والله ما نقدر نخليهم عند يما ساعة واحدة ،ما نقدرش تغيضني يما كبرتني وقراتني وزوجتني باش نديلها ولادي،أنا دايما نفكر كيفاش نرجعلها خيرها

من اجل اولادي توقفت عن العمل و استثمرت فيهم النجاح و الحمد لله

الأمهات ميحبوش يشدو ولادكم و يعياو منهم ..برك ميصرحوش بهد الشي ...تقول محتم نعاون بنتي ..مي في قرارة نفسها رافضة .

لي قالت أفضل مكان و أأمن مكان تترك فيه أولادك هي الأم ..يعني أمك كبرتك و رباتك و زوجتك باش تعاود تربي ولادك وهي في سن كبيرة و جسمها اصبح تعب و ضعيف تزيديلها هم ولادك.. 🙂‍↕️🙂‍↕️...خاصة أطفال هذا الجيل 🤨😖

انا عن نفسي راني قاعدة في الدار نربي ولادي ونتحمل مسؤليتهم مهما كانت الضروف مستحيل نتعب اي انسان معايا

أنا كي نشوف هاذ الجانب نحمد ربي كي ما نخدمش 🤷🏼‍♀️مساكن دراري يغيضو اللي امهاتهم يخدمو😢

لحقنا الى زمن : أن تلد الأمة ربتها !!! أتعبن امهاتهن في صغرهن و في كبرهن .

عجبتني الطفلة اللي قالت تربيهم هي وتعطيهم الحنانة

عجبتني ليقالت مع مارت عمهم وتحبهم كانت المحبة

الام تحكم ولاد بنتها وتشجع بنتها على الخدمة وممكن تخلي نسيبها يسكن عندها .ولكن زوجة ابنها ماتحباش تدور في ساحتها لاهي لا اولادها. تقلبت الحالة

المكان الآمن لأي طفل هي أمه و ليس وضعه عند الجيران و المربيات و الحضانات ، و الله حتى إحساس الأمومة يخف بين الأم و الطفل لما تكون عاملة و لا تلتقي به سوى مساءا بعد عودتها من العمل . العمل الذي يحرم الأم من العناية بفلذة كبدها و عيش كل لحظة مع إبنها و أول كلماته و أو خطواته و أول الحروف التي يكتبها و أول الآيات القرآنية التي يحفظها .... و عيش برائته و أسئلته الطريفة .... ليس بعمل و لا توجد أي أجرة مهما كانت تعادل عيش تلك اللحظات . مع العلم أغلب من يرمون أولادهم في صغرهم عند المربيات و الحضانات و غيرها ،عند كبرهم يقوم الأولاد برميهم في دور العجزة حيث أن ذلك الترابط العاطفي بين الأبناء و الأم خاصة في فترة صغرهم ضعيف أو حتى غير موجود ، و بعض الأمهات تظن أن ذلك يمكن تعويضه بمنح المال للطفل إلا أن الطفل في تلك المرحلة يحتاج الرعاية و العناية المعنوية أكثر من أي شيء آخر مادي .

ربي قال وقروا في بيوتكن .نساء، اولوية عندهم العمل نتج عنه جيل فاسد قليل التربية

ربي لا تذرني فردا وأنت خير الوارثين 🤲🤲🤲🤲

انا نقول لبنات يقعدو هما يربو الاطفالهم ويشبعو منهم

ولله عجيب تخلو ولادكم عند ناس وتهملو اقعدي فدار و ربي ولادك انتي احسن من أهلك واحن من داويك اتقوا لله تخافوا الفقر و الا تخافوا إهمال اسرة😢😮

الناس ألي راها تشرك في فمها وتقول احكمو دياركم كي تروحو تولدو متحوسوش على النسا يولودكم وكي تحوسو على الحلاقات روحو لرجال وكي يقراو بناتكم نشوفو الا تقعدو بناتكم فالدار المهم كاين النسا قاعدين فالدار والله مايشوفو والا يهدرو مع ولادهم بالعكس تضلي شادة ذاك التيليفون تمنشر بالناس وتلقى مرا خادمة منظمة روحها ووقتها وعايشة مع ولادها وعطيتهم وقتهم

قال عمر بن الخطاب رضي الله عنه نحن قوم أعزنا الله بالاسلام فإن ابتغينا العزة بغيره اذلنا الله

لبنات نتع هذا الوقت ما خموش في امهاتهم يخمو في راجل بش ما يخلهمش

ان تلد الام ربتها ..من علامات أشراط الساعة نتي روحي تحوسي وياك تربيلك ولادك.

سبحان الله حين تري و تسمع تلاهف النساء علي العمل بدون موجب ،تظن أنهم لا يجدون ما يؤكل بينما تراهم في الأسواق و المتاجر يشترون أمور تافهة اشرف و أقدس مكان للمرأة بيتها و هي أقرب ماتكون لربها و حينها تقوم بأقدس عمل في بيتها هي المعلمة و الشرطي ووو و رأيت بامي عيني و عاشرت من كان مبتلي بالخذرات فإنه كانت له كالطبيب و من كانت له قدرات محدودة في القراءة فاطمه كانت معلمة

والله بزاف على الوالدين مساكن رباو ولادهم ويزيدوا ولاد ولادهم والله يعياو وربما مايحبوش يكسروا خاطر اولادهم انا بالنسبة لي كل واحدة حبت تخدم تدبر راسها

نخليهم عند يما ...يسمى العقوق الصامت

في 2003 توفيت اختي في زلزال نتع رعاية وتركيت ابنها في عمر ثمانية سنين ما شبعتوش

اليس هدا تمرد المراة شجعو المراة حتى تمردت تحصدو ما زرعتم

انا مانشد ش اي حفيد عندي مانقدرش نفضل كي يجيو لعندي نلعب معاهم كاني طفله ومااسعد هذه الاوقات❤😂

وما نراه من فساد للأخلاق في الشارع الا من خروج المرأة للعمل ومزاحمة الرجل وترك دورها الذي حباه الله بها.

خراب البيوت خروج المراة للاسترزاق

افضل حل و اتحدث عن خبرة امرأة كانت عاملة .أنك تتركي وظيفتك و تربي أبنائك لأنه هذا الأمر ستسألين عليه يوم القيامة و الزوج يتكفل بالبيت و لو دخل قليل ....التربية صعبة و يجب مراعاة هذا الجيل في ظل الموجة التهويد التي نراها حاليا خصوصا في مواقع التواصل .

اسوء القرون منذ ان خلق الله الدنيا هو قرن خروج النساء للعمل .فتحت علينا الدنيا فتنافسناهاكما تنافسها من قبلنا فتهلكنا كما اهلكتهم.

منخلى حتى عند واحد امى ربتنى والسلام وانا الحق مسوسة على اولادى والدنيا تخوف حبست الخدمة على جال نقابل اولادى كى يكبرو الحال ساهل مش راح يموتو بالشر

لي خدامة ماتولدش ولا تبعث la crèche.

يراك رباتك و تعبت عليك و بعد تربيلك اولادك، و الله استغلال هذا، هذه امك ما تريحش ؟ طول حياتها تتعب.

هذا ظلم للام هذه أنانية الام بعدما تكبر وتحتاج الراحة تلقى روحها تربي من جديد ،مرة لقيت مرا كبيرة تبكي عند باب المدرسة وتقولي بنتي راهي ظالمتني أنا كبرت وعييت وفي خاطري نرقد ونخرج كيما نحب ،اذن حذاري للمرأة العاملة أن تظلمي امك هذا عقوق ،والحمد لله أنا قريت وراني قاعدة نربي ولادي والاولاد مسؤولية كبيرة ما تقدرلها غير للام

الام لي ترمي ولادها بحجة الوظيفة كي يكبروا هاذو الاولاد من حقهم يرموهم في دار العجزة

متحكموش عل الظروف كل وحد كيفاه،،، لي قرات ووصلت باينه تخدم مثلا لي تخرجت طبيبه تقعد فالدار،،، لكن لي راجلها كافيها ولاباس بيها نظن تقعد في دارها احسن،، وناس اراء واختلافات

انا رايي صح ماكاش كيما الام بصح انا شخصيا شديت طفلة برانية وعاملتها كيما ولادي حتى كي يجو يدوها تبكي تقولي هادو ماشي والديها وتقولي ماما ودرك راهي ست سنين كي جي تقول ليماها نروح نبوس ماما تسلم عليا وتروح

لي كافيها ربي الام لتخدم خيانه لاولادها

انا العكس ههه مارانيش نخدم على جال ولادي بصراحة منيش نحوس على لخدمة في هاد الوقت نكبر ولادي من بعد ساهل

أيضا منازل العاءلة ليست روضات

الوالدة ديالنا كانت خدامة و تربينا في دار خالتها بحكم أنو يماها ماكانتش رحيمة لا بيهم و لا بأحفادها للأسف و اليوم راي تحصد شرها

انا نخدم ونخليهم عند ماما ربي يحفظها ليا ان شاء الله كي نقول لها نديهم عند لانوغيس ماتحبش تقولي يونسوني مع العلم عندي 3 اطفال 2 في الابتدائي ورضيعة ربي يحفظهم ويحفظ لنا امهاتنا اجمعين

انا كنت نخدم عند الدولة وبوست باش يصح لواحد يليقله بعد الزواج كي ولدت الحمد لله قررت نحبس الخدمة ونقابل داري وولادي لازم التضحيات باش تفوت الحياة عندك إما تضحي بخدمتك وتقابلي ولادك اما تضحي بولادك وتقابلي خدمتك انا كي يخرجو من المدرسة ويلقوني نحل الباب عليهم الدنيا ومافيها والحمد لله

منخليش ولادي حتا عند ماما مالقري ديرهم في عينيها بصح مشي تعبت معايا و تزيد معا ولادي نشد داري و نعس ولادي وحدي منحمل مسؤولية حتا لواحد

المراة اللي كافيها ربي الأفضل لها تربي ولادها امام عينيها وفي حضنها إلا اذا كانت ظروف قاهرة هذاك كلام اخر

عذبت ميمتي مرتين .في تربيتي وتربية أولادي.يا ربي تسمح لي.لذلك راني نبحث على باسبور الحج .انحج عليها.فهل من محسن .الله اجازيكم

احشمو على رواحكم . احكمو داركم . لاحشمة ولا هم يحزنون

مازالت الفرنسية محبوبة عند بعض الجزايريين

نستعرف بيك سيدة من قلتي نخليهم عند عزوجتي bravo❤❤❤❤❤

انا سكانه في ولاية اخرى نروح من عام لعام لداررنا و كي نحب نخرج نشري و لا نروح نزور لفامي نقلهم شدوهم نرجع نحسهم يشدو فيهم من فوق القلب

لكل أمة وثن وصنم هذه الأمة الدرهم و الدينار

ولادي نحس عليهم بالامان كي يكونوا في حجري بالخصوص في هذا الوقت الي لحقنا ليه وللاسف الا من رحم ربي

انا على جال ولادي حبست الخدمة وراني نربي فيهم وحدي نطيح ونوض معاهم وخاصة لما يمرضو نعرف بلي ماكاش الي يعوض مكان الأم وهذ، الجيل قباح بزاف... انا نظل نجري مراهم ويديرو شحال من ديڨة فدار الوغ لا نروح نخدم... متأكدة بلي واحد مايحمل قباحتهم... يولو ينضربو ويتهانو... علاه يعني ندير هك ياك ربي وصانا على الذراري ماشي على الخدمة.

انا مربيه اطفال في بيت وعندي 4 اطفال و يحبوني بزاف وا يعيطولي ماما و يدابزو عليا و اليوم عيد ميلاد واحد فيهم إلا نخدم طرط و نحتفل به

نخليه عند أمي ربي يطول في عمرها إن شاء و يحفظها و يخليلها صحتها على قد العمر

اغلى حاجة هم الاولاد وكي تروح تخدم طيشهم معادلة غير صحيحة

للأسف انا امي ما تصبر على شد العيل.

حيرتني لي قالت نطيشهم في زنقة راكي من نيتك🙄

ذاك الوقت وصلنا ليه

تاتعبو الاءم هذا من العقوق

انا نحكلم قصة حقيقي اختي ربي يرحمها برحمته الوسيع تزوجت وقعدت خمسة سنين بش رزقها ربي بطفل كي قمر ماشاء الله وهي تخدم قعدت معه تلاث شهور ورجعت لى خدمتها منبعد حطتو عند واحد تشدهولها في ,2003

من للأفضل يتربوا عند أمهم

المكان الآمن هو تركهم في البيوضة ولا تلدهم أصلا

علجال اولادي ماحبيتش نروح نخدم مستحيل نخليهم لناس خلاف تربيهملي

الصح الحاجة هي الي خلات النسا يخدمو، بصح في رايي الوحدا تقعد في الدار تربي اولادها، مكاش واحدة تعوض حنانت الام ، والواحد واجب اعليه ايربي اولاده ، ❤

المراة راهي تعاني وين تخلي ولادها 😢😢😢😢 والزوج وين راه 😮😮😮

😂ليست مزاحمة ضروف تع الوقت صعيب لازم، مراة وراجل، ويرابي يكفيهم والاطفال لازم الدراهم باه يكبرو، ربي يعاون كل محتاج

تحيا العزوبية و تحيا انعيش ابراسي وتبالنساء المال 🤑 والماديات والحديدة تتتتتتتتحيا العزوبية

تكون المرأة عاملة او في البت جي سبا تخرج من بيتها..لغرض ما.. ولمكان الامن هو شخص العزك ...

نصيحة لرجال ماتديش مرا خدامة والله تكره حياتك😊

انا ماكثة في البيت وكي نخرج مع الزوج نقضي نتقلق على ولادي اولادي هوما عمري وحياتي ما نحبش ينغبنو

سلاح مرءة هو عاملها ناس من دمهم دارو فيهم الشر عمالهاهو لي يرحمها تحيا مرءة عاملة

مع احترماتي انساء الخدمات من بين خوتاتي علش تحصلو امهاتكم فتربية اولادكم تلقيها تشح لدرهم لكراش وتعذب يماها يماك عيات كبرت مابقالهش تنحي ليكوش وترقد ولا تعس فدراري نهار كامل او هي ترفد وتحطلهم خلو امهاتكم يتمتعو بواش قعدلهم من لعمر لانو تربية صعيبة غلى صغار خلي يا لكبار حبيتي لخدمة اصرفي اديهم ليكراش اغلبية ليكراش ملاح ماشي تعاقبو امهاتكم بتربية وزيد ماتعطهم حتى دورو

تربي هي وتزيد تربي ولادها دعوة الخير بالقنطار الله يجيب السلامة

ولكن الام عليها حق في الراحة وعلاش تعبوها مرتين في عمرها

c"est trist win l7a9na wallah 😢😥

لي ڨاتلك نخليهم عند أمي....احشمي شوي راه عيب عليك خلي يماك تريح راه كبرت علاه تزيديلها همك راه حشمت منك ....

هذا الجايح خلاص لك لزوجي نتع الزواج درت على الخدمة تبان انت نورمالموا ماكثر فى البيت

مانخليهم عند حتا واحد نحكم داري ونربي ولادي قريت وكملت ومنخدمش دخلت لسبيطار ببنتي خليتهم عند باباهم يكذب عليك مكاش لي يحس بولادك غيرك

اللي مايشدلكش ماشي معناتها ماشي مليح عندو مسؤوليات ودك الواحد ولا يخاف الزمان تبدل لكان كاشما يصرا تطفر فاللي شد

كل واحدة وضروفها انا راجلي وقفوه من الخدمة ونا نخدم استاذة كان لازم عليا نخدم باش نقابل المصاريف 😢يمامتوفية عجوزتي مريضة زهايمر دارنا بعيدة وعماتو في الخارج انا حطيت وليدي في الروضة اامن من نحطو عند الناس..يعني كين ضروف اقوى هيتحكم فيك

كي تزوجت كنت ضد الخدمة جملة و تفصيلا مع اني متعلمة و متخرجة ... و زوجي قالي بلي هو الي يخدم و يتكفل بكلشي اسيدي تزوجت و جبت اولاد و تعبت باش كبرتهم و راجلي ساندتو بكلشي من تشجيع و حتى مال ...ايا كي كبرت و تعلمت قعدة الدار و هو كسب و كتب كلشي باسمو قالي طيري من داري ..ما قدرتش انطير انا ...اعله؟ ع خاطر قصلي جناحاتي كما تزوجني ...درك ما عندي ولا فلس ولا دورو حتى باش نشري تبانة خبز ..هو مالك الدنيا طولها بعرضها استقوى و دار الف جناح ..درك انا ما عرفت نهز روحي و نروح دفاعا على كرامتي و ماعرفت نقعد و نستحمل الذل ...درك بعد تجربتي اني نقول لبنتي بحرقة اخدمي اخدمي اخدمي و هاتي ولادك عندي نربيهم المهم الي صرالي ما يصرالك ..رانا في وقت كل واحد يقلي نفسي نفسي و المرأة محڨورة فيه .

يخي راكم تقولو المرأة هي المدرسة 😂😂😂 الطفل يحتاج حنان الأم في صغره الجدة ولا الخدامة غير زيادة

ترميهم عند كاش واحد وتروح تتسيفيليزا

عند الوالدة ربي يحفظهالي واطول في عمرها.....

عييييب او عاااار تلد الام آمتها

هاذي لي قالت نحطهم عند يما ولا ختي ولا عجوزتي ومانحطهمش في لاكغاش بسكو الشهرية قليلة ومانقدرش على المصروف، بغيت نسقسيك وعلاه كي تحطيهم عند اهلك ولا اهل زوجك ماتخلصيهمش؟ يشدولك باطل؟ ماشي حق منكم تعاقبو وتغبنو، وتحشمو أهلكم على الكبر يليق الواحد يفهم روحو، لانو بعد سنوات فالمستقبل ماضنيتش اذا البيبي الصغير هذا كي يولي راجل ولا مراة يعقل على الخير ويتفكر جداه ولا خالتو ولا عمتو، اذا دار الخير غي في والديه راه مليح، لان الوقت صعاب بزاف وراه تاع مصالح وفقط، معنتها كي تحطيهم عند الاهل افهمي روحك وخلصيهم كيما لاكخاش ولا اكثر لانهم ماراهمش خدامين بالمجان عندك والسلام

هذا الوقت صعييييييب

حبيت نسقسي كي تحكملي امراة في الدار ابني بشحال نسلكها للشهر

ماكان ش لمان انا ربيهم

الجزائر هي الدولة العربية اعطات الحرية المفرطة للنساء وللمهجل وأصبح الرجل لا يستطيع رفع راسه مع الامراة والمهجل في الجزائر اصبحنا ذوات شان لكن عقاب الله ات لا محال له اما الزلزال مدمر اوف فيضان ،،

تاريخ للصلاحية ..انتهى نتعبو عمرنا كامل الا من يقدر

حرام عليهم يرمو ولادهم عند يماهماللي فنات حياتها و صغرها و هي تربي فيهم و كي راحت الصحة و ضعافو يزيدولهم هم احفادهم... والله غير يتحاسبو هاد الخدامات على عدم تحمل مسؤوليتهم في التربية، يعيو والديهم و يحرمو ولادهم من الحنان

Des femmes sont consciences et qu'elles femmes !.

لقالت نخلي ولادي عند ام تعرفي بلي زوج ماشي راجل أصلا وقت وصلناليه مرأة تخدم وتخلي ولادها عند مربية فالمستقبل كالولد يبتاعد على الأهل متلموش لأنو كبر بلابيهم صباح يقيسوه ولعشيا يدوه حتى جلوس ميجلسوش معاه هذا ادا حبت طيب وتنقي اما ادا تشري ماكلة ودارها موسخة فعرف بلي زوجة هايشة زواج استقرار وسكينة وبين نفس شئ ولتخلق استقرار هي زوجة ولتربي هي زوجة وفنفس وقت أم زوج لهيا عجوزتها باش لولد يكبر على حب ولحنانة عائلة ادا كبرو لولاد يحبو عماتهم هنا عرف بلي ربيتهم تربية صحيحة اما لقالت ختي تربيلي ولادي نتيا من نوع لتحبي فقط نفسك واهلك اما زوجك نقوله عظم الله اجرك لأنك فعلا خسرت يماك .

ولي بعاد عن والديك والديه، ربتكم وتزيد تربيهم لك، والعمة ربت ولادها وتزيد ولا الناس، وزيد الخالة كيف كيف، خدامة كون جات تربي كون ربت ولادها؟! إذا عملت المرأة أنفقت وإذا أنفقت ترجلت ولا يلتقي الرجلان في سقف واحد. المرأة مكانها البيت الأميرة وزوجها هو لي يطيح و ينوض على قوامته عليها

L ENFANT A BESOIN DE SA MAMAN YA PAS DIRE AU MOIN 6 ANS

Yemak machi melzoum 3liha, hiya rebet wladha. Habiti tekhedmi debri rassek.

آب……………….🤔🤔🤔🤔 ؟؟؟؟؟؟؟؟؟؟؟؟ وإفهام يفهم لي قدر يفهم

اذا حبيتو لمرا تقعد في الدار وتربي الاولاد ،لازم الرءيس يديرها شهرية حوالي 3 ملايين

صدقوني نقولها بكل صراحة المرأة العاملة خاصة في اماكن الإختلاط وخارج المنزل شر مستطير و هم لا بعده هم . الرجل السوي ذو المروءة المتبع لشرع الله لا يرضى لزوجته ان تعمل ولو مات جوعا . لذلك لا تنتظر نتيجة مرضية من أم عاملة مهملة لأولادها .