ინსტრუქტორი კახა ოსკანაშვილი- +995 568 65 70 60 ; მოკლე ინსტრუქცია: სააგენტოდან დაძვრისას მარცხენა ციმციმა, წრიულთან მარჯვენა. 40-ით დაღმართზე. ქვემოთ ჩასვლისას მარჯვენა ციმციმა და გადიხარ წითელი ხიდის გზატკეცილზე, სიჩქარე 60. ობელისკთან მარცხნივ თბილისის ქუჩაზე. ეს ყველა მარშრუტისთვის. ვარიანტები:
1.თბილისის ქუჩა, მალე მარცხნივ და მეგობრობაზე ხვდები და მერე ხიდზე
2. თბილისის ქუჩას ჩაივლი მთლიანად, მარცხნივ და ხიდზე გადადიხარ.
3. ხიდზე გადასვლისას გვაქვს 3 ლოკაცია-
1.პირდაპირ კოსტავაზე, მარცხნივ შუქნიშანთან და უკან ხიდზე,
2.ხიდიდან მარჯვნივ, მალე მარცხნივ და კოსტავა, უკან ხიდზე.
3. ხიდიდან მარჯვნივ ბოლომდე და დამატებით მაჩვენებელთან შევდივართ მარცხნივ სპორტის ქუჩაზე, მერიასთან, კოსტავაზე და ისევ ხიდზე
4. ხიდზე უკან გადმოვდივართ და მანდაც ორი განშტოებაა- 1. მარჯვნივ. 2. მარცხნივ, შემოვუვლით, მეორე ზოლს ვიკავებთ მემორიალთან და თბილისის ქუჩაზე გავდივართ. ერთმანეთს ემთხვევა მონაკვეთები;
უფრო ვრცლად: ლოკაცია 1. სააგენტო- წითელი ხიდის გზატკეცილი-მარცხნივ ობელისკთან თბილისის ქუჩაზე ჩასახვევი- მალე მარცხნივ თბილისის ქუჩიდან ფალიაშვილზე-ფალიაშვილიდან მარჯვნივ მეგობრობაზე- მეგობრობიდან ხიდზე- ხიდიდან პირდაპირ კოსტავაზე-კოსტავაზე შუქნიშნიდან მარცხნივ- ისევ მარცხნივ მეტალურგების ქუჩაზე- უკან ხიდზე, ხიდიდან მარჯვნივ-ამოდიხარ კარფურთან(იუსტიციასთან)-ფალიაშვილი- თბილისის ქუჩა-უერთდები წითელი ხიდის გზატკეცილს-ავტობანი-ავტობანზე ხიდზე ადიხარ და ბრუნდები ისევ სააგენტოში.
ლოკაცია 2. სააგენტო- წითელი ხიდის გზატკეცილი-მარცხნივ ობელისკთან თბილისის ქუჩაზე ჩასახვევი-გაივლი მთლიან თბილისის ქუჩას. ხიდზე გადადიხარ და მარჯვნივ ხიდიდან. მალევე მარცხნივ შედიხარ კოსტავაზე-კოსტავადან ხიდზე გადადიხარ დაბრუნებისას-ხიდიდან მარჯვნივ-ამოდიხარ კარფურთან(იუსტიციასთან)-ფალიაშვილი- თბილისის ქუჩა-უერთდები წითელი ხიდის გზატკეცილს-ავტობანი-ავტობანზე ხიდზე ადიხარ და ბრუნდები ისევ სააგენტოში.
ლოკაცია 3. უკან დაბრუნებისას თუ ხიდიდან მარცხნივ გეტყვის- წრიულთან, (ვარკეთილის მარშრუტკების გაჩერება რომ არის), ხიდზე გიკავია მარცხენა ზოლი, შემოუვლი მემორიალს და მარცხნივ შეხვალ და მთლიან თბილისის ქუჩას აივლი. უერთდები წითელი ხიდის გზატკეცილს-ავტობანი-ავტობანზე ხიდზე ადიხარ და ბრუნდები ისევ სააგენტოში.
ლოკაცია 4.სააგენტო- წითელი ხიდის გზატკეცილი-მარცხნივ ობელისკთან თბილისის ქუჩაზე ჩასახვევი-გაივლი მთლიან თბილისის ქუჩას. ხიდზე გადადიხარ და მარჯვნივ ხიდიდან.გასცდები სკოლას და შუქნიშანთან(დამატებითი სექცია რომ არის შუქნიშანზე, ისარი მარცხნივ), ეს ისარი უნდა იყოს მწვანე და შედიხარ პატარა ქუჩაზე(სპორტის ქუჩა) დათმობის ნიშანია პატარა ქუჩაზე, იხედები ყურადღებით და ისევ პატარა ქუჩაზე შედიხარ მარჯვენა ზოლში(მარცხენა საპირისპიროა და ჩაგჭრიან, არ შეხვიდე მარცხენაში). და მარჯვენა ზოლიდან უხვევ მარცხნივ მარჯვენა ზოლში. გადიხარ მერისათან. დააკვირდი მანქანა როგორ დგას სანამ მერიასთან შეუხვევ, მარჯვენა ზოლი გიკავია და ისე უხვევ მარცხნივ მერიასთან, მარჯვენა ზოლში. მერე ისევ მარცხენა ზოლი დაიკავე, სტოპთან გაჩერდი. შეუხვიე მარცხნივ მარჯვენა ზოლში და ისევ მარჯვნივ კოსტავაზე გახვალ. კოსტავადან ხიდზე და აქაც იგივეა, ხიდიდან გეტყვის ან მარჯვნივ ან მარცხნივ და მეორდება იგივე, რაც სხვა ლოკაციაზეა. 🥰
პ.ს. რაზე იჭრებიან ხშირად: 1. ზოლიდან ზოლში გადასვლისას, ვრთავთ ციმციმას, ვიყურებით სარკეში, თუ არავინ მოდის, გადავდივართ. თქვით ეს ხმამაღლა, რომ გამომცდელმა გაიგოს.
2. სიჩქარის კონტროლი. იდეალურია დაშვებულ სიჩქარეზე მინუს 10-ით სიარული. 100 მეტრზე ერთითაც რომ გადაჭარბებით იარო, გჭრიან.
3. აუცილებლად დაელოდეთ დათმობის ნიშანთან, არავითარ შემთხვევაში არ გახვიდე, სანამ ნაკადი არ დაიცლება. ამაზეც ჭრიან, გინდა ასწრებდე გასვლას, გაატარე და ისე შეუხვიე.
4. დისტანცია მოძრავ ნაკადში, არანაკლებ მნიშვნელოვანია დისტანცია მარჯვნივ დაპარკინგებულ მანქანებთან. ნახევარ მეტრზე ნაკლები არ უნდა იყოს.
5. ქვეითების გამო არასდროს ჩავჭრილვარ. ბევრი კი ამის გამო ჩაიჭრა. შორ მანძილზე იყურე, სადამდეც შეგიძლია თვალის გაწვდენა, აკონტროლე სიტუაცია და გინდაც ზებრა არ იყოს, შორიდანვე ცოტა დააგდე სიჩქარე, რომ სანამ მიხვალ, ქვეითი ან გადავიდეს ან გაქრეს:) თუ გზის პირას მოდიან, მაგალითად წითელი ხიდის გზატკეცილზე შემხვდენენ, მაშინ შეანელე და ისე გაუარე გვერდი.
6. დასაწყისში როცა სააგენტოდან გამოდიხარ და მარჯვნივ წითელი ხიდის გზატკეცილზე გახვალ, ჯობია მარჯვენა მხარე დაიკავო, რადგან მარცხნივ ჩასახვევია ჩვენ ლოკაციამდე სანამ მიხვალ, იქ მარცხნივ უხვევენ და რომ არ შეგიფერხდეს მოძრაობა ან სხვამ არ დაგაბრკოლოს, მარჯვენა ზოლში იდექი. როგორც კი გასცდები მაგ ჩასახვევს, შემდეგ იყურები მარცხენა სარკეში, რთავ მარცხენა ციმციმას და გადადიხარ მარცხენა ზოლში. მალე მარცხნივ როცა გეტყვი კომპი, ხედავ ობელისკს, ცოტა შეანაელე, რომ დაინახო სად არის მარცხნივ ჩასახვევი და წყვეტილ ზოლებთან გაჩერდი, დაელოდე თუ რამე საპირისპირო მოდის და მერე ჩაუხვიე.
7. უკან მომავალ გზაზე როდესაც მიდიხარ წითელი ხიდის გზატკეცილზე, სადღაც ვეჯინთან( სააგენტოს საპირისპირო მხარეს მარჯვნივ დიდი შენობაა) ანუ სააგენტოსთან ახლოში სანამ 90 იქნება სიჩქარე და ავტობანზე გახვალ, მანამდე პატარა მონაკვეთია და 50-ია შეზღუდვა. არ გადააჭარბოთ, ყურადღებით გაიარეთ ეგ მანძილი.
თუ რამე გამახსენდა, დავამატებ.