Биыл облыс орталығында «Сумен жабдықтау және су бұру жүйесін дамыту» бағдарламасы аясында ұзындығы 18,7 шақырымды құрайтын 4 жоба жүзеге асырылмақ. Ол үшін Ұлттық қордан және облыстық бюджеттен 1 млрд теңге қаржы бөлінді. Мұнан бөлек, жақын арада «Қызылжарма» каналы арқылы өтетін автожол көпірінің құрылысы басталады. Бұл туралы қалалық қоғамдық кеңестің кезекті отырысында айтылды.
Биыл облыс орталығында жол-көлік инфрақұрылымын дамытуға басымдық беріліп отыр. Айталық, көп ұзамай «Қызылжарма» қаналы арқылы өтетін автожол көпірінің құрылысы басталады. Қазіргі таңда мердігер мекеме анықталып, құрылыс-монтаждау жұмыстары пысықталуда. Сондай-ақ, қаланың негізгі көшелерін төрт жолақты қылып кеңейту жұмыстары қолға алынып жатыр. Мәселен, Ясауи және Көшербаев көшелерін кеңейту үшін республикалық және облыстық бюджеттен 1 млрд теңге қаржы қаралып отыр. Қоғамдық кеңес алдында есеп берген қала әкімі Серік Қожаниязов биылғы жұмыс жоспарымен де бөлісті.
СЕРІК ҚОЖАНИЯЗОВ - ҚАЛА ӘКІМІ //Біз көшені жаңғырту жұмысына қаржысы негізінен республикалық бюджеттен сұрап отырмыз. Егер республикалық бюджеттен берілмеген жағдайда облыстық бюджеттен қаржыландырып, жұмыстарды жасаймыз. Ол көшелерді кеңейтеміз. Сондай-ақ, көшелерге абаттандыру жұмыстарында жүргіземіз.//
Мұнан бөлек, биыл Белкөл бағытындағы аспалы көпір мен Жезқазған трассасына дейінгі 11 шақырым жол күрделі жөндеуден өтеді. Қала әкімінің айтуынша, қазіргі таңда тиісті құжаттары рәсімделуде. Сондай-ақ, «Ауыл - ел бесігі» жобасы аясында Қызылжарма ауылдық округіндегі 5 көше күрделі жөндеуден өтеді. Қоғамдық кеңесте қала әкімі осал топтағы отбасылар мен баспанасы апатты деп танылған тұрғындарға жаңадан пәтер сатып алуға бюджеттік өтінім ұсынылғандығын айтты.
СЕРІК ҚОЖАНИЯЗОВ - ҚАЛА ӘКІМІ //Биыл осал топтағы отбасыларға 200 пәтер және авариялық апатты жағдайда тұрған үйлердің тұрғындарына 135 пәтер салынады. Ол жұмыстарға 4,2 млрд теңге ақша бөлініп отыр. Қосымша республикалық бюджеттен мамыр айында тағы 10 млрд теңге шамасында бөлініп, тағы да 800 пәтерді салуға біз бюджеттік өтінім бердік.//
Жиын барысында ауыл тұрғындарын жұмыспен қамту, мүгедектігі бар азаматтарға қолдау көрсету жайы талқыланды. Сонымен иесіз жануарларға қатысты мәселелер көтерілді.
СӘКЕН АЛДАШБАЕВ - ҚОҒАМДЫҚ КЕҢЕС МҮШЕСІ //Қала көшелеріндегі қаңғыбас иттерді жоюдың қандай жолдары бар? Қазір арнайы мамандардың қолдарында дәріменен ұйықтатын ешқандай құрал жоқ. Басқа жағдай жоқ. Тек жабайы түрде жұмыс жасап жатыр. Бұл өте өзекті. Өзіңіз білесіз жақында әлеуметтік желіде кішкентай баланы ит талап жатқаны туралы тарады.//
СЕРІК ҚОЖАНИЯЗОВ - ҚАЛА ӘКІМІ //Қаңғыбас ит-мысықтар өте күрделі мәселе. Осы екі жылдың көлемінде Жануарларды атуға тыйым салынды ғой. Соған байланысты проблема бар. Бұрын енді бюджеттен қаржы бөліп, қаңғыбас иттерді ататын едік қой. Қазір енді заң бойынша тыйым салынған. Енді оны тек кез-келген адам емес арнайы мамандар ғана шұғылданады. Соған бюджеттен тыс көздерден көмектесіп жатырмыз.//
Серік Қожаниязов кеңес мүшелерінің ұсыныс-тілектерін назарға алып, мәселелердің заң аясында оң шешім табуына ықпал ететінін айтты.
Сайт - qyzylordatv.kz/ru/live
Facebook - / qyzylordatv
Instagram - / qyzylordatv
Telegram - t.me/qyzylords_tv
Tiktok - / qyzylorda_tv