Рет қаралды 74
«Өрт - 2024» республикалық оқу - жаттығуы басталды. 15-16 мамыр аралығында барлық өңірде «Өрт-2024» республикалық командалық-штабтық оқу-жаттығуы өткізіледі. Бұл іс-шара табиғи өрттер туындаған кездегі іс-қимылдарға басқару органдарының, азаматтық қорғаудың аумақтық кіші жүйесінің күштері мен құралдарының дайындық деңгейін арттыру мақсатында ұйымдастырылды. Аталған шара Алматы облысы Талғар ауданында да өтті. Оқу-жаттығуға 16 бірлік техника мен 120 қызметкер қатысты. Сонымен қатар, ат патрулі болды. Шартты өртті сөндіру кезіндегі өзара іс-қимыл жоспарына сәйкес тау орманындағы өртті сөндіру бойынша алгоритмдер пысықталды. От тұзағында қалған адамды құтқару жұмыстары жүргізілді.