Рет қаралды 307
Hierdie naweek is dit maak of breek vir Evergreens, Progress en George in die SWD Premierliga. Elkeen van die spanne móét hul wedstryde wen om hul plek in die Top 8 te verseker. Voorspellings is volop, en die punteverskil kan 'n rol speel as daar 'n gelykopuitslag is. Met almal se rûe teen die muur, is enigiets moontlik, maar een ding is seker - harde rugby gaan gespeel word.
Die Curriebekerreeks skop ook die naweek af met die SWD Arende wat teen die Olifante te staan kom om 14:00 by Outeniquapark. Group Editors Live het gister die span se laaste oefensessie bygewoon en met Anton Leonard, die voormalige Arendespeler en oud-Springbok, gesels wat daar was om 'n hand by te sit met die voorbereiding terwyl hoofafrigter, Zane Kirchner, met die span op die veld besig was.