سلااااام ختي نتمنى تقراي تعليق تاعي أنا عايشة غير مع راجلي وحدنا donc ندير غدا نتعشاو بيه راجلي مايشرطش بزاف البرنامج تاعي العدس نديرو مرة بالأسبوع و les grains deux fois par semaines و ليسوب نديرهوم بزاف 3 ولا 4 fois بالأسبوع d fois شوربة سعات لاسوب بالخضرة وندخل فيها كلش ندير البيتزا شاورما كل خطرة وكيفاش و بنسبة للحوت نأكله في الشتا 2 مرات فالاسبوع أما الصيف ناكلوه بزاف و نسلم على كل وحدة قرأت التعليق تاعي

كي هدرتي على التغذية تفكرت امي و دارنا راهم عايشين و ميتين في نفس الوقت لان بابا معاود عليها الزواج و ميصرفش عليها يصرف غير على مرتو جديدة و و لادها رغم انو امي ماهيش مطلقة. حتى في العيد هو عيد و دبح و امي و خاوتي يدنقو بالعين و الله راني نكتب و نبكي .واش نقول حسبنا الله و نعم الوكيل.الرجاء كل من يرى تعليقي يدعي لامي باش ربي يقويها.

اختي اعطيني الوصفة تاع الخبز وزبدة و معجون في الكوشة لي ذكرتيه في الفيديو .. ولي شافت تعليقي جاااام باه يطلع التعليق

يا ختي نحب نشارك معاك فكرتي. انا نصرف مرة كل عشرة أيام و نعمل برنامج الاكل الاسبوعي و على اساسو نجيب المصروف يكون متنوع و غني و اقتصادي. الطريقة هاذي نفعتني تهنيت من التخمام و تحطمت في الميزانية ديالي و حتى حاجة ما تفسد ما تترما. وحاجة أخرى عملت برنامج لا الخبز اليابس لا لرمي الخبز. عملت برنامج متنوع للإفطار الصباح يكون متنوع وفيه خبز السوق مرة واحدة أو مرتين على الأكثر في السبوع. والباقي نطيب خبز الدار مرة في السبوع و مرة مسمن و مرة مطلوع صدقيني مانرمي ولا فتاتة خبز طول الشهر

يعطيك الصحه الكبيده انت مثال المرأه الجزائرية الفحله المدبره. وعجبني البرنامج تاعكوسورتو كي قلتي الماكله قبل اللبسه. وخاصه كي يكونوا لولاد الصغار راني معاك 100 بالمئه عقلك راجح ورزينه الله يبارك ربي يحفظك لزوجك ووليداتك

سلام طاطا نجاح اانتي قدوة و متال للمراة الناجحة الله يبارك نتمنى تعرفينا اكتر هلا روحك درتستك حياتك زواجك خبرتك قدوتك في الجياة روتينك لي معايا يدير جاااااام

هدرتي على السردين عندو يومين باعوه بخمسلاف و ربعلاف في بوسماعيل خرفنا فيه والله يعطيك حتى يرضيك حبيبتي رآكي رابحة وناجحة في الدنيا و الآخرة الله يرحم اميمتك في هذيك الرقدة جعل الله الجنة دارها و الرسول جارها والسندس ملبسها و من الحوض مشربها 🌸🌴🌸

تعيشي يالحبيبيا ديرنا برنامج الدراسة نتاع ولادك وليدي يقري الخامسة من08:00 حتي 04:00 يجي عيان وقتاش نقريه معرفتش راني حاصلة فيينا بتجربتك لي راهي معيا دير جام

ماشاء الله ربي يخليك لينا كي تهدري معانا وتعطينا هاذوك النصائح الدنيا وما فيها . بوسة كبيرة لكل عائلتك

يا داداح ياداداح وش درتي فيا قلبتيلي حياتي والله تدخلي الجنة علجالي

انا نحبك ونحب اللي يحبك ويعجبوني افكارك والله يرحم الوالدة اللي رباتك.

صح قهيوتكم يالزينات كاملين 🌷في هذي الأمسية حبيت ندعيلكم 👐 أسأل الله لكم راحة تملأ نفسكم و رضا يغمر قلبكم و عملا يرضى ربكم و ذكراً يشغل وقتكم و عفواً يغسل ذنبكم و فرحا يمحو همكم👐 (اللهم لي أحبة لا أراهم لكن القلب احتواهم فاحفظهم ربي أينما كانوا و حقق مناهم)

مدبرة منزل بامتياز.ماشاء الله

الله يعطيك الصحه يا نجاح ختي حقا وليت منستغناش عليك وعلى وصفاتك وتدابيرك وحكاياتك vraiment من الكبار والله يفرحك ختي

والله اختي كلامك من دهب وافكارك كلها صائبة وهده الفكرة بالدات طالما تعبتني والله كنتي عند حسن ضني جعلها الله لك في ميزان الحسنات

وليت ما نقدرش نفوت نهاري بلاما نسمع صوتك الراءع لي يعطيني طاقة ايجابية ويعطيني الامل يعطيك الصحة وربي يعطيك القوة باش تعاونينا هكذا شككككرا اختي

ما شاء الله موضوع مهم والميزانية مليحة تنظم الحياة وتولي سهلة

bravo madame dadah ; je vois que la vidéo remonte à 02 ans déjà mais dernièrement je vous suis beaucoup ; j'aime votre raisonnement et votre façon de gérer votre foyer, bonne continuation. salem

والله غدوة نبدا الخدمة جاني في وقتو كنت نحوس عليه وعجبني بزاف لانو نحنا غير زوج. ربي يرزقنا الذرية الصالحة

اللهم صل على النبي محمد يعطيك الصحه اختنا الغاليه نجاح بوركتي والله ليوم وين شفت الفيديو والله مااروعك يعطيك العافيه نصاءح جد قيمة

ربي يفرحك اختي نجاح طلبت منك هذا الموضوع من فتره و وعدتي ووفيتي ربي يحفظك . كنت كل يوم نستنى فيه وعلابالي كل وحده فينا وظروفها مع الاولاد و المسؤليه ولكنك فحله ربي يصونك ويسترك

كي نسمع صوتك نرتاح ربي يحفضك وربي يجازيك

دائما في القمة يا اختي دحدوحة وليحب قناتها وافكارها وطبخها وكلامها الزين والموزون يدير جام ربي يوفقها في عملها وشكرا

الله يزين سعدك ملي شفت لفيديوات نتاعك اكل متاكده بلي نتي فحله وبنت الفحله والله تعجبيني كلش نتاعك منظم ورائع تتمنى نولي فحله كيما نتي يا سعدوا الي داك. الله يبارك.

اول مرة نديرها ،نطلب منكم تدعولي ربي يفتح عليا بخدمة محترمة ربي يجازيكم عندي ليسانس و راهي قاعدة فالقجر

تدابير منزليةلكل عائلة ربي يضعها لكي في ميزان الحسنات ام ع

نشكرك بزاف على المجهود المبذول والرائع في التدابير انشالله رايحة نجرب طريقتك و نردلك بالخبر

Madame vous êtes un exemple à suivre. Merci

والله اصبحت مدمنة يوتيوب من اجل التدابير والنصائح ديالك مزيد من التقدم ان شاء الله

C'est très utile à nous tous de partager l'expérience des autres. Bravo!

و الله تقول طليتيلي على قلبي يعطيك الصحة يا الفحلة.

ان مع العسر يسرا. اللي خلق ما يضيع. ربي يهديه. ويحفظلك امك والصابر ينال

سلام عليكم اختي نجاح يعطيك الصحة النظام مليح ويساهلنا حياتنا وربي يطرح البركة وديما نقولك يرحم من رباك واليوم نطلب منك تدعيلي انتي وكامل خوتاتي بشفاء لوالدتي راهي مريضة وربي يشافي جميع المومنين والمؤمنات شكرا جام

يعطيك الصحة للتدابير تفيد كل وحدا منا متزوجة او غير متزوجة الف شكر ليك وانشاء الله المزيد من النجاحات

انسانة زائعة وعقلانية وتعرف تدبير البيت بشكل جيد.ماشاء الله عليك.تحية من المغرب

الف الف شكر لك قناتكم وافكارك غيرت حياتي. اعطتني طاقه ايجابيه وجعلتني حسن من السابق بكثير.جزاك الله خيرا.

مساء النور يا فحلة انا يا دجاج مخطط تاعي في الغذاء شعاري الخضرة زوجي عانيت معاه كان يكول سقايط برك مي دوك عجبو القائمة عندي كل سمانة الخضراء وكل 3اشهر لوازم الجافة ،وندوزن فليل وندخل من خدمة نحط فوق النار ونقول لكل إمرأة تجعل من طبخ تسلية ومتنودش زعفانة ومقلقة تكره حياتها الطبخ جمال ومتعة حتى تكون خدمة شكرا يا هايلة يومك سعيد

ادعولي عجوزتي هبلتني بسحور وملقيت كيفاه ندير ادعولي ربي يبعدها علي قوللي طط دادح كيفاش ندير كل مرة ديري يصرولي مشاكل مع زوجي ومازال معنديش ولاد ادعولي لشفت هذا التعليق تدعلي وربي يفرج على كل المسلمين

شكراً جزيلاً ياأختي هبلتينا وشكرا شكراً على نصائحك وتدابيرك الرائعة جداً جداً 💕💕💋🙏

بارك الله فيك وفي عائلتك والله الكلام والمديح قليل عليك حبيت نشكرك على كل شيء في كل مرة ادعو لك بالخير انت حقا مثال للمرأة الجزائرية الفحلة رب يحفظك و يباركلك انا من بين الأمهات الوفيات لك

يعطيك الصحة اختي نجاح عطتيني افكار كيما انا خدامة يساعدوني بزاف خصوصا لربح الوقت ونطلب منك ومن الاخوات يدعولي راني في شهري في الاسبوع الاخير

ددوحة كلامك صحيح و نصائحك من ذهب نصائح نتاع ميمة او أخت واش نقولك الله يجعلها في ميزان حسناتك والله يبيض وجهك أختي.

مرا ونص ماشاء الله عليك راكي هنيتيني من التخمام تع واش نطيب اليوم هذا هو السؤال لي كامل النساء يبداو به نهارهم

يعطيك الصحة كلامك درر.ربي يبارك فيك وفي وليداتك شكرا.

salem najah les legumes secs c'est le medecin qui les demandent au moins une fois par semaine machi 3ib naklouha si il y'a des gens qui s'en moquent eh beh c'est pas ton probleme toi tu fais de ton mieux et puis c'est tout on te remercie pour tes efforts

يعطيك الصحة اختي الله يجعلها في ميزان حسناتك ...

مرة ونص بارك الله فيك وربي يحفظك لولادك ولزوجك

يطيك الصحة الاخت نجاح حبيت اليوم نمدلكم طريقتي في تقسيم الشهرية نقسم الشهرية في 5 أظرفة كل اسبوع نجبد ظرف ونحاول نتقيد بهادك المبلغ والظرف الخامس نخليه للادخار ولا قدر الله مرض ولا دين

Je remercie vivement la maman qui nous a donné ce menu type, j'attends vos avis ❤❤❤ Qui aime partage 😉😉😉 DIMANCHE : -Pâtes + escalopes ou steak ou poulet rôti -lasagnes LUNDI: -soupe de légumes + frites -chorba + bourek ou quiche MARDI: -gratin (pomme de terre-courgette...) -pizza MERCREDI: -lentilles -haricots secs ou frais -pois cassé JEUDI: -dolma -chtitha -djwaz VENDREDI: -couscous ( sauce ou mesfouf) -rechta -tlitli -chekhchoukha SAMEDI: -poisson au four -sardine grillé -le soir resto ou quelques chose de léger Nb: la salade est au menu de tt les jours, soit verte ou cuite - un fruit - minimum de gras possible - privilégier huile d'olive - diminué le pain blanc - privilégier pain maison-kesra à la semoule ou orge

شكرا حبيبتي على المجهود الطيب لي عندك رجاء اعملينا موضوع مفصل حول نصائح زوجيه للمقبلين على الزواج "كيفيه التعامل مع الطفلات وام الزوج وكيفية تعامل العروس في أيامها الأولى لو سمحت

لايك قبل مانشوف الفيديو لانه عندي ثقة كبيرة في حبيبتنا نجاح بلي راح نستفاد ودمت وفية للمشتركات تاوعك ونموت عليك كي تقولي ختيتو

شكرا الفحلة دداح .... جزائرية و أفتخر

سلام حنونتي أنا لويبا بصل وطماطيش نموت عليها أنا وولادي والله ياختي تقريبا نفس لبروقرام وقيلا شهرية كيفكيف نموت عليك داداح وشربة والله غير نديرها فطو ر وعشا والحمدالله ربي يكفينا ملعندو

رائع الله يخليك لينا يعطيك الف صحة مجهداتك طاطة حبيت درينا المحاجب ربي يحفظك ماننجحش فيهم بزاف بارك الله فيك

والله كلامك موزون ورايع صح عقلية ديالك كما انا نبازي علي المكله اللباس والله منشري الغالي ونحب التويل لدار ربي يسارك ويحفدك عقلية تعك هايلة

يعطيك الصحة كي تقولي وصلة نتفكر ماما ربي يخليها في دارنا كانت ماما عندها بروقرام في الأكل وشغل البيت ووالفت هاد السيرة وكل حاجة في وقتها الفطور الشغل بصح ملي تزوجت تبدل كلش ملقيتش روحي مكاش حاجة قد الترتيب والنضام

أحبك في الله سيدة نجاح...ربي يعطيك على حساب نيتك و يرحم الكرش الي جابتك💓💓💓

يعطيك الصحة طاطا ربي يفرحك و يخليك لوليداتك نشالله ما تيماجينيش شحال نرتاحلك و نحب نسمع الصوت ديالك مرا فحلة و عليها الكلام شحال من خطرة نجرب الوصفات ديالك جربت خبز محمص ديالك و جاني روعة خاصة بابا عجبو بزاف ، و حنا تان عندنا عادة كل خميس شربة و بالجمعة طعام ، المزيد من التألق والنجاح بإذن الله

ربي يحفظك اخي نجاح والله نقصتي عليا ثقل كبير مع الخدمة والمسؤولية تاع الاطفال والزوج غائب عن البيت لمدة شهر ربي يقدر ويسر يارب شكرا شكرا وان شاء الله في ميزان حسناتك يارب

صباح الانوار شحال واناونستنى في هاد الفيديو فكره رائعه وعجبتني بزاف لانه انا بكري مين كانو ولادي صغار كانت تكفيني الشهريه واليوم كي كبرو راني حاصله يحبو ياكلو مليح ويلبسو مليح الحمد لله ربي حاط البركه المهم يعطيك الصحه وغادي نمشي على هاد البرنامج ونشوف ربي يخليك

السلام عليكم وبارك الله فيك على هذي النصائح وكلامك كله عسل 🍯 احبك

جام قبل مانشووف

يا داداح ربي يجازيك بالجنة ان شاء الله ربي يفرحك و يحفظلك حبابك دخلتي علينا بالخير أن شاء الله 😍😙😙

مكالتهم تجارة ولبستهم خسارة أول مرة نسمع هاد المثل بأختي الله يبارك فيك يا الفحلة أنا كنت غير نخلط منهار وليت نتبعك عاد وليت نحس روحي ست بيت ربي يسعدك في الدارين

انا عرفتك معنديش بزاف فريمو يعطيك صحة غيرتلي حياتي كنت فنيانة

نسيت حاجه اختي نجاح بالنسبه للمراه العامله وانا منهم يا اختي راني حاصله في الفطور. يوميا نخمم فيه لاني نطيب الصباح بكري ونحب الوجبات السريعه متديش الوقت من فضلك ديرلنا وجبات سريعه كيما الجواز نتاعك راني في الدار تعودت عليه لانه جاني ساهل وبنين ويشبع ربي يحفظك ويخليك لينا يا الفحله

صوتك , الحطة , البنة كلش باسم الله مشاء الله عليك انسانة في القمة , الحمد لله لي عرفت قناتك

دداح نحبك و نموووت عليك صوتك يطلعلي مورال قلبك كبير و حنين و يتمنى لخير لمافة الناس اختي ربي يرزقك ماتتمناي و خير منو يا رب العالمين

مساءالخير حبيبتي ان شاءالله تكوني بخير مرسي على كل نصائحك.تعرفت على قناتك غير هده السمانة وفرحت بزاف بمحتواها وخاصة جزائرية شرفتينا وزيد مفيدة بزاااااف ومتنوعة خاصة حديث من القلب فكرتني صوتك بوحدة كانت تعيط في راديو البهجة مع برنامج ميليسا وكانت هدرتها موزونة من عند وحدة رزينة كنت نفرح كي نسمعها وانتي تشبهيها حتى في اسمها نجاح ربي يعطيك ماتتمني ويفتحلك بيبان الخير

كاين شرببت العدس الاحمر بزاف بنينة أنا نديرها ومدخلتها في نظامي الغذائي

والله غير نموت عليك وكل نتاعك تلله يبارك وراني نتمنى نشوف وجه صاحبة هاذ الصوت الاكثر من جميل

ماشاء الله تبارك الرحمن ربي يحفظك ويسعدك ويوفقك ويبارك بعمرك يارب العالمين

الله يبارك عليك سيدتي والله مدبرة من الطراز الاول راني نستفاد منك بزاف وحبييت دريلنا فيديو كيفاش جوزي نهارك من طبخ وتنظيف ومع الاولاد و كيفية ايجاد الوقت لتدريسهم وجزاك الله خير

يعطيك الصحة والله السردين توحشته راني في تمنراست ميوصلناش السردين كامل 👍👍👍💖💖

اااه يا طاطا شحال كنتي هايلة وتعاونينا بالصح ربي يهنيك ان شاء الله

والله جامي تلاقيت مرا كي ما هذي في القمة يعطيك صح والف جام

يعطيك الصحة اختي نجاح على كل واش راكي تمديلنا من قلبك. انا كنت معتمدة واش البرنامج في الطياب ، درت جدول اسبوعي كل نهار واش ندير ، المهم مشات الحالة و كنت فرحانة كي نوض نطيب خاطرش علابالي واش ندير نبدأ ديغاكتمو في الطياب .من بعد بداو اولادي و زوجي يكرهوا منو بالشوية بالشوية .... قالولي غيييير حبسيه كراهنا منو، أو عادت ريمة لحالتها القديمة ههههههه.نخمم كل نهار واش نخترعهم .صافي حبيت نقولكم هذا الجدول مليح بصح كي يتوالف يولي ماشي مليح لازم نبدلو شوية .و الله المستعان .

مساؤووو حبيبتي والله نفرح كنلقى فيديو تاعك تعيشي وباركا الله فيك زيدينا برنامج تنظيم سيرتو مع وقت الدراسة والاولاد😍😍😍

معك داداح صوتك يكفي ..البسيط التلقائي ..ونس ..مريحة انت ..طيبة انت ...شكرا لك ..اختاه ...

شکرا علی الافاده ودمتی دائما متالقه.ربی یخلیلک اولادک وینجحهم.صراحه صوتک عذب وطریقه کلامک انیقه عاصمیه الله الله علیک.

ربي يحفظك يا اختي دداح والله صدقيني كل مانسمعك قلبي يقعد يخبط خاطر هدرتك تجيني على القلب ونحسك تفكري بايجابية في كل شيئ ونحب نوض في ديك دقيقة نطبق واش قلتي حتى نلقى روحي فشلت خاطر قاع هاد الامور الخاصة بالمصاريف مش في يدي انا راجلي مبذر و يدو مثقوبة كيما نقولو مايطلعش حساب لغدوة يشري واش ينفحلو بلا تخطيط وبلا حساب و ممبعد نقعدو نتفرجو والله مرات مانلقاوش حتى باه نشرو خبزة كون غير تكملي جميلك وتنصحيني كيفاه نتصرف والله غير عجزت ياختي وسمحيلي طولت عليك

جا في وقتو وياريت ديريلي جدول تنظيف البيت

شكرا ددوحتنا يعطيك الف صحة وربي يجازيك كل خير سهلتي حياتنا وعلمتينا كيفاه نتصرفو والله مهما نقول مش راح نوفيك حقك رب يخليك لعائلتك ولينا والله نحبك بزااااف انا من اليوم راح ندير كيفك

j'aime tout ce que vous faites accompagné par votre mélodieuse voix. Bon continuation.

بارك الله فيك اختي نجاح ربي يباركلك في صحتك واولادك 😘😘😘😘😘😘💐💐ممكن موضوع سن الياس المبكر وكيفية التاقلم معاه ومع الاعراض نتاعو ربي يسجيك حبيبتي😘😘😘😘😘

اول تعليق الله يبارك دايما متالقة😘

يعجبني تدابير نتاوعك رأكي مسهلة عليا ڤي كلشي يعطيك الف عافيه نشا الله كل كلمة في ميزان حسناتك يارب امين 👏👏👏👏👏👍👍👍👍

بارك الله في عمرك و جعل مجهوداتك في ميزان حسناتك. اللهم آمين يارب العالمين

كل الشكر ليكي حبيبتنا نجاح على تقاسمكي معنا جدول الاسبوعي الشخصي نحبوك كامل العائلة ❤️🌹🌹🌹🌹🌹

يا طاطا نجاح اعطينا طريقتك في تنظيم 📚 كتب وادوات اولادك حنونة و ربي يهنيك

انا من محبين قناة دداح ومتابعيها شكرا شكرا شكرا سيدتي الله يملك وشراكي متمنىا

دائما متألقة نموت عليك قبل الفيديو ما نشوف وائل بلقاضي

انا كاتبة ورقة برنامج اسبوعي ونبدا بخضرة باش متفسدليش ونهاية السبوع واش يشدلي كيما الباقوليات روز ولا زيتون يقدر يشد فالكونجيلاتور ولا جلبانة منها منبدرش ومنها هكدا تنوعي

ضحكتيني على اللوبيا انا اولادي يتوحشو العدس في الصيف ههه نهار نطيبو في الصيف يشبعو حديد ¿..

يعطيك الصحة كلامك صواب الراي هو الصح وحسن التسيير .ان شاء الله ندير برنامج الا مخربهوليش راجلي بريات دياملو 😘

يعطيك صحة حبيبتي جام جام

سلام سيدتي، سيدتي يقال أن فطور الصباح هو le moteur de la journée,

يعطيك الصحة طاطا لعزيزة والله كي نسمعك نرتاح تمديلي واحد الطاقة و الأمل تخليني نحب الحياة ربي يحفظك و يجازيك خير و يقدرنا نكونو صالحات و ناجحات في حياتنا

عندك الحق كل شي يتبنى على الراي الله يعطيك الصحة ربي يطول في عمرك ويخليلك وليدلتك ويعطيك ويزيدك

اختي نجاح العزيزة جام قبل ما نشوف دايما ... وفية لك و لقناتك الى الآخر ... بالتوفيق ان شالله .. اختك ام دعاء لي تحبك :*