Рет қаралды 371,444
Алматы облысы Есік қаласында төрт баласы бар үйдің әкесі мен шешесі коронавирустан көз жұмды. Алдымен аяғы ауыр Гүлназ Ибрагимова ауруханаға түскен. Кесір тілігін жасағаннан кейін, жүрегі шыдамай бақилық болыпты. Бір аптадан соң жолдасы аураханаға жедел-жәрдеммен жеткізілген екен. Ем қабылдап, жағдайының жақсарғанын айтқан Диас Османовты 1 жарым сағаттан кейін жан сақтау бөліміне алып кетіпті. Сөйтіп, ертесі суыт хабар келген. Марқұмдардың артында 4 бала жетім қалды.
Османовтар әулеті ұлымыз бен келінімізден ойда жоқта айырылып қалдық деп жоқтап отыр. Айтуларынша, 12 шілде күні осы үйдің жүкті келіні өзін нашар сезініп, ауруханаға барған. ПТР тест, рентген, қан талдауын тапсырыпты. Ештеңе шықпаған. Дәрігерлер тамағында баспа деп, жатқызып тастаған екен. 3 күннен кейін денсаулығы нашарлаған соң кесір тілігімен 28-ші аптасында босандырыпты. Араға 4 күн салып баланың анасы көз жұмған.
КАМИЛА ШЕН, марқұмның туған әпкесі:
- 90 процент порожение болып кеткен. Ол 3 аптада, 2 жарым аптада олар қайда қарады? Қалай қарады? 35 проценттен 90 процентке қалай көтерілді?
Камила Шен туған інісінің өкпесі тек 16 пайызға қабынғанын айтады. Талдауының нәтижелері де қолдарында бар екен. Екі аптадан астам уақыт емделгеннен кейін інісімен телефон арқылы да тілдесіпті. О кезде жағдайы жақсарып қалған дейді. Бірақ 1 жарым сағаттан кейін жан сақтау бөліміне жеткізілген екен.
ДИДАР АЙТЖАНОВ, Алматы облысы Еңбекшіқазақ ауданының көпсалалы аурухана бас дәрігерінің орынбасары:
- 31-і күні түнде жалпы жағдайы күрт нашарлап реанимацияға ауыстырылған болатын. Сол жақта барлық реанимациялық ем шаралар жүргізіліп, өкінішке қарай бірі күні көз жұмды.
ӨМІР СЕРІКБЕКҰЛЫ, тілші:
- Дәрігерлер екі марқұмның да өліміне коронавирустық пневмония себепші екеніне сенімді. Енді бұл болған жайтты арнайы құрылған комиссия тексереді. Бірақ ол жұмыстар қашан басталатыны әлі белгісіз.
Ал, 4 айында дүниеге келген нәрестенің жағдайы ауыр екен. Ішкі ағзаларының дамуына біраз уақыт керек дейді дәрігерлер. Марқұмның туыстары шақалақты Алматыдағы ана мен бала орталығына әкелмекші. Алайда құжат рәсімдеу жағы қолбайлау бола ма дейді.
АЙДАР БОШҚҰЛОВ, Алматы облысы Есік қаласының әкімі:
- Комиссия құрылып жатыр. Сол опекунство оформить ететін мекемеден, соц защитадан, әкімшіліктен, образованиядан. Енді толық құжаттарын жаңа туған нәрестенің құжаттарын рәсімдеуге полностью қол ұшымызды береміз.
Қос марқұмның артында 4 бала жетім қалды. Оларды енді әжесі қамқорлығына алмақшы екен.
Өмір Серкібекұлы Влад Шишко
Бізді әлеуметтік желіде оқыңыздар:
KZfaq - / @informburo31kanal
Facebook - / informburo31
Instagram - / informburo31
Vkontakte - informburo31
TikTok - www.tiktok.com/@informburo31
WhatsApp Информбюро +7 777 331 31 31
#қатал_тағдыр #жетімін_жылатпаған_қазақ