثارة غلط.

بيض الله وجهك يا ابو عمار الف الف شكر لك يا بطل

كارثه اذا كان المستضيف ثقافته اقل من الضيف بكثيييييير

افضل اعلامي اتابعه الخميسي حق روتانا برنامج وينك ادب ذوق حوار ويجيب المعلومات من الضيف بذكاء

المحاور جدا سيء وماعنده اسلوب ولا ذكاء وياسر ما ارتاح معاه ، شوفوا في لقاء اخر لياسر تكلم وعبر عن كل شيء لأنه اخذ راحته ، لكن مع ماجد التويجري ماقدر لأنه وقح

نصيحة لماجد التويجري تعلم من زميلك محمد الخميسي في برنامج وينك كيف يحترم الضيوف ويعطيهم على جوهم ويجيب لهم الاسئلة الي يرتاحون لها بعيدا عن الشوشرة والتنكيد ، سنوات الضيوف الماضية انتهت ولن تعود فلماذا تحاول تجدد جراحهم بذكر سلبياتهم والتنقيص منهم ؟!!

إذا كل شي زين ولا ودي احمل احد مسؤلية الهبوط ولا ابغى احد يزعل ليش اوافق اسوي لقاء ، الصراحة المفروض ما جد التويجري يزعل ويقوم مو العكس

تستاهل ماجاك. هذا اللي عرف لك. تقل ادبك مع الكثير وساكتين لك. لكن ابوعمار والله بالف رجل. وعطاك قدرك ورمى المايك عليك. وهالحين اشرب هواء. كفو يا ياسر يا مسليم.

مذيع يبي يسحب كلام مو عارف ياخي المذيع الناجح هو من يجعل الضيف يأتي و يتكلم لكل اريحية أمام الجمهور

طيب لو تكلم عن الادارة وقال عنها انه هي المتسبب الوحيد بهذه الاخفاقات بيتغير شي ياجماعه هو لاعب وليس صاحب قرار ابعدو عن اللاعبين هذه الأسأله ممكن تخصره كل تاريخه بالكامل

ماجد التويجي , يستفيد من اي ضيف باسألته الاستفزازه عشان يحاول يوصل و سبق سواها مع لاعيبة كثير حواراته بيزنطينه , يبغى الجواب اللي براسه او ما يناسبه طرح الضيف احترم ضيوفك و قدرهم قلهم قبل القاء راح نسال كذا و كذا لا تحط الضيف في وجه المدفع , انسان مو سوّي يحب ذاته , شكراً ياسر المسيليم وقفت هذا الانسان عند حده , بعيد عن الكورة هذا جاك ضيف قدره و احترمه ياابو 30 سنه فالاعلام ف النهاية انا اتحادي لاكن ما ارضى الاستنقاص

بالعقل هذا نقول مذيع ويبي ياخذ تصريحات من ياسر تطلع لأول مره وتحسب للمذيع لكن ياسر حس انه ممكن الحوار ياخذ منحنى اخر من التعمق بالأسئله وإعادة تكرار السؤال بصيغ مختلفه لإخراج مافي داخل ياسر لكن ياسر ماعجبته الطريقة هذي ياسر مايبي احد يمسك عليه ممسك او يمسك عليه كلمه تكون ضده

تسئله ليش الاهلي هبط وماعندهم نادي متكامل يلعب في اخر جده وشمال جده يروح لصاله رياضيه والنادي مافيه شيء بس بصم حضور والباص يدور الغلط هذا صعب يتبرر من رئيس نادي المفروض يخاطب اداراة الكره القدم يعطوه حل الاجانب كيف شعورهم وهم يتنقلون في زحمه جدة عشان يلقون صاله فاضيه او ملعب فاضي .....يبقى تاريخ الانديه اذا احد عبث فيه راح نسجل اسمه رئيس نادي فشل واستحق كلمه غير شكر... المفروض استقالت الاداره عشان مايصير موضوع الهبوط مبكرا..... كان بنوا لهم مبنى مؤقت جنبه ملعب مايصير لاعب مايلعب وتبيه من راسه يضع خطط كيف ادافع واهاجم مستحيل اي نادي صاعد يسوي كذا المفروض يكلمهم نبي لو شيء مؤقت عشان اللاعبين نفسيا وجسديا يرتاحون

سوا فيها المحقق الاعلامي

ماجد التويجري مايصلح الا مراسل يقابل اللاعبين بعد المباراه شاف نفسه اشتغل مع العجمه حسب انه اعلامي وهو ماعندك ماعند جدتي

المذيع نفس سوالف الاطفال انت احسن منه؟ انت كم ترتيبك ؟ مين احسن وهو احسن وحطيته دكه؟ ليش خايف ؟ الله يخلف عليكم اذا مذيعكم كذا 😂😂

نعم ماجد كان له هدف في توريط ياسر بتصريحات ضد نادي الاهلي لكن ياسر حس بذلك من البدايه وكان اذكى من ماجد

مستفز وما يخلي الواحد يكمل كلامه , ولما تكون الاجابة ماتعجبه يقاطعه بسؤال ثاني

المسليم غلطان هذا ماجد وهاذي خلاقينه من سنين وهذا اسلوبه اذا انت ماتتحمل يالمسليم لاتطلع باللقاء من الاول

لاعب معتزل خدم الاهلي سنوات عديده ويعرف اغلب خبايا النادي تمنيته يكون شجاع ويحط النقط على الحروف واغلب اجاباته دبلوماسيه والجمهور يريد يعرف بعض الحقائق اللي عاصرها ياسر واولها الهبوط الى يلو

اقسم بالله عمر الاعلام م يتطور عندنا دام الاشكال الي زي كذا موجوده

اسئلة ماجد طبيعيه غلطان ماجد يسوي حوار مع شخص ما يعرف يتكلم ولاكن فكر الضفادع غريب

مشكلته جبان قدام الاوروبيين شفت يوم غلط مع استراليا و جات سلامات ثم غلط مره ثانيه وسجلو قول هندي بنقالي اسود ما توقف رجليه اذا شاف اوروبي

المذيع لم يحترم المسيليم والمسيليم باين انه خايف يتكلم عن ادارة العار

صراحة الكابتن ياسر كان محترم لأبعد حد لكن فيه اشخاص فعلاً لو تحترمه يقل أدبه اكثر مثل هذا اللا إعلامي

تمنيت المصور ماطلع لقطت ماجد وهو يلاحق ياسر هذه يعني انه السبق الصحفي هو الشي الأهم

المسلمين رجل محترم ولايريد مهاترات مع أحد .

طيب سؤال ياسر ماشاف ولا حلقه من البرنامج قبل يوآفق معروف ماجد هذا اسلوبه مع كل ضيوفه

حتى صوته مزعج وكريه مو صوت تتحمل تسمعه برنامج كامل اشكر المسيليم انه حافظ على سمعنا وقطع المقابله .. انا بديت اكره الكره السعوديه بعد الاعلامي الفاشل ذا والهلال والتعصب الي في قطاع الرياضه

ياماجد التويجري اسرار هبوط الاهلي عندك شخصيا وانت شجاع وجرئ اعنا اياها انت في فديو

والله وبالله وتالله اغلب مقابلاته يذكر انا اعلامي 30 سنه . فرق بين اعلامي ومراسل

والله عيب على هذا المذيع اسلوب شوارعي .. هذا شخص معروف دخل المجال هذا فقط بالواسطه .. سقوووط حاد لهذا الشوارعي

البرنامج له ٤ سنين او اكثر معقولة ياسر ما شاف ولا حلقة ولا يعرف اسلوب ماجد اللي كان مراسل ٢٠ سنة

صراحة الميسليم اخذ الموضوع بجدية شوي .. كل الضيوف تحملوا ماجد وبعضهم طلع معه اكثر من مرة

ماجد التويجري ماينفع يقدم في اي برنامج انا مستغرب ايش البس الي لبسه بالله ذا شكل واحد يقدم على برنامج ماينفع مدري كيف خلوه يطلع كذا

اعلامي لابس زنوبه امام ضيفه 😂😂

مقااابلة لاترتقي للذووق ابد ولا للياقة الاعلامية مع الاسف مقدم استفزازي وغير لبق بالمرااا مع محاولة ياسر المسيليم انه يتجاوز ويمشي ويجاوب الا انه مستمرررر بالاستفزاز يعني انه قافط الحوار ومذيع ثعلب فيييي فرق بين المذيع الثعلب الذكي وفرق بين المذيه الي كذا الله يدفع البلا

أسلوب المذيع سئ جدا والمسيلم معه حق

ياسر طلعك على حقيقتك 😂

خالف تعرف مستر ماجد اسئلتك غثيثه او استهزاء بالضيف شكرا كبتن ياسر على سعة صدرك

اول مره اشوف مذيع يجبرك تجاوب زي م يبغى 😂

مذيع يفتقد لأساسيات الحوار ومستحيل يتطور

مسوي فيها مقدم برامج ومسوي فيها جريء ومايخاف ومايستحي ايش هالاسأله خلك محترم على الاقل انت وبدلتك هذي الرجال صار يصدك في كل سوال يغير الموضوع يضحك يحرجك مرات يبيك تفهم تحس لا انت متحمس زياده ماعندك اسلوب القاء ولا احترام ايش هذا

سبحان الله .. الله يصبر الميكرفون والمشاهدين والضيوف على بعض المذيعين الغثيثين

ماجد غير مؤهل للإعلام وبس هل أي طالب جامعي مؤهل للتدريس او أي لاعب كبير السن مؤهل لتدريب الفريق هكذا اذا

هههههههههههههههههههههههههههههههههههههههههههههههههههههههههههههه التويجري ماغير يعطيه في الوجه 😂😂😂

ماجد التويجري يوم حسن انها خربت عليها بغى يقول معك الكاميرا الخفية 😂😂😂😂

ياسر مايقدر يقول ان النفيعي هو السبب لانه يخاف من العقاب

الإعلام بشكل عام صار ينجرف ورا هذه الأسلوب ولا يراعي ان اللاعبين مايتحمل اكثر من هذه الضغط اقل شي سيوبه يعيش بشكل طبيعي بعد الاعتزال الكروي لانه الشي الوحيد المتبقي له بعد الاعتزال حب الجماهير يعني معقوله مايرتاحون الإعلاميين حتى يكرهون الجماهير اللاعب معقوله انعدم الإنسانيه الى هذه الدرجه معقوله الاعلامي مايألمه ضميره اذا خلا اللاعب يقول كلام يخصره كل شي

كفوووو والله يا ياسر المسيليم

للأمانة الأسلوب كانه تحقيق وتصيد اكثر من انه حوار اعلامي رياضي...

رد مناسب من ياسر كفو عليك

ليش يزعل المسيليم لأنه مايقدر يتكلم على فشل النفيعي والمحياني والله لاعب كبير وخدم الأهلي لكن الله يسامحه ويوفقه

من اول متفقين وعارفين ان ماجد أسئلته مثيره جداً واعتقد فيه اتفاق بين ماجد وياسر فلماذا الزعل فجأه فسرتها حاجتين لا ثالث لهما بدون ذكر

المقدم مسوي المحنك وما عنده اي اساسيات الاعلام والتقديم والتحاور من يوم كان في الملعب بثر على اللاعبين جا كملها هنا 🤮🤮