كل ماهو جديد بسنابي حياكم ‏alzlami_511

متعب بسم الله عليه عز الله شاعر فاخر

ملفي خبره ومتعب شباب وقوه وغزاره واتمنى متعب يستمر مع ملفي وحبيب فقط

ماقصروا الثنين لاكن ملفي شاعر بعيد عن العنصريه والمسفري مبدع الله ييسر أمره ويجعل حظه يباريه

هذا والله صمخ البيوت لا قالو صمخ ماشاء الله عليهم والله اني احبهم الثنين في الله لنهم رجال كفو وشعار حقيقين 👏🏻👏🏻👏🏻

متعب يبدع مع العمالقه نتمى يستمر في العب مع الكبار

ملفي شاعر عملاق وقوي ومن الطراز الاول وابياته قويه والمسفري شاعر مبدع وقادم بقووه للساحه شعر وقبول وجمهور الله يوفقه . لكن المحاوره الصوت غير واضح وبالصاله المحاوره من المفترض بانه لاتقام ويمتنعون الشعراء والصفوف عن اللعب بالصاله من وجهه نظري .

اشهد ان ملفي اعجوبه الشعر واقوى شاعر موجود بالساحه ولا يهون المبدع متعب المسفري

الشاعر الكبير ملفي المورقي شاعر كبير بما تعني الكلمة ولكن حظوظه مع الاعلام غير جيدة وكلامي ليس قصور في الشاعر الشاب متعب المسفري شاعر جيد وله حضور قوي وجمهور

متعب شاعر غزير وقوي وعنده حكم وامثله ولا شهدوا له الشعار من عبث وراجعوا شعر النظم عنده ومحبوب وطيب قلب

أشهد إنه الطاروق الكايف .... ما شاء الله تبارك الله على متعب يبدع مع الكباااار

ياسلام يابو وافي شاعر قوي وتركيبه قوي لله درك يا علم

الصوت غير واضح

الصوت غير واضح والله مادرينا ويش يقولون ياليتك ماعرضتها في القناه…!

مبدعين الثنين

متعب شاعر قادم بقوه وتنقصه خبره اما المورقي شاعر كبير وبحر ومدرسه يستفيد منها متعب اذا لعب معه

ملفي شاعر كبير وخرج اجيال وشعار اليوم كبار في المحاوره ومتعب شاعر فرض نفسه بجداره و يغرف من بحر

المسفري شاعر وله مستقبل ملفي يعجز الواحد يوصف ابداع ابو وافي.. تركيب البيت والصوت والمعنى. بالاضافه الى ثقته بنفسه في الملعبه... يضاف اليها خبرته في تاريخ القبايل والحروب.

ملفي المورقي : اللّيله المعنى بحَر وامواجِ وِاِرياحٍ جعوف لو كانِ ما قِدت السّفينه وِاغرِقوا رِكّابها لكنّ قلبي مِنتبه لَلّي حصل واسمَع واشوف قِدّام لا تجلا المصايب مِحتِرز لَ اسبابها متعب المسفري : اللّيله المعنى يا بن مزيد تحَت ظرف الظّروف لكنّ يا راعَ السّفينه لا تِعاقبنا بها لا تِحسِب اِنّك مالِكٍ بقعا مخضّبة الكفوف ترى القيامه فوقِ راسك دايرٍ دولابها ملفي المورقي : خلك على جنحانِ طاير بين امانُ وبين خوف مِن خوفِ لا تحصل امورٍ ما حسَبت اِحسابها حِشمة مِكثّرت العدَد جينا بحرفِ اِمنَ الحروف حرفٍ عِريضٍ خرّب الصّفحه على كِتّابها متعب المسفري : لولا القدر نقدر نِرِدّ الموتِ من حِدب السّيوف غير الامورِ اِمدبّره والنّارِ من شبّابها الناس تضحك للحياه وتلحق (اَرحالَ) الشّفوف ما تدري اِنّ الموت يجري في عروق اِرقابها ملفي المورقي : يا مِعجبَ النّاسَ الجلوسُ ومِطربَ النّاسَ الوقوف خلّ الفرس تلعب على رغبتكِ يا رَكّابها اِدلَه مع الايّام لا تِطرَ الخسوفُ ولا الكسوف وِساوِسَ الشّيطانِ حاربها وصِكّ ابوابها متعب المسفري : اِكرِب حزامك واحسِب حِسابك بلحّقكّ الكلُوف نِوَيت اَشِبّ النّار وَاعشّيكِ من مِشهابها انا عريب الجدّ يوم اِنّ الضّعافه لَلضّعوف غيّر لغتكَ اللّي من اللّيله تخاطبنا بها ملفي المورقي : يا صاحبي لَو بِه معازيبٍ يهينون الضّيوف اِنّي لا اخلّ النّارِ تِحرِق لِحيتِك واشنابها انته تعرّفنا بنفسِك كنّ منته بمعروف الهرجه اللّي جيت تقلِبها ويش اللّي جابها متعب المسفري : ما فيهِ غير الزين جهّز حربكُ ودِقّ الدّفوف وِاِعلَم رِدِي كبدك نبي نِرخي لها مِنسابها وش عاد اَسوّي مُورقيٍ ما (دَنَيتَه بمعَروف) لا جاتهَ الكلمه على الوجهَ الصّحيحَ اَغوى بها

الصوت ماهو بواضح

ملفي لايقارن بحر يتلاطم

الصراحة متعب متطور ومتجدد بشكل ملحوظ ماشاء الله اما ملفي اسطورة ومعروف ولاكن كون شاعر مبتدئ يقارع كبار الشعار بهاذا المستوى فليعلم الجميع ان متعب كارثة شعرية مقبلة مع الايام

ملفي المورقي شاعر قوي اذكر اني سولفت مع شاعر كبير قبل والله اعلم ١٤٢٦ في قمة حبيب وملفي وابن شايق الله يرحمه. قال لي ملفي اقوى بيوت من حبيب والشاعر معروف وشاعر معنى وانا اقول والله العالم ام اقوى من لعب متعب معه ذا الصيفيه ملفي ولكن والله ما قصر واعتبر المحاورة ذي افضل من السابقة مع ملفي

طارق ابداااع

كلهم مبدعين وملفي ذكرني ياابن شايق رحمة الله عليه

مافهم ايش يقولونا

ما نسمع ويش يقولون

متعب شاعر مبدع وهو محركاك ساحه المحاوره. وابو وافي ونعم

الله اكبر يابو وافي

الصوت مهوب واضح

ملفي ملفي ملفي ملفي يذكرك بالعصر الذهبي

المسفري شاعر شاعر شاعر،، لكن ياليت جمهور الدرباوية يبعدون عنه وياليته يترك تهزهزه،، عز ألله انه شاعر اقولها بثقة.

متعب مغير صياح جمهور كم سنه ويسحب جوالين

الله الله يابو وافي

أتعجب من بعض التعليقات يقول متعب تغلب على ملفي متعب ماهو شاعر علشان يتغلب على الاسطوره والله مايدري وين الشعر طقها والحقها الشعر في وادي وهو في وادي ورده كله خطأ وحتى رد عليه وعلمه لكن يتعلم مع الايام صح انه يتعلم ويبي دعم بس مو بالطريقه هذي

ملفي يصنف من الشعراء مثل مطلق الثبيتي والجبرتي طقم صافي ومعدن نفيس وبينه وبين متعب مسافات طويلات

استغفرالله استغفرالله

ادله مع الايام لاتطري الخسوف ولا الكسوف وساوس الشيطان حاربها وصك ابوابها

ابيات ملفي له اسبوع وهو يرمم ابياته ونقضها طير شلوى في دقايق حي ذالعين

للاسف متعب لم يوفق في معرفته معنى المورقي والدليل قول ملفي انته تعرفنا بنفسك كن ماانته بمعروف يقصد لم يكن معناي فيما تقوله انت يامتعب

الابيات غير واضحه

متعب جاء بعدهم وسبقهم ماشاءالله علية شاعر جزل ولن تنجب الساحة الشعرية شاعر مثله حتى الان سير يا ولد قحطان وعين الله معاك. اتعبتهم معك يا متعب

((( على جنحان طاير ))) قالها سفر لمتعب وقالها ملفي لمتعب ؟؟؟!!! والمعنى معروف لكن السؤال كلا الشاعرين كرروها في نفس الأيام هل هذي صدفه أم فيه أمور أخرى !!!!

لا عاد تقطع المقطع بعد الشاعر ع طول

فيه محاوره اللغيت ملفي ومتعب

متعب يبيله مترجم

جاهزين اول مايلعب شاعرهم مع متعب حسابات مؤدلجه تمدح شاعرهم بأنه هو الوحيد فالكون وهو الي الذي أوتي الشعر لوحده نفس الكلام إذا لعب حبيب ولا ملفي ولا العمى ولا بن طمحي. على العموم شعارهم الكبار لما يلعبون مع متعب يحضرون جميع هواجيسهم وتركيزهم اقسم بالله ان متعب اول مقابل ملفي وزهمه متعب أن الي يتابع أن يحسب ان متعب له عشرين سنه فالمحاوره وإن ملفي له شهر في البدايه من كثر ماكان ملفي شاد حيله ؟!! بس المخرج يقول لازم تقولون شعارنا هم الي كسبوا المحاوره ترى الجمهور مايعرفون هههههههههه ؟؟؟؟؟

الصوت عدم

متعب مغير السيف وحدب السيوف بيت يكرره في كل محاورة لامعنى ولاشي

متعب شاعر عادي جدا لكن هياط قحطان واصل السما