#BirBax #Azerbaycan #rozmarin
Son illər dərman bitkiləri kateqoriyasında məşhurlaşan rozmarin haqda danışacam bu gün. Rozmarini yeməklərə vuranlar, çay dəmləyib içənlər var. Mənsə bu gün bitkinin məhz yağından danışacam. Bu yağın faydaları nələrdir, ondan necə istifadə edə bilərsiniz? Videomuzda biləcəksiniz.
Rozmarin yağı alternativ təbabətdə müalicəvi vasitə kimi istifadə olunur. Lakin güclü təsirə sahib olduğu üçün rozmarin yağından istifadə edərkən diqqətli olmaq vacibdir.
Rozmarin yağı necə hazırlanır?
Hazırlanması son dərəcə asan olan rozmarin yağından bir çox sahədə istifadə edərək təbii həllər yarada bilərsiniz. Qurudulmuş rozmarin yarpaqlarını təmizlədikdən sonra qaba qoyun və üzərini örtəcək qədər zeytun yağı əlavə edin. Sonra təxminən iki həftə qaranlıq və isti bir mühitdə günəş işığından uzaq saxlanılır. Gözləmə müddətindən sonra yağ və rozmarin yarpaqları süzgəc vasitəsilə ayrılır. Nəticədə maye rozmarin yağıdır. Lakin siz özünüz hazırlamaq istəmirsinizsə, apteklərdə hazır vəziyyətdə satılır. Qiymətləri də münasibdir. 2-3 manatdan başlayır.
Rozmarin Yağının Faydaları Nələrdir?
Daimi istifadəsi sızanaq və ləkəli dəri üçün faydalıdır. Dəriyə masaj edərək tətbiq olunan rozmarin yağı ilə daha rahat, canlı və parlaq dəriyə sahib ola bilərsiniz. Sızanaq izləri və müntəzəm sızanaq əmələ gəlməsi ilə narahat olan insanların rozmarin yağından istifadə etməsi tövsiyə olunur. Çünki rozmarin yağı dəri ləkələri baxımından bütün yağlarla və qalıqlarla mübarizədə faydalıdır. Artıq çəkili insanların rozmarin yağı ilə masaj etdiyi bölgələr daha asan əriməyə başlayır.
Baş dərisinə masaj edilərək istifadə edilən rozmarin yağı, tərkibindəki vitamin və minerallarla saç tökülməsinin qarşısını alır və saçların yaranmasına kömək edir. Əslində bəzi mütəxəssislər yağın tərkibi güclü olduğu üçün onu birbaşa saç dərisinə vurmağı tövsiyə etmirlər. Mən isə saç dərimə kokos yağı ilə qarışdırıb çəkirəm. Masaj edib 2-3 saat saxladıqdan sonra yuyuram. Bu saç diblərinin möhhəmlənməsi, xüsusilə də saç uzatmaq üçün ideal vasitədir deyə bilərəm.
Bəlğəmgətirici təsirinə görə bronxit və sinüzitin müalicəsində istifadə oluna bilər. Xoş və dominant qoxusu və tənəffüs yollarını açan təsiri ilə rozmarin yağı insanlara sinüzitdən qurtulmağa kömək edir. Qoxusu siqaret çəkənlər tərəfindən çəkilərsə, zehni stimullaşdırır və siqaret çəkmək istəyini azaldır.
Ümumiyyətlə, rozmarin yağı arıqlamaq üçün məşhur üsullardan biridir, çünki arıqlama prosesini sürətləndirir. Qan dövranını artıran, maddələr mübadiləsini sürətləndirən və piyləri yandıran rozmarin yağının təsiri bədəndə yığılan piylərin asanlıqla çıxarılmasına kömək edir. Qan dövranını artıran təsirləri sayəsində masaj yolu ilə tətbiq olunarsa, selülit əmələ gəlməsinin qarşısını alır. Xüsusilə yağ yığılan nahiyələrə müntəzəm masaj etməklə rozmarin yağı ilə qarnı əritmək mümkündür. Üstəlik, tərkibindəki aktiv maddələrlə birləşdirici toxumaları gücləndirən və ölü dərinin aradan qaldırılmasını sürətləndirən rozmarin yağının yağ yandırıcı təsiri ilə adətən qarın nahiyəsində meydana gələn yağ yığılmasından xilas ola bilərsiniz. Bəzən omba və ayaq bölgəsi də qadınlarda problem yarada bilər. Bu zaman rozmarin yağı ilə ayaqlarınızı arıqlama prosedurlarına asanlıqla hazırlaya bilərsiniz. Ayaqlarınızı masaj edib bir müddət rozmarin yağı ilə yağladıqdan sonra streçlə sarılaraq qalın paltarlarla isidilən bölgənin təbii şəkildə əriməsi gözlənilir.
Dezinfeksiyaedici xüsusiyyətlərinə görə bir çox xəstəliklərə qarşı qalxan rolunu oynayır.
Rahatlaşdırıcı xüsusiyyətləri sayəsində oynaq və əzələ ağrılarını aradan qaldırır. Qocalıqla gələn bir çox xəstəliklərin dərmanı olmaqla yanaşı, revmatizm ağrılarına qarşı güclü dərmandır.
İnfeksiyanın qarşısını alır və qripdən qoruyur.
Bədəndə göbələk əmələ gəlməsinin və qaşınmanın qarşısını alır.
Ürək-damar sağlamlığı üçün faydalı bitkidir. Xərçəng əleyhinə bir bitkidir. Xüsusilə qaraciyər xəstələrinə tövsiyə edilən rozmarin qaraciyər fermentlərinin düzgün işləməsinə kömək edir.
Psixoloji depressiyaya düşənlər üçün biləyinə rozmarin yağı damlatmaq və iyləmək onların zehnini sakitləşdirir və rahatlıq verir.
Bu yağdan qida vasitəsi kimi qəbul edəcəsinizsə, evdə hazırladığınız zeytun yağını tövsiyyə edərdim. Apteklərdə satılan yağdansa siz dəri problemləri zamanı istofadə etsəniz daha yaxşı olar.