#Ötən ilin 19-20 sentyabrında antiterror əməliyatında yaralanan, yeddi ay komada qalıb ötən gün şəhid olan zabit Ülvi Bağırov bu gün doğulduğu Salyan torpağında dəfn olunub. Dəfn mərasimindən əvvəl zabit şəhidin yaşadığı evdə vida mərasimi keçirilib, ruhuna dualar oxunub. Sonra üçrəngli bayrağımıza bükülmüş zabit şəhidin tabutu Şəhər qəbristanlığındakı şəhidlər xiyabanına yola salınıb. Şəhidlər xiyabanının qarşısında cənazə namazı qılınıb. Zabit şəhid Ülvi Bağırovun nəşi şəhidlər xiyabanında torpağa tapşırılıb. Şəhidin xatirəsinə üç dəfə yayılıb atəşi açılıb. Dəfn mərasimində Salyan rayon icra hakimiyyətinin rəsmiləri, hüquq-mühafizə orqanlarının əməkdaşları, şəhidin doğmaları, hərbçilər vəictimaiyyətin nümayəndələri iştirak ediblər.
Qeyd edək ki, Ülvi Hənifə oğlu Bağırov 2001-ci ildə Salyan şəhərində anadan olub. Ötən il Heydər Əliyev adına Ali Hərbi Məktəbi bitirərək Qubadlıda gənc zabit kimi xidmətini davam etdirib. Komando mənsubu olan leytenat Ülvi Bağırov 2023-cü il sentyabrın 19-20-də erməni separatçılarına qarşı keçirilən antiterror əməliyatı zamanı Xocavənd istiqamətində ağır yaralanıb. Yeddi aya yaxın komada qalan zabit şəhid ötən gün müalicə aldığı müəssisədə vəfat edib.