سلام امولة حبيت تهدريلنا على مرأة كيفاش نتخلص من القلق الدائم وكيفاش ترضا بواش عندها وكيفاش تخلق السعادة في دارها

انا العكس نسبق في الفطور اطيب وندور ل الدار كطيب الفطور نرتاح وتان الدراري اخرجوا ع 11 أصيبوا الغذاء واجد

ياريت امال ديريلنا قناة مخصصة للهمسات الزوجية وتربية الاطفال ولا ليبودكاست 🥰يا اختي كلامك ما يتنشباعش و يلامس القلب ربي يجازييك❤️😘

سلام أمولي أختي الله يحفضك يلي عندك حل لدال دوسول لي غي تسيقي يبقي يبانو ليطراس ره مهبلني والله يلي كرهت أنا درته لون مابلي أنا ختريتو وندمت طلعو تعليقي الله يفرحكم

بصح ياختي ادا انت خدام وتتعبي وهو مايقدرش هذا الشيء ويطالب بحقوقه الشرعية دون مراعاة التعب او المرض والا يداوسو ويشنف وما يهدرش معاك هادا كيفاش رايحة تتعاملي معاه

يعطيك الصحة امال❤ صح انا راجلي كان مقلق قراف من اتفه الأسباب يدير مندبة لكن صبرت وتحملت لسنوات دوك الحمدلله نقصت العصبية نتاعو كيما يقولو عيا وحط السلاح بسكو صابها متخرجش عليه

الفيديو تاع المرة ليفاتت خلاني نخمم مليح و نعيد حساباتي فالتربية و بعتها لخالتي محتاجاتو من الجانب المادي و فتح مشروع كتريلنا منهم امال و على المراة العاملة متنسايناش

آمال تعيشي حبيت نسقسيك ... راجلي ما يحبش يخرجني واش نقدر ندير فالدار باه نسي روحي باسكو عندي طبيعة ماشي مليحة كي يضيق خاطري نولي ما ناكل ما نخدم شغلي ماندير والو و دموعي في شط عيني ... تعيشي ريبوندي عليا راني مخنوقة

امال تعيشي ديريلنا همسة علي الخوف من السياقة والخوف من التغيير في الحياة يعني نوالفو الروتين ونخافو من التغيير من فضلك ❤❤❤❤

ختي امال درينا همسة على تربية الذكور ولي بداو في سن المراهقة😊

علي سلامة❤ اختي امال من فضلك نفضل الاخوات ❤ادعوا معايا ربي بنجاح بنتي في شهادات الباك و شهادات البيام ويوفقك وينجح وليدات المسلمين ❤أمين يارب امال احبك في لله❤

ياأختي جام ق قبل مانشوف لافيدبو أمال أدعيلي راني بالحمل والحمل تاعي راه ضعيف تعيشو لبنات أدعيولي ♥️🌹♥️

امال من فضلك عندي طلب .اعتبريه اقتراح لازم عليك تقراي علم النفس وجيبي فيه دكتورا وشفوك في التلفزة وديري حصص عندك الله يبارك حضور اخلاق التربية إنسانة واعية لازم تروحي بعيد

سلام امال ختي راني في ضيق نتمنى تدعو لخويا هداية نتمنى نتواصل معاك للنصحية

أمال جات لفطيرة هايلة ماشاء الله أنا دايمن جيني يابسة حطينا الوصفه

يعطيك الصحة امال كي نسمعك طلعيلي مورال تعيشي ديرنا موضوع على الراجل ليضرب مرتو ومنبعد يطلب سماح ويعود نفس غلطة هدرنا وحكينا بلا جدوى عيت حبيت نطلق

لالا طولي قد ماتقدري ❤ اهدري نحب صوتك انا يا نسمع قرأن وانا نخدم في شغلي يا نسمع امولة ❤ ربي يحفظك وكثرينا همسات تنظيم الوقت .التربية والإجابية ❤❤❤❤ شكرا

كاين رجال يا امال روسهم خشان واش ديري معاهم والو الله المستعان فقط نصف نساء راهم صابرين فقط الحمد لله ولينا نسخفو على كل شي كاين لي كتوم ميعبرش على مشاهرو ميهدرش كلمة حلوة وهذا كيفاه تتعاملي معاه اعطينا حل

امال كنت انتبعك عندي سنوات والله مندمت انت معدنك ذهب متتبدلي ماتتحولي انت طبيب نفسي وروحي كلش أختك في الله سطايفية مرت من هنا

من فضلك ديريلنا موضوع على كيفية اختيار المدرسة المناسبة للأبناء بما أنو عندك تجربة نتمنى تفيديني راني حايرة ومشكورة مسبقا😍😍😍😍😍😍😍

نفس عقليتي نحب نفرز الدار كاملة ونبدل اولادي وندخل الكوزينة .بصح ربي يعين المرأة المسؤولية بزاف مع لقراية تاع لولاد

امال حنونة ما تنسايش فيديو على الريجيم تعيشي والله غير راني حابة نشوف روتينك علاخطرش راني مع الريجيم

حمبوك امال احكيلنا عل التربية وكيفاش تحافظي على نضام الدار انا راني حامل وعندي طفل داري راهي كارثة والله تأزمت نفسيتي

ما شاء الله عليك أمولة ، كثريلنا من الهمسات الزوجية خاصة للعرايس الجدد ،راني نستفاد بزاااف من عندك ربي يجازيك كل خير

امال يا ريت تحكي على الراجل بارد المشاعر المهمل لك عاطفيالانو شبع بنات وقفل الطابلو ببنت فاميليا نتمنى تحكي عليه بجاه ربي ماتنساينيش

آمال ختي علابالك وليت نهدر عليك مع ماما مع مرت لوسي و نتباعتو فديوهاتك والله نتي تستاهلي إسم يوتوبر و مؤثرة ربي يجازيك

اختي امال بارك الله فيك من فضلك بحكم تجربتك في العاصمة وش هي الدوائر المليحة من ناحية الأمن والأمان والتربية لأننا حابين نتحولو هناك بارك الله فيك

امال على وجه ربي حطينا برنامج نظامك في الرجيم

اموووولة ❤ ربي يحفظك ديري لنا فيديو فيه نصائح للحامل فالشهور الأولى سيرتو انو سابق لي اجهضت يولي عندك خوف حتى من الوقفة والمشي المهم نصائح للمحافظة على الحمل

امال حبيت نقصدك دبري عليا حبيت نخدم من المنزل mais معرفتش وين نبدا و راني محتاجة هد لخدمة ليا انا وش تقدري تنصحيني متتبعة وفية وراني قدك في لعمر مواليد89 وعندي طفل وطفلة كد ولادك 7و5سنين وراني بالحمل 6 اشهر نحسك صحبتي ونتونس بيك مدا بيا تعطيني رايك ❤❤❤

يا امال يا حنونة غيرتني لكسرة نتاعك حطيلي لمقادير انا هكذا نحبها

امال راجلي راح يهبلني والله انسان اتكالي بكل ما تعنيه الكلمة شوفي حابة نحكي معاك تنصحيني على خاطر هنا كون نحكي راح يعرفوني الي يتبعوك انا وش كون من أصدقاء ولا لافامي صحباتي وفاميلتي كل يتبعوك مليحة ليك ومش مليحة ليا كون نحب نحكي وين نقدر نحكي براحتي والله معلبالي حابة نصيحة من وحدة ماما انفعالية والله متعرف تنصح رغم أنها كبيرة وكون نتبعها بطريقتها الي تقولي عليها نعيا مطلقة

انا حياتي خلاص تحطمت عييت مانسقم فيه واللهي غلبت مالقيتش الحل غير يدخل الزوج للدار يخلق مشاكل من الباب مانقدر نحكي معاه ماعندو اسلوب التحاور درت الحلول كامل وفشلت في حياتي سلمت امري لربي اراني عايشة معاه على خاطر ولادي فقط ادعولي ربي يهديه

الي تشوف تعليقي تدعيلي بالذرية الصالحة دعاء 40 غريب مستجابة

امال تعيشي ديريني 😢اختك وادعيلي بدريه راني نفوت علا مرحله صععععععععيييييبه

آمال والله رانا في كآبة كبيرة في واش صرا في مدينتي الحبيبة فوكة حنا متقسناش مي كاين راهم برا راهم في حالة ربي يفرج عليهم نحتلي على قلبي حبيبتي مريومة 😢😢😢🥺🥺🥺😔😔😔😔😔😔😔👍

امال انا من المتتبعات تاوعك ونحبك ديري لنا موضوع عن كيفيه العيش بقناعه يعني يعني نتعلم نعيش بوش عندنا ونخلق السعاده لانفسنا

يعطيك الصحة اختي من فضلك اختي ادعيلي ربي يرزقني بسكن عاجلا غير اجلا اللهم امين يارب العالمين 😢😢😢😢😢😢😢

امال ختي عجبني الورد لي علقتيه فوق البونك تاعك روعة

حاجة مااتيراتني فهاذ الفيديو قد الكسرة ك جاتك مدوووووورة ههههه الله يبارك اطيني لاغوسات إذا حبيتي❤️

همسة قصيرة بصح مفيدة نتمنى دائما تكون همسات في الفيديو و شاركينا دائما لباسك في المنزل باش ناخذو أفكار كيف نكونو انيقات

سلام حبيبتي امال ربي يقدرك ويحفضلك والديك وزوجك واولادك وياختي هدو اليامات كتر الخدع بزاف و الحاجة لي راهي خالعتني نسا متزوجات يخدعو رجالهم.انا انسانة مومنة ونخاف ربي ومالقيت واش ندير راجلي دارت بيه شيخة متزوجة كانت تقري وليدي وهو bien sûr يكدبك .لقيتها باعثتلو مساج وكي تاكدت لقيتها هي .ياخياتي قولولي وشنو الحل البروبلام متزوجة وراني حابة نرسل لراجلها ونكشفها وراني خايفة من ربي .جاوبوني وكترو لي جام باه اخت امال تشوف ودير همسة على هدو المواضيع😢

ادعيولي يصلح الله لحوالي أنا وزوجي دعوة اربعين مستجابة إنشاء الله

انت كيم انا كسرة ومطلوع هما لي هردوني ههه سمنت منهم ضك راني نحاول نقص قدر المستطاع حليب بلا سكر ماء بكثرة راني بشوي

انا العكس كنت نشرب لقهوة وحبستها ولات تطلعي لطونسوا منها ودقات القلب زادت وليت نشرب لحليب الصباح ربي يسترنا ويشفينا

سلام حبيبتي شوفي صوتك حبيبتي حنين نسمعك ساعه بلا ملل تبارك الله عليك

مشكورة جدا عزيزتي امال كثرينا من الهمسات مشكورة مأجورة

ماشاء الله عليك هدرتك نحطها على جرح تبرأ انا ام ايوب من جزائر شحال تعجبيني وتعطيني طاقة إيجابية ربي يحفظك

بارك الله فيك امال والله انتي الوحيدة لي نتبعك فاليوتوب نصايحك قمة كثريلنا تعيشي من الروتينات وكيفاه نكون ايجابية مع تربية الاولاد صغار

عندك حق امال انا نفس تخمام ذمل شغلي بش ندخل كوزينة تدينا بزاف الوقت

سلام اختي امال شحال،نحبك وتعجبني،هدرتك، ،كثري،من،الهمسات،زوجية،وزج،العصابي،ليحب،غير،روحو،كيفاش،نتعامل معه،ولام،العصبية،ربي،يكثر،من امثلك انشالله

انا حاباتك تهدريلنا شوي على العناية بالنباتات تعيشي

غير فتحت اليوتيوب مع الصباح وانا نفطر لقيت الفيديو تاعك والله فرحت ،انت تطلعي لمورال صح ،والفيديو لي فات اثر فيا بزاف و قررت اني مانزيدش نضرب ولادي ادعيلي اختي آمال ربي يثبتني.وشكرا.

انا غير نكون عندي طفل رضيع نودر دنيا كامل بلأخص رضاعة الليلة كم أتمنى ليلة نوم هادئة الحمد لله على نعمه واعوذه من سخطه

الله يخليك يا ختى درلي طريقة تاع كسرة بالتفصيل نتشهاها ومتخرجريس كما انت رب يحفضلك لوليدات

ربي يحفظك كي نسمع الصوت ديالك سبحان الله نحس بطاقة سرتو الضحك فيها سر نحس دنيا هيلا متغيبيش علينا ديري في بالك بلي كاين ناس راح تنقضيها تفطنيها راكي راح تربحي اجر ربي يوفقك مشاء الله سرتو همسات رتينات ربي يحفظلك وليداتك نحبك

عندك حق فالشي لي قلتيه ديما كي نسمعلك تعجبني هدرتك انشالله نكون اجابية كثرمن هك نشتيك بزاف 😊😊متتبعة وفية من ولاية قالمه

صباح النور امول ،انا كل ما نشعل الهاتف نروه مباشرة إلى فديو جديد تاعك و راني نكتبلك و نسمعلك ربي يحفظك

سلام حبيبتي أنا هي المتتبعة لي تلاقيت بيك في الكارفور كنت مع آدم وايات وأنا كنت مع ولادي حبيت نقولك بليك امال تاع الحقيقة لي شفتها هي نفسها امال تاع الفيديو دون تصنع دون تكلف وحنا هكدا حبيناك بالبساطة ديالك #أحبك_في_الله.

غير شفت اشعار امال الجزائرية كملت اموري وخرجت ولادي مع باباهم وطيبت قهوة وڨعدت لازم تركيز ☺️☺️☺️ فيديواتك ولاولي ادماااااان

لي طاحت عينها على تعليقي و فرحتني بابوني روحي ربي يرزقك المال و البنون و الصحة و الهنا و كل ما تتمناي و ربي يفتح عليك جميع ابواب الخير و العطاء و البركة 🤲🏻❣️🤲🏻😥😢😢

الله ابارك عليك ما شاء الله دائما متالقة رنا مع الضغط تع الامتحانات ربي انجح كل التلاميذ راني حاسة روحي رح نهبل يا اختي لعزيزة

يعطيك صحتك .درينا مواضيع على تربية اطفال خاصة تع عام .خاصة لي تعيش مع اهل زوج .وجزاك لله كل خير

يعطيك الف عافيه ❤كون غير شاركتينا فالورد تاعك كفاش تكثري منو لاني منعرفلوش مليح ...هاذاك وقيلا لواي الى منيش غالطه

يا امال انا ساكتة بصح هو لي يبلبل يهدر غي سوجيات نساء ويثرثر بلبزاف واللله مايسكت خلاص

كل عام ونتي بخير امال بمناسبة عيد المراء اخر احد من شهر ماي ...امهات لي معانا دير جام عل عام ونتوما بخير

امال ديرينا موضوع على كفاش تتعاملي ومع نسا لواسات كيكونو ساكنين معاك ومع الناس لتخسدك وتعيشلك حياتك

امال ختي قوليلنا على الرجل الي فمو خطيه اطيش برك ويهدر كلام كي سم في قلب كيفية التعامل معه رغم كل المحاولات باءت بالفشل

والله يا اختي كلامك يعجبني وخليني دايما نخمم مليح في المواضيع مع الزوج والأولاد ربي يفرحك ادعيلي ربي يفرج عليا 😊❤❤

من فضلك اختي رجاء تطرق للموضوع الرجل مهمل ويتقن النقد فقط

امال بصمتك تبقى في الرأس وتدخل للقلب ديراكت كثري من الروتينات والهمسات

ربي يحفظك امال روتين شباب. من فضلك قوليلي لقجارات تع الكوزينه شحال القياسات تاعهم طول والارتفاع يهمني الامر جزاك الله خيرا

أمولة انا متابعة وفية وقديمة ياريت تحكي لنا على ا الكتب اللي اثرو فيك

سلام حبيبتي ديرنا كيفاش تغرسي نبات الله يبارك عجبتني حديقة تعك

يعطيك الصحه والله رانا نستافدوا من عندك بزاف كثريلنا من همسات وخاصة في تربية

جا الفيديو في الوقت....ربي يجازيك كل الخير

مساء الخير حبيبتى اشكون كيفية انا نختلف معاك امولة نظن اول حاجة نبداو بيها لفطور من بعد ندورو على الدار كامل وهكيك نطيحو كيف كيف 😅😅😅😅😅

والله من عيا من الهدرة تاعك تونسيني في كوزينيتي تمدي طاقة إيجابية والله ❤❤❤

لا تخلو الحياة من المنغسات فقط علينا أن نرضي بالموجود ونسعي الي ماهو احسن الي ان نصل إلي المطلوب بإذن الله وقبل كل هذا علينا نتمني الصحة والعافية هذا كل شىء....

سلام آمال شكرا على كل شيء وفي ميزان حسناتك عندي طلب ممكن درينا روتين على رحيم لي راكي معتمداتو انا فاني راني رحيم وحبا ندي افكار من عندك متتبعة وفية ليك

ماشاء الله عليك ربي يباركلك في صحتك وربي يعطيك ماتتمناي الصراحة انتي الوحيدة الي تحفزيني ونوض لداري

بصحتك الأسبيراتور كي جاك كادو.انا رحلت واحد ماجابلي كادو واااالو أبسط حاجة وماكانش .ومانكذبش عليك غاضتني بزاااف

وأنا قالمية بالمناسبة😃

حبيتك تنصحيني بنتي في عمرها 4سنوات وراجلي يحوسني نزيد نجيب ولاد وانا خايفة خصوصا مع مرضي وخائفة من مسؤوليات تكثر عليا انصحيني تعيشي حبيبتي ❤وبالتوفيق

السلام عليكم امال بارك الله فيك على الفيديو و الهمسة دايما في القمة من فضلك ورينا الاعتناء بالجنان

أنا امال مدايرا صيام متقطع ومتحرميش روحك بزااااف

امولة شكرا على الهمسات خاصة همسة العصبية نتفرج ونعاود.لخطر فيا تصرفات نجاهد روحي باش نوقفها.وهذا الفيديو إن شاء الله يكون صدقة جارية لك

زوجي عصبي بالاشارة الأخت الامال تعيشي موضوع هدا ديرهونا

كوزينتكم البنفسجية هاي قلوس ههههه باش تعرفي بلي انا محاربة قديمة معاك

أواه أمولة انتي طبيبة نفسية بامتياز والله غير تأثري بامتياز بطريقة إيجابية يعطيك الصحة

امال اطلب من مشاركات يدعولي ربي يرزقني بدار

كانت تقريني قيزيك في مدرسة كاتب ياسين أستاذة رائعة❤

سلام عليكم اخواتي لفاتت عليها ازمة بواسير وتشافات مع فيسير انال تنصحني او بطبيب مليح خلاص نفذ صبري واولادي صغار بجاه النبي صلى الله عليه وسلم

أمال هذي الكلمة تع ركزي على الواجبات...حسيت ربي بعتك تقوليهالي تبدلت حياتي كلياً مع زوجي...بعد ما كنا كوبل مثالي وليت نحس بلي أفلتت كل حياتي من ايديا راح نحاول نطبقها ❤ شكرا

اختي امال الله يعطيك الخير الكسرة الشهى درهما الوصفة أنا درها لكن عجبتني بزاف الله يبارك أم عبدالله سلام

امولة والله متونسا بيك فالغربة مطوليش علينا ❤❤❤

انا شفت الفيديو تاعك تاع ورق تغليف الزجاج وكمونديت منو بصح والله خسارة لقيتو في بلاصة اخرى 50الف وهوما حاسبينو 175الف كارثة تريبل خسارة خسارة

امال الجزائرية انت تنطبق عليك مؤثرة بمعنى الكلمة فيديوهاتك رائعة وهمساتك اروع تتحط على الجرح يبرى ونستفادو من اقوالك وكانك طبيبة نفسية الف شكر حبيبتي واصلي وربي يسترك ويحفظلك ماتسعاي نموت عليك 🥰

امال علاه نحيتي لحليب كاين حليب بدون دسم انا بالنسبة ليا مستحيل نستغنى عليه لوكان مانشربوش تحكمني الشقيقة مانقدرش

ادعيلي امولة بالذرية الصالحة